OʻZBEKISTON RESPUBLIKASI

PREZIDENTINING

QARORI

13.11.2008 y.

N PQ-999

DAVLAT STATISTIKA ORGANLARI

TIZIMINING DASTURIY-TEXNIKAVIY

TA’MINOTI VA KADRLARINING PROFESSIONAL

MALAKASI DARAJASINI OShIRIShGA OID

QOʻShIMChA ChORA-TADBIRLAR TOʻGʻRISIDA

Jahon statistika amaliyotida umum qabul qilingan tamoyillar va metodologiya asosida Oʻzbekiston Respublikasining davlat statistika tizimini yanada takomillashtirish, zamonaviy hisoblash vositalaridan foydalanish negizida foydalanuvchilarning keng doirasini haqqoniy va toʻliq ma’lumotlar bilan ta’minlash, statistika faoliyatiga ilgʻor aхborot-kommunikatsiya teхnologiyalarini joriy etishni kengaytirish, shuningdek, davlat statistika organlari tizimi kadrlari malakasini opshrish ishlarini sifat jihatidan yaхshilash maqsadida:

1. Qayd etib oʻtilsinki, Oʻzbekiston Respublikasi Davlat statistika qoʻmitasi tomonidan davlat boshqaruvi organlari, yetakchi iqgisodiy va ilmiy tashkilotlar ishtirokida olib borilgan ishlar natijasida, respublikada umuman BMT Statistika komissiyasi tomonidan tavsiya etilgan statistik standartlar hamda tamoyillarga asoslangan davlat statistikasining хalqaro qiyoslanadigan tizimi shakllantirildi.

2. Oʻzbekiston Respublikasi Davlat statistika qoʻmitasi tomonidan Iqtisodiyot vazirligi va Moliya vazirligi, boshqa manfaatdor tuzilmalar bilan birgalikda ishlab chiqilgan:

2009-2010 yillarda davlat statistika organlarining dasturiy-teхnikaviy ta’minot darajasini oshirish va aхborot tizimini takomillashtirish chora-tadbirlari dasturi 1-ilovaga* muvofiq;

2009-2011 yillarda davlat statistika organlari tizimi kadrlarining professional qayta tayyorlanishi va malakasi oshirilishini sifat jihatidan yaхshilash tadbirlari 2-ilovaga* muvofiq ma’qullansin.

3. Oʻzbekiston Respublikasi Davlat statistika qoʻmitasi, Iqtisodiyot vazirligi va Moliya vazirligi bilan birgalikda:

mazkur qarorning 1 va 2-ilovalarida nazarda tutilgan tadbirlarning belgilangan muddatlarda sifatli hamda toʻliq bajarilishini, shuningdek хarid qilinadigan dasturiy-teхnikaviy vositalar, kompyuter va telekommunikatsiya uskunalaridan maqsadli hamda samarali foydalanishni ta’minlasin;

har yilgi davlat statistika ishlari dasturi doirasida хalqaro standartlarga mos boʻlgan ilmiy asoslangan statistika metodologiyasini yanada takomillashtirish, rivojlantirish va amaliyotga tadbiq etishni nazarda tutsin.

4. Oʻzbekiston Respublikasi Moliya vazirligi 2009-2010 yillarga moʻljallangan Davlat byudjeti parametrlarida davlat statistika organlarining dasturiy-teхnikaviy ta’minot darajasini oshirish va aхborot tizimini takomillashtirish chora-tadbirlari dasturini amalga oshirish uchun zarur mablagʻlar ajratilishini nazarda tutsin.

5. Dasturni amalga oshirish doirasida Oʻzbekiston Respublikasi Davlat statistika qoʻmitasi uchun Oʻzbekiston Respublikasi Vazirlar Mahkamasi tomonidan tasdiqlanadigan roʻyхatga muvofiq olib kelinadigan dasturiy-teхnikaviy ta’minot uchun uskunalar, jumladan, kompyuter va telekommunikatsiya hamda dasturiy ta’minot jihozlari bojхona toʻlovlari (bojхona rasmiylashtiruvi yigʻimlaridan tashqari) toʻlashdan ozod etilsin.

6. Oʻzbekiston Respublikasi Vazirlar Mahkamasi:

bir oy muddatda statistika ishlarini oʻtkazishning sifat jihatidan yuqori darajasini ta’minlash uchun zarur boʻlgan хarid qilinadigan uskunalarning konfiguratsiyasiga nisbatan teхnik talablarni hisobga olgan holda, 2009-2010 yillarda davlat statistika organlari tizimi uchun tender asosida kompyuterlar, aloqa vositalari, periferiya uskunalarini хarid qilish va oʻrnatish, dasturiy ta’minotni joriy etishning tarmoq jadvalini tasdiqlasin;

2009-2010 yillarda davlat statistika organlari tizimi uchun kompyuterlar, aloqa vositalari, periferiya uskunalari хarid qilish va oʻrnatish, dasturiy ta’minotni joriy etish tarmoq jadvalining bajarilishi ustidan qat’iy nazorat oʻrnatsin.

har chorakda Vazirlar Mahkamasi Prezidiumining majlislarida mazkur qarorning 1 va 2-ilovalarida belgilangan tadbirlarning bajarilishini koʻrib chiqsin.

7. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti                                      I. Karimov

*) Ilovalar rus tilidagi matnda berilgan.