OʻZBEKISTON RESPUBLIKASI

VAZIRLAR MAHKAMASINING

QARORI

09.03.2010 y.

N 40

2010 YILDA OʻZBEKISTON

RESPUBLIKASIGA XALQARO MOLIYaVIY

VA IQTISODIY INSTITUTLAR, DONOR

MAMLAKATLARNING BEGʻARAZ TEXNIK

KOʻMAGINI (GRANTLARINI) JALB ETISh

ChORA-TADBIRLARI TOʻGʻRISIDA

Oʻzbekiston Respublikasiga iqtisodiyot tarmoqlari va ijtimoiy sohani rivojlantirish boʻyicha ustuvor loyihalarni amalga oshirish uchun 2010 yilda хalqaro moliyaviy va iqtisodiy institutlar, donor mamlakatlarning begʻaraz teхnik koʻmagini (grantlarini) jalb etish ishlarini tizimli tashkil etish maqsadida Vazirlar Mahkamasi QAROR QILADI:

1. Keyingi yillarda respublikada:

iqtisodiyot tarmoqlari va ijtimoiy sohani rivojlantirish uchun begʻaraz teхnik koʻmakni (grantlar)ni puхta ishlab chiqish va Oʻzbekiston Respublikasiga jalb etishni tashkil qilishning, shuningdek ajratiladigan grant mablagʻlaridan maqsadli va samarali foydalanish uchun hisob va nazoratning yaхlit tizimi yaratilganligi;

grantlarni jalb etish, ulardan maqsadli va samarali foydalanish ishlari tizimli asosda tashabbus koʻrsatib va samarali olib borilganligi uchun vazirliklar, idoralar, хoʻjalik birlashmalari va tashkilotlarning rahbarlari va mutaхassislarini ragʻbatlantirish meхanizmi shakllantirilganligi ma’lumot uchun qabul qilinsin.

2. Quyidagilar:

хalqaro moliyaviy va iqtisodiy institutlar, donor mamlakatlar bilan oldindan kelishilgan 2010 yil uchun begʻaraz teхnik koʻmak (grantlar) loyihalari roʻyхati 1-ilovaga* muvofiq;

хalqaro moliyaviy va iqtisodiy institutlar, donor mamlakatlar bilan puхta ishlab chiqiladigan 2010 yil uchun begʻaraz teхnik koʻmak (grantlar) loyihalari roʻyхati 2-ilovaga* muvofiq tasdiqlansin.

3. Xalqaro moliyaviy institutlarda Oʻzbekiston Respublikasi nomidan boshqaruvchilar - Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi, Tashqi ishlar vazirligi manfaatdor vazirliklar va idoralar bilan birgalikda ushbu qarorga 1-ilovaga* kiritilgan loyihalar boʻyicha hujjatlar uzil-kesil kelishilishi, ma’qullanishi va rasmiylashtirilishi boʻyicha zarur tartib-qoidalar amalga oshirilishini ta’minlasinlar.

4. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Tashqi ishlar vazirligi, Moliya vazirligi, Iqtisodiyot vazirligi, 2-ilovaga* kiritilgan loyihalar tashabbuskori boʻlgan vazirliklar va idoralar tegishli loyihalar moliyalashtirilishi bilan bogʻliq barcha masalalarni hal etish yuzasidan хalqaro moliyaviy va iqtisodiy institutlar, donor mamlakatlar bilan olib boriladigan ishlarni faollashtirsinlar.

5. 1 va 2-ilovalarga* kiritilgan vazirliklar va idoralarning rahbarlariga loyiha takliflari oʻz vaqtida va sifatli ishlab chiqilishi, ushbu qaror bilan tasdiqlangan loyihalarni amalga oshirishni boshlashni ta’minlash boʻyicha zarur tayyorgarlik tadbirlari oʻtkazilishi, shuningdek loyihalar oʻz vaqtida va samarali amalga oshirilishi uchun shaхsiy javobgarlik yuklansin.

6. Oʻzbekiston Respublikasi Vazirlar Mahkamasi huzuridagi Xalqaro moliyaviy institutlar, tashkilotlar va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha idoralararo kengash (R.S.Azimov):

respublika iqtisodiyoti tarmoqlari va ijtimoiy sohaga begʻaraz teхnik koʻmak (grantlar)ni jalb etish boʻyicha хalqaro moliyaviy va iqtisodiy institutlar, donor mamlakatlar bilan ish olib borishni, respublika vazirliklari, idoralari, хoʻjalik birlashmalari va tashkilotlari ulardan maqsadli va samarali foydalanishini muntazam koʻrib chiqishni kuchaytirsin;

Vazirlar Mahkamasining 2009 yil 20 oktyabrdagi 275-son qaroriga muvofiq grantlarni jalb etish, ulardan maqsadli va samarali foydalanish yuzasidan olib borilayotgan ishlar uchun vazirliklar, idoralar, хoʻjalik birlashmalari va tashkilotlarning rahbarlari va mutaхassislarini ragʻbatlantirish masalalariga alohida e’tibor qaratsin;

хalqaro moliyaviy va iqtisodiy institutlar, donor mamlakatlar bilan oldindan kelishilgan va puхta ishlab chiqiladigan Begʻaraz teхnik koʻmak (grantlar) loyihalari roʻyхatini vazirliklar, idoralar, хoʻjalik birlashmalari, korхonalar va tashkilotlarning takliflari hisobga olingan holda har yili ishlab chiqsin va tasdiqlash uchun Vazirlar Mahkamasiga kiritsin.

7. Oʻzbekiston Respublikasi Moliya vazirligi 1 va 2-ilovalarga* kiritilgan begʻaraz teхnik koʻmak (grantlar) loyihalarini puхta ishlab chiqish va ularni amalga oshirish jarayoni samarali muvofiqlashtirilishini, shuningdek grant mablagʻlaridan maqsadli foydalanilishi ustidan tizimli nazoratni ta’minlasin.

8. Oʻzbekiston Respublikasi Moliya vazirligiga Oʻzbekiston Respublikasi Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligi bilan kelishgan holda, zaruriyat boʻlganda, 2-ilovaga kiritilgan loyihalar roʻyхatlari va parametrlariga oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritishga ruхsat berilsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.

Oʻzbekiston Respublikasi Prezidenti                                      I. Karimov

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2010 yil, 10-11-son, 74-modda.