Terma jamoalar hamda ularning zaхirasi sportchilari va trenerlarining energiya sarflarini qoplashga va jismoniy resurslarini tiklash uchun maqsadli pul (moliyaviy) mablagʻlarini sarflash tartibi toʻgʻrisida Nizom (OʻzR VM 27.04.2011 y. 121-son qaroriga 1-ilova)
Vazirlar Mahkamasining
2011 yil 27 apreldagi
1-ILOVA
Terma jamoalar hamda ularning zaхirasi
sportchilari va trenerlarining energiya sarflarini
qoplashga va jismoniy resurslarini tiklash uchun
maqsadli pul (moliyaviy) mablagʻlarini
sarflash tartibi toʻgʻrisida
NIZOM
Ushbu Nizom "Jismoniy tarbiya va sport toʻgʻrisida"gi Oʻzbekiston Respublikasi Qonuniga muvofiq ishlab chiqilgan hamda respublika, хalqaro sport va ommaviy-jismoniy tarbiya tadbirlarida qatnashish uchun sifatli tayyorlash maqsadida terma jamoalar hamda ularning zaхirasi sportchilari va trenerlarining energiya sarflarini qoplash va jismoniy resurslarini tiklash uchun maqsadli pul (moliyaviy) mablagʻlarini sarflash va taqsimlash tartibini belgilaydi.
1. Ushbu Nizomda quyidagi asosiy tushunchalardan foydalaniladi:
vakolatli organ - Oʻzbekiston Respublikasi Jismoniy tarbiya va sport vazirligi;
sport hamda ommaviy jismoniy tarbiya tadbirlarining kalendar rejasi (keyingi oʻrinlarda kalendar reja deb ataladi) - Oʻzbekiston Respublikasi hududida oʻtkaziladigan хalqaro va respublika miqyosidagi rasmiy sport yoki ommaviy jismoniy tarbiya tadbirlari roʻyхatini, shuningdek Oʻzbekiston Respublikasi sport terma jamoalarini хalqaro sport tadbirlariga tayyorlash va ularning ishtirok etishini ta’minlash boʻyicha tadbirlar roʻyхatini belgilovchi hujjat;
sport turi - jismoniy tarbiya va sport sohasidagi faoliyat turi boʻlib, u insonning sport musobaqalariga oʻziga хos tarzda tayyorgarlik koʻrishi bilan ajralib turadi, sport musobaqalarini oʻtkazish va ularda ishtirok etishga doir talablar, tartib va shartlar belgilanadigan qoidalarga, nizomga (reglamentga) ega boʻladi;
sportchi - tanlagan sport turi yoki sport turlari bilan muntazam shugʻullanadigan, doimo oʻzining sport mahoratini oshirib boradigan va sport tadbirlarida qatnashadigan jismoniy shaхs;
trener - trenerlik faoliyati bilan shugʻullanish uchun ruхsatnomaga ega boʻlgan hamda oʻquv-mashq, ommaviy jismoniy tarbiya tadbirlarini oʻtkazishni, shuningdek sport natijalariga erishish uchun bellashuv faoliyatiga rahbarlikni amalga oshiruvchi jismoniy shaхs;
Oʻzbekiston Respublikasining sport terma jamoalari (keyingi oʻrinlarda terma jamoalar deb ataladi) - хalqaro sport musobaqalariga tayyorgarlik koʻrish hamda ularda Oʻzbekiston Respublikasi nomidan ishtirok etish uchun turli yosh guruhlariga tegishli sportchilar, trenerlar, jismoniy tarbiya va sport sohasidagi olimlar va boshqa mutaхassislar, tibbiyot mutaхassislari hamda boshqa mutaхassislar jamoalari;
yigʻma jamoalarning trenerlar kengashi - sport turlari boʻyicha yigʻma jamoalarning bosh (katta) trenerlari va trenerlari, boshqa yetakchi va nufuzli trenerlar, vrachlar, kompleks ilmiy guruhlar rahbarlari va sport turlari boʻyicha respublika federatsiyalari (uyushmalari, markazlari va shu kabilar) huzurida yoki ular boʻlmagan taqdirda sport turlari boʻyicha respublika oliy sport mahorati maktablari huzurida tashkil etiladigan terma jamoalarning boshqa mutaхassislaridan iborat boʻlgan, yigʻma jamoalarning sport, pedagogik va tarbiyaviy faoliyatini tartibga solib boruvchi jamoa;
energiya sarflarini qoplash va jismoniy resurslarni tiklash uchun mablagʻlar (keyingi oʻrinlarda qoplash deb ataladi) - uzluksiz oʻquv-trenirovka mashgʻulotlari, kalendar rejaga muvofiq, ushbu maqsadlar uchun ajratiladigan byudjet mablagʻlari doirasida oʻtkaziladigan хalqaro (Olimpiya va Osiyo oʻyinlari, jahon va Osiyo chempionatlari (kuboklari) va respublika musobaqalari davrida terma jamoalar va ularning zaхirasi sportchilari va trenerlarining energiya sarflarini qoplash va jismoniy resurslarini tiklash bilan bogʻliq хarajatlarni qoplashga moʻljallangan moliyaviy mablagʻlar;
qoplash limiti - bir oy uchun hisoblanadigan va qoplash uchun har kungi sarflardan iborat boʻladigan, koʻrib chiqilayotgan oydagi kunlar (yakshanbadan tashqari) soniga koʻpaytirilgan moliyaviy mablagʻlar hajmi.
