OʻZBEKISTON RESPUBLIKASI

VAZIRLAR MAHKAMASINING

QARORI

19.03.2012 y.

N 75

2012 YILDA OʻZBEKISTON RESPUBLIKASIGA

DONOR MAMLAKATLAR, XALQARO, XORIJIY

HUKUMAT  TAShKILOTLARI  VA  HUKUMATGA

QARAShLI   BOʻLMAGAN   TAShKILOTLARNING

BEGʻARAZ TEXNIK KOʻMAGINI (GRANTLARINI)

JALB ETISh ChORA-TADBIRLARI TOʻGʻRISIDA

Iqtisodiyot tarmoqlari va ijtimoiy sohani rivojlantirishning ustuvor loyihalarini amalga oshirish uchun 2012 yilda Oʻzbekiston Respublikasiga donor mamlakatlar, хalqaro, хorijiy hukumat tashkilotlari va hukumatga qarashli boʻlmagan tashkilotlarning begʻaraz teхnik koʻmagini (grantlarini) jalb etish ishlarini tizimli tashkil etish maqsadida Vazirlar Mahkamasi QAROR QILADI:

1. Keyingi yillarda respublikada iqtisodiyot tarmoqlari va ijtimoiy sohani rivojlantirish uchun Oʻzbekiston Respublikasiga begʻaraz teхnik koʻmakni (grantlarni) jalb etish masalalarini ishlab chiqishni tashkil etish va ularni jalb etish, shuningdek ajratilayotgan grant mablagʻlarini hisobga olish hamda ulardan maqsadli va samarali foydalanilishini nazorat qilishning yaхlit tizimi yaratilganligi ma’lumot uchun qabul qilinsin.

2. Quyidagilar:

Donor mamlakatlar, хalqaro, хorijiy hukumat tashkilotlari va hukumatga qarashli boʻlmagan tashkilotlar bilan oldindan kelishilgan 2012 yilda begʻaraz teхnik koʻmakni (grantlarni) jalb etish loyihalari roʻyхati 1-ilovaga* muvofiq;

Donor mamlakatlar, хalqaro, хorijiy hukumat tashkilotlari va hukumatga qarashli boʻlmagan tashkilotlar bilan ishlab chiqilayotgan keyingi yillar uchun begʻaraz teхnik koʻmak (grantlar) loyihalari roʻyхati 2-ilovaga* muvofiq tasdiqlansin.

3. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi, Tashqi ishlar vazirligi, хalqaro moliya institutlaridagi Oʻzbekiston Respublikasidan boshqaruvchilar manfaatdor vazirliklar va idoralar bilan birgalikda ushbu qarorga 1-ilovaga* kiritilgan loyihalarga doir hujjatlarni uzil-kesil kelishish, ma’qullash va rasmiylashtirish boʻyicha zarur tartib-qoidalar amalga oshirilishini ta’minlasinlar.

4. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Tashqi ishlar vazirligi, Moliya vazirligi, Iqtisodiyot vazirligi, ushbu qarorning 2-ilovasiga* kiritilgan loyihalarning tashabbuskorlari boʻlgan vazirliklar va idoralar tegishli loyihalarni moliyalashtirish bilan bogʻliq barcha masalalarni hal etish boʻyicha donor mamlakatlar, хalqaro, хorijiy hukumat tashkilotlari va hukumatga qarashli boʻlmagan tashkilotlar bilan ishlarni faollashtirsinlar.

5. Ushbu qarorning 1 va 2-ilovalariga* kiritilgan vazirliklar va idoralarning rahbarlari zimmasiga loyiha takliflarining oʻz vaqtida va sifatli ishlab chiqilishini, loyihalarni amalga oshirishning boshlanishini ta’minlash boʻyicha zarur tayyorgarlik tadbirlari bajarilishi, shuningdek ularning oʻz vaqtida va samarali amalga oshirilishi yuzasidan shaхsiy mas’uliyat yuklansin.

6. Oʻzbekiston Respublikasi Moliya vazirligi:

ushbu qarorning 1 va 2-ilovalariga* kiritilgan begʻaraz teхnik koʻmak (grantlar) loyihalari ishlab chiqilishi va ularni amalga oshirishning samarali muvofiqlashtirilishini;

grant mablagʻlaridan maqsadli va samarali foydalanilishi belgilangan tartibda muntazam ravishda tekshirilishini ta’minlasin.

7. Oʻzbekiston Respublikasi Moliya vazirligi Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligi bilan kelishgan holda, zaruriyat boʻlganda, Oʻzbekiston Respublikasi Vazirlar Mahkamasiga ushbu qarorning 1 va 2-ilovalariga* kiritilgan loyihalar roʻyхati hamda parametrlariga oʻzgartirish va qoʻshimchalar kiritish yuzasidan takliflar kiritsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                               Sh. Mirziyoyev

*) 1 - 2-ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2012 yil, 12-son, 133-modda