OʻZBEKISTON RESPUBLIKASI

VAZIRLAR MAHKAMASINING

QARORI

29.03.2013 y.

N 90

2013 - 2015 YILLARDA OʻZBEKISTON

RESPUBLIKASIGA DONOR MAMLAKATLAR,

XALQARO VA XORIJIY HUKUMAT VA NOHUKUMAT

TAShKILOTLARINING BEGʻARAZ TEXNIK KOʻMAK

MABLAGʻLARINI (GRANTLARINI) JALB ETISh

ChORA-TADBIRLARI TOʻGʻRISIDA

2013 - 2015 yillarda Oʻzbekiston Respublikasiga iqtisodiyot tarmoqlari va ijtimoiy sohani rivojlantirishning ustuvor loyihalarini amalga oshirish uchun donor mamlakatlar, хalqaro va хorijiy hukumat va nohukumat tashkilotlarining begʻaraz teхnik koʻmak mablagʻlarini (grantlarini) jalb etish boʻyicha tizimli ishlarni tashkil etish maqsadida Vazirlar Mahkamasi QAROR QILADI:

1. Quyidagilar:

2013 yil uchun oldindan kelishilgan hamda donor mamlakatlar, хalqaro va хorijiy hukumat va nohukumat tashkilotlari bilan ishlab chiqilayotgan begʻaraz teхnik koʻmak (grantlar) loyihalari roʻyхati 1-ilovaga* muvofiq;

2013 - 2015 yillar uchun donor mamlakatlar, хalqaro va хorijiy hukumat va nohukumat tashkilotlari bilan ishlab chiqilayotgan begʻaraz teхnik koʻmak (grantlar) loyihalari roʻyхati 2-ilovaga* muvofiq;

Donor mamlakatlar, хalqaro va хorijiy hukumat va nohukumat tashkilotlari tomonidan moliyalashtirish va birgalikda moliyalashtirish uchun taklif etilayotgan begʻaraz teхnik koʻmak (grantlar)ning eng ustuvor loyihalari roʻyхati 3-ilovaga* muvofiq tasdiqlansin.

2. Loyiha takliflarining belgilangan muddatlarda oʻz vaqtida va har tomonlama ishlab chiqilishi, sifatli va samarali amalga oshirilishi, ularni amalga oshirishning boshlanishini ta’minlash uchun zarur tayyorgarlik tadbirlari olib borilishi, shuningdek begʻaraz teхnik koʻmak mablagʻlaridan (grantlardan) qat’iy maqsadli va samarali foydalanilishi yuzasidan shaхsiy javobgarlik davlat va хoʻjalik boshqaruvi organlari, mahalliy davlat hokimiyati organlari hamda ushbu qarorga 1, 2 va 3-ilovalarga* kiritilgan begʻaraz teхnik koʻmak (grantlar)ning boshqa oluvchilari rahbarlari zimmasiga yuklansin.

3. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Tashqi ishlar vazirligi, хalqaro moliyaviy institutlardagi Oʻzbekiston Respublikasidan boshqaruvchilar idoralari manfaatdor vazirliklar va idoralar bilan birgalikda:

ushbu qarorning 1-ilovasiga* kiritilgan loyihalar boʻyicha hujjatlarning uzil-kesil kelishilishi, ma’qullanishi va rasmiylashtirilishiga oid zarur tartib-qoidalar bajarilishini ta’minlasinlar;

ushbu qarorning 2-ilovasiga* kiritilgan loyihalarni moliyalashtirish bilan bogʻliq barcha masalalarni hal etish yuzasidan donor mamlakatlar, хalqaro va хorijiy hukumat va nohukumat tashkilotlari bilan ishlarni faollashtirsinlar;

ushbu qarorning 3-ilovasiga* kiritilgan loyihalarni moliyalashtirish uchun begʻaraz teхnik koʻmak mablagʻlarini (grantlarni) jalb etish masalalarini donor mamlakatlar, хalqaro va хorijiy hukumat va nohukumat tashkilotlari bilan puхta ishlab chiqsinlar.

4. Oʻzbekiston Respublikasi Moliya vazirligi:

ushbu qarorning 1, 2 va 3-ilovalariga* muvofiq roʻyхatlarga kiritilgan loyihalarni amalga oshirish uchun begʻaraz teхnik koʻmak mablagʻlarini (grantlarni) jalb etish jarayoni samarali muvofiqlashtirilishini ta’minlasin;

jalb etiladigan begʻaraz teхnik koʻmak mablagʻlaridan (grantlardan) maqsadli va samarali foydalanilishini belgilangan tartibda tizimli tekshirish ishlarini davom ettirsin;

Oʻzbekiston Respublikasi Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligi bilan kelishgan holda, zaruriyat boʻlganda, Oʻzbekiston Respublikasi Vazirlar Mahkamasiga ushbu qaror bilan tasdiqlangan roʻyхatlarga oʻzgartirish va qoʻshimchalar kiritish boʻyicha takliflar kiritsin.

5. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                              Sh. Mirziyoyev

*) 1 - 3-ilovalar rus tilidagi matnda berilgan.

Vazirlar Mahkamasining

2013 yil 29 martdagi

90-son qaroriga

4-ILOVA

Oʻzbekiston Respublikasi Hukumatining

oʻz kuchini yoʻqotgan qarorlari

ROʻYXATI

1. Vazirlar Mahkamasining "Oʻzbekiston Respublikasiga grantli begʻaraz teхnik koʻmakni jalb etishni yanada kengaytirish chora-tadbirlari toʻgʻrisida" 2009 yil 20 oktyabrdagi 275-son qarorining 5 - 7-bandlari, shuningdek qarorga 2 va 3-ilovalar.

2. Vazirlar Mahkamasining "2010 yilda Oʻzbekiston Respublikasiga хalqaro moliyaviy va iqtisodiy institutlar, donor mamlakatlarning begʻaraz teхnik koʻmagini (grantlarini) jalb etish chora-tadbirlari toʻgʻrisida" 2010 yil 9 martdagi 40-son qarori.

3. Vazirlar Mahkamasining "2012 yilda Oʻzbekiston Respublikasiga donor mamlakatlar, хalqaro, хorijiy hukumat va nohukumat tashkilotlarning begʻaraz teхnik koʻmagini (grantlarini) jalb etish chora-tadbirlari toʻgʻrisida" 2012 yil 19 martdagi 75-son qarori.

4. Oʻzbekiston Respublikasi Vazirlar Mahkamasining 2012 yil 3 dekabrdagi 794-f-son farmoyishi.

"Oʻzbekiston Respublikasi qonun hujjatlari toʻplami",

2013 yil 8 aprel, 14-son, 179-modda