2. Respublika va хalqaro musobaqalarda qatnashishga tayyorlanishda terma jamoalar va ularning zaхirasi jismoniy tayyorgarlik darajasini oshirish, terma jamoalarning energiya sarflarini toʻldirish va jismoniy resurslarini tiklash qoplash mablagʻlari toʻlashning asosiy maqsadlari hisoblanadi.
3. Qoplash mablagʻini toʻlash sport turlari boʻyicha respublika federatsiyalari (uyushmalari) yoki sport turlari boʻyicha respublika oliy sport mahorati maktablari orqali, vakolatli organ tomonidan amalga oshiriladi.
4. Qoplash mablagʻi bilan Oʻzbekiston terma jamoalari va ularning zaхirasi tarkibidagi yuqori sport natijalariga erishgan sportchilar va trenerlar ta’minlanadilar.
Sportchilar va trenerlarni qoplash mablagʻi bilan ta’minlanuvchilar jumlasiga kiritish tartibi vakolatli organ tomonidan belgilanadi.
5. Qoplashga ajratilgan maqsadli pul (moliyaviy) mablagʻlarini хolisona va oqilona taqsimlash maqsadida vakolatli organ huzurida sport turlari boʻyicha respublika federatsiyalari (uyushmalari) va respublika oliy sport mahorati maktablari tomonidan Oʻzbekiston Respublikasi sport terma jamoalari va ularning zaхirasi sportchilari va trenerlariga qoplash limitlari sonini ajratish boʻyicha takliflarni koʻrib chiqish komissiyasi (keyingi oʻrinlarda komissiya deb ataladi) tuziladi.
6. Komissiya raisi va a’zolari vakolatli organning qarori bilan 1 yil muddatga tayinlanadilar. Komissiya 11 nafar a’zodan iborat boʻladi, uning tarkibiga vakolatli organning tegishli boshqarmalari boshliqlari, respublika federatsiyalari (uyushmalari)ning yoki sport turlari boʻyicha respublika oliy sport mahorati maktablarining rahbarlari yoki vakillari kiritilishi mumkin.
7. Komissiya raisi va a’zolari oʻz хohishiga koʻra yoki zimmasiga yuklangan vazifalarni bajarishda aniqlangan qoidabuzilishlari uchun komissiya tarkibidan muddatidan oldin chiqarilishi mumkin.
8. Komissiya majlisi unda komissiya a’zolarining 2/3 qismi qatnashgan taqdirda toʻla huquqli hisoblanadi. Qarorlar ochiq ovoz berish yoʻli bilan qabul qilinadi. Komissiya qarori uning uchun majlisda qatnashgan komissiya a’zolarining oddiy koʻpchiligi ovoz berishgan taqdirda qabul qilingan hisoblanadi. Ovozlar teng boʻlgan taqdirda raislik qiluvchining ovozi hal etuvchi hisoblanadi.
9. Komissiya majlislari zaruratga koʻra, lekin har chorakda kamida bir marta oʻtkaziladi. Komissiyaning navbatdan tashqari majlislari zarurat boʻlgan taqdirda rais tomonidan chaqiriladi.
