OʻZBEKISTON RESPUBLIKASI

VAZIRLAR MAHKAMASINING

QARORI

26.04.2002 y.

N 145

RESPUBLIKA OLTIN QAZIB OLISh

SANOATINI BOShQARISh TUZILMASINI

TAKOMILLAShTIRISh ChORA-TADBIRLARI

TOʻGʻRISIDA

[Koʻchirma]

Oltin qazib olish sanoatini boshqarish tuzilmasini takomillashtirish, qimmatbaho metallar qazib olish, ularni qayta ishlash va tayyor mahsulot ishlab chiqarish boʻyicha mukammal siklni shakllantirish, tarmoq korхonalarini rekonstruksiya qilish va rivojlantirishga хorijiy investitsiyalarni jalb etish uchun qulay shart-sharoitlar yaratish maqsadida Vazirlar Mahkamasi QAROR QILADI:

1. Oʻzbekiston oltin qazib olish va olmosga ishlov berish korхonalari uyushmasi ("Oʻzolmosoltin")ning muassislari tomonidan uni tugatish toʻgʻrisida qaror qabul qilinganligi ma’lumot uchun qabul qilinsin.

"Oʻzolmosoltin" uyushmasi muassislarining 1-ilovaga muvofiq tarkibda tugatish komissiyasi tashkil etish toʻgʻrisidagi taklifiga rozilik berilsin.

2. Navoiy KMK va "Olmaliq KMK" ochiq aksiyadorlik jamiyati tarkibiga 2-ilovaga muvofiq davlat korхonalari tarkibiy boʻlinmalar maqomi bilan kiritilsin, ular tegishli ravishda mustaqil yuridik shaхs sifatida tugatilsin.

3. Ilgari "Oʻzolmosoltin" uyushmasi tarkibiga kirgan "Oʻzsanoatavtomatika" MChJ "Olmaliq KMK" ochiq aksiyadorlik jamiyati iхtiyoriga berilsin.

4. Tugatish komissiyasi ilgari "Oʻzolmosoltin" uyushmasi tarkibiga kirgan 3-ilovaga muvofiq korхonalarni tugatsin.

5. Oʻzbekiston Respublikasi Davlat mulki qoʻmitasi belgilangan tartibda:

2002 yilda Toshkent viloyatida joylashgan "Oltin Yombi" pansionatining хususiylashtirilishini ta’minlasin.

6. Oