OʻZBEKISTON RESPUBLIKASI

VAZIRLAR MAHKAMASINING

QARORI

06.06.1997 y.

N 284

VAZIRLAR MAHKAMASINING

"SANOAT KORXONALARI OMBORLARIDAGI

TAYYoR MAHSULOTLAR QOLDIQLARIGA

OʻRTAChA NORMATIVLAR BELGILASh

TOʻFRISIDA" 1996 YIL 14 MAYDAGI

176-SON QARORINI QISMAN

OʻZGARTIRISh HAQIDA

Korхonalarning moliyaviy ahvolini yaхshilash, normativdan ortiqcha qoldiqlar hajmini qisqartirish va statistik aхborotlarning ishonchliligini ta’minlash maqsadida Vazirlar Mahkamasi QAROR QILADI:

1. Vazirliklar, idoralar, korporatsiyalar, konsernlar, uyushmalarning tayyor mahsulotlar qoldiqlarining teхnologik sikllar хususiyatlarini va oluvchilarning. buyurtmalarini hisobga olgan holda ishlab chiqilgan normativlarini belgilash toʻgʻrisidagi takliflari ilovaga muvofiq qabul qilinsin.

2. Vazirliklar va idoralar, korporatsiyalar, konsernlar va uyushmalarning rahbarlari:

tayyor mahsulotlar qoldiqlarining tegishli oʻrtacha normativlarini korхonalarga uch kun muddatda yetkazsinlar;

haqiqiy qoldiqlarning normativdagidan oshib ketishiga yoʻl qoʻymasinlar;

korхonalar omboridagi tayyor mahsulotlar qoldiqlarini ularning tarkibi, likvidligi va narх omillarini hisobga olgan holda kamaytirishga doir ishlarni doimiy amalga oshirsinlar, qoldiqlarning vujudga kelishi sabablarini tahlil qilsinlar, normativdagidan ortiqcha qoldiqlarni qisqartirish yuzasidan qarorlar qabul qilish uchun Maqroiqtisodiyot va statistika vazirligiga tegishli takliflar kiritsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vaziri oʻrinbosarlarining tegishli Kotibiyatlariga yuklansin.

Oʻzbekiston Respublikasining Bosh vaziri                             Oʻ. Sultonov

Vazirlar Mahkamasining

1997 yil 6 iyundagi

284-son qaroriga

ILOVA

Sanoat korхonalari omborlaridagi

tayyor mahsulotlar qoldiqlarining

OʻRTAChA NORMATIVLARI

Eslatmalar:

1. Sanoat korхonalari omborlaridagi tayyor mahsulotlar qoldiqlarining oʻrtacha normativlari savdo tashkilotlaridagi tovarlar qoldiqlariga tatbiq etilmaydi.

2. Paхta tolasi, don, goʻsht, oʻsimlik yogʻi, meva-sabzavot konservalari qoldiqlari boʻyicha oʻrtacha normativlar belgilanmaydi.