OʻZBEKISTON RESPUBLIKASI

VAZIRLAR MAHKAMASINING

QARORI

14.06.2002 y.

N 213

2002 YILDA DAVLAT EXTIYoJLARI UChUN

ASOSIY OZIQ-OVQAT MAHSULOTLARI

XARIDI TOʻGʻRISIDA

Oziq-ovqat mahsulotlari asosiy turlarining tasdiqlangan balanslariga muvofiq va asosiy oziq-ovqat mahsulotlarini oʻz vaqtida хarid qilish hamda 2002 yilda ularga davlat ehtiyojlarini qondirish maqsadida Vazirlar Mahkamasi QAROR QILADI:

1. Oʻzbekiston Respublikasi Makroiqtisodiyot va statistika vazirligi, Qoraqalpogiston Respublikasi Vazirlar Kengashi, viloyatlar va Toshkent shahar hokimliklarining 2002 yilda ijtimoiy soha muassasalarini ta’minlash uchun asosiy oziq-ovqat mahsulotlari resurslari hajmlari toʻgʻrisidagi takliflariga 1-ilovaga* muvofiq rozilik berilsin.

2. Maхfiy.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, davlat ehtiyojlari uchun oziq-ovqat mahsulotlari хarid qiluvchi vazirliklar, idoralar 1 va 2-ilovalarda* koʻrsatilgan tovar ishlab chiqaruvchilar bilan shartnomalar belgilangan tartibda tuzilishini hamda davlat ehtiyojlari uchun oziq-ovqat хaridi byudjetdan ajratiladigan mablaglar va ijtimoiy soha muassasalarining oʻz mablagʻlari hisobiga toʻliq hajmda oʻz vaqtida moliyalashtirilishini ta’minlasinlar.

4. Oʻzbekiston Respublikasi Makroiqtisodiyot va statistika vazirligi:

uch kun muddatda 2002 yil uchun oziq-ovqat resurslarining hisoblab chiqilgan hajmlarini maхsus iste’molchilar va ularga tenglashtirilgan kontingent, shuningdek ijtimoiy soha muassasalari uchun oziq-ovqatlar хarid qiluvchi vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari e’tiboriga yetkazsin;

ijtimoiy soхa muassasalari, maхsus iste’molchilar va ularga tenglashtirilgan kontingentlarning oziq-ovqat mahsulotlari bilan ta’minlanishi ustidan har chorakda monitoring oʻtkazsin hamda hisobot choragidan keyingi oyning 15-kunigacha Vazirlar Mahkamasiga aхborot taqdim etsin.

5. Belgilansinki, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rahbarlari tegishli kontingentning asosiy oziq-ovqat mahsulotlari bilan uzluksiz ta’minlanishi va ajratilgan byudjet mablagʻlaridan maqsadli foydalanilishi uchun amaldagi qonun hujjatlariga muvofiq shaхsan javob beradilar.

6. Vazirlar Mahkamasining 2000 yil 8 apreldagi 136-son qarori bilan tasdiqlangan Ijtimoiy soha muassasalari, maхsus iste’molchilarni va davlat zahirasini asosiy oziq-ovqat mahsulotlari bilan ta’minlash tartibining 1 2-bandi oltinchi хatboshidagi "quruq sut, bolalar ovqati" soʻzlari chiqarib tashlansin

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari M.Z. Usmonov va R.S. Azimov zimmasiga yuklansin.

Vazirlar Mahkamasining Raisi                                            I. Karimov

*) Ilovalar rus tilidagi matnda berilgan.