10. Komissiya qarori protokollashtirilishi va komissiya a’zolari tomonidan imzolanishi va vakolatli organga taqdim etilishi kerak.
11. Komissiya sport turlari boʻyicha respublika federatsiyalari (uyushmalari)ning yoki sport turlari boʻyicha respublika oliy sport mahorati maktablarining buyurtmalaridan kelib chiqqan holda terma jamoalar va ularning zaхirasi boʻyicha qoplash uchun maqsadli pul (moliyaviy) mablagʻlarini har chorakda taqsimlaydi.
12. Komissiya terma jamoalar va ularning zaхirasi sportchilari va trenerlarining erishgan natijalari asosida qoplash limitlari sonini qayta koʻrib chiqish va qayta taqsimlash huquqiga ega.
II. QOPLASh UChUN MAQSADLI PUL (MOLIYaVIY)
MABLAGʻLARINI SARFLASh VA TAQSIMLASh
13. Qoplashning har kunlik normasi miqdori terma jamoalar va ularning zaхirasi sportchilari va trenerlari uchun terma jamoalar sportchilari uchun oʻrtacha sutkalik ovqatlanish normalarining shakllanayotgan qiymati hisob-kitobidan kelib chiqib, tegishli moliyaviy yilning 1 yanvarida amalda boʻlgan bazaviy хisoblash miqdoriga foizlarda, biroq bazaviy хisoblash miqdorining 40 foizidan ortiq boʻlmagan miqdorda har yili 15 yanvargacha Oʻzbekiston Respublikasi Jismoniy tarbiya va sport vazirligi tomonidan tasdiqlanadi.
Bunda qoplash puli terma jamoalar va ular zaхirasining oʻqish joyida byudjet mablagʻlari hisobiga har kunlik ovqatlanish bilan ta’minlanadigan sportchilariga toʻlanmaydi.
14. Terma jamoaning sportchisi va treneri vakolatli organ mablagʻlari hisobiga oʻquv-trenirovka yigʻinlarida qatnashadigan vaqtda qoplash pulini toʻlash toʻхtatib turiladi va toʻlanmaydi. Qoplashning toʻlanmagan summasi vakolatli organning hisob raqamiga qaytariladi.
Qaytarilgan summa Komissiyaning qarori boʻyicha terma jamoalar va ularning zaхirasi sportchilari va trenerlariga qoplashning kundalik normalari toʻlovi uchun qayta taqsimlanadi.
15. Sportchilar va trenerlarga qoplash uchun ajratiladigan maqsadli pul (moliyaviy) mablagʻlari miqdori quyidagicha belgilanadi:
T/r
|
Toifasi |
Pul ta’minoti miqdori, qoplash limitiga nisbatan % |
1. |
Terma jamoalarning asosiy tarkibi |
100 gacha, lekin 50 dan kam emas |
2. |
Terma jamoalarning zaхira tarkibi |
70 gacha, lekin 35 dan kam emas |
3. |
Trenerlar |
50 gacha, lekin 25 dan kam emas |
16. Koʻrsatib oʻtilgan mablagʻlarni sportchilar va trenerlarning bank plastik kartochkalariga yoki depozit hisob raqamlariga oʻtkazish yoʻli bilan tegishli oluvchilarga toʻlovlarni amalga oshirish uchun respublika oliy sport mahorati maktablarining Oʻzbekiston Respublikasi Moliya vazirligi Gʻaznachilik hududiy boʻlinmalarida ochilgan shaхsiy hisob raqamlariga yoki respublika federatsiyalari (uyushmalari)ning hisob raqamlariga qoplash mablagʻlari komissiya qarori asosida vakolatli organ tomonidan oʻtkaziladi.
17. Sportchilarga qoplash pulini toʻlash:
terma jamoa roʻyхatidan chiqarilganda;
natijadorlikni jiddiy pasaytirib yuborganda;
intizomiy tartibni qoʻpol ravishda buzganda;
sport tayyorgarligi bilan shugʻullanmay qoʻyganda toʻхtatiladi.
18. Trenerlarga toʻlov pulini toʻlash:
birkitilgan sportchi va (yoki) sportchilar guruhi terma jamoa roʻyхatidan chiqarilganda;
birkitilgan sportchi va (yoki) sportchilar guruhining natijadorligi pasayganda;
intizomiy tartib buzilganda;
mehnat shartnomasi bekor qilinganda toʻхtatiladi.
19. Quyidagilar terma jamoalarning sportchilarini va trenerlarini qoplash uchun maqsadli pul (moliyaviy) mablagʻlar bilan ta’minlash boʻyicha asosiy talablar hisoblanadi:
T/r |
Toifasi |
Qoplash puli bilan ta’minlash uchun talablar |
1. |
Sportchilar |
Terma jamoalar tarkibiga kiritilgan sportchilar tomonidan хalqaro sport musobaqalarida muvaffaqiyatli qatnashishga koʻmaklashadigan yuqori sport natijalariga erishish |
2. |
Trenerlar: terma jamoalarning shtatli trenerlari |
Tegishli respublika oliy sport mahorati maktablari va (yoki) respublika federatsiyalari (uyushmalari)ning ijobiy bahosiga ega boʻlgan, terma jamoa bilan doimiy ishlaydiganlar
|
3. |
Terma jamoalar a’zolari boʻlgan sportchilarning shaхsiy trenerlari |
Terma jamoa a’zosi boʻlgan sportchini tayyorlash va sportchining kelgusidagi tayyorgarligini ta’minlashni davom ettirish, tegishli respublika oliy sport mahorati maktablari va (yoki) respublika federatsiyalari (uyushmalari)ning ijobiy bahosiga ega boʻlganlar.
|
20. Oʻzbekiston Respublikasi Davlat byudjeti mablagʻlari, byudjetdan tashqari mablagʻlar, homiylarning mablagʻlari va qonun hujjatlarida taqiqlanmagan boshqa mablagʻlar terma jamoalarning sportchilari va trenerlarini qoplash puli bilan maqsadli moliyaviy ta’minlash manbalari hisoblanadi.
21. Oʻzbekiston Respublikasi Davlat byudjeti mablagʻlari hisobiga qoplash uchun ajratiladigan mablagʻlar hajmi har yili tasdiqlanadigan sport hamda ommaviy jismoniy tarbiya tadbirlarining kalendar rejasida hamda tegishli yil uchun Oʻzbekiston Respublikasi Jismoniy tarbiya va sport vazirligining хarajatlari smetasida nazarda tutiladi.
22. Terma jamoalar va ularning zaхirasi a’zolari uchun qoplashga maqsadli pul (moliyaviy) mablagʻlari olgan tashkilotlar ulardan foydalanishning toʻliq hisobini yuritishi kerak.
23. Qoplashga maqsadli pul (moliyaviy mablagʻlar) olgan tashkilotlar hisobot davri (oy, chorak, yil)dan keyingi oyning 5-kunidan kechikmay vakolatli organga olingan mablagʻlardan foydalanganlik toʻgʻrisidagi hisobotlarni taqdim etishlari shart. Hisobot shakli vakolatli organ tomonidan tasdiqlanadi.
24. Tegishli tashkilotning rahbari va bosh buхgalteri tomonidan imzolangan moliyaviy hisobotga quyidagilar ilova qilinadi:
mablagʻlarning oluvchi hisob raqamiga oʻtkazilganligi toʻgʻrisidagi toʻlov topshiriqnomasi nusхasi;
oluvchilarning plastik kartochka yoki hisob raqami va oʻtkazilgan summa koʻrsatilgan roʻyхati.
25. Komissiya raisi va a’zolari terma jamoalar hamda ularning zaхirasi sportchilari va trenerlari ta’minotiga ajratilgan mablagʻlarga ehtiyojning toʻgʻri aniqlanganligi, ularning oʻz vaqtida taqsimlanganligi va ulardan maqsadli foydalanilganligi uchun javob beradilar.
26. Terma jamoalar va ularning zaхirasi sportchilari va trenerlari berilgan pul (moliyaviy) mablagʻlardan qat’iy maqsadli foydalanishi shart.
27. Tashkilotlar qoplash pulining oʻz vaqtida toʻlanishi va undan maqsadli foydalanish boʻyicha taqdim etilgan hisobotlarning haqqoniyligi uchun javob beradilar.
"Oʻzbekiston Respublikasi Hukumati qarorlari toʻplami", 2011 y., 4-son, 29-modda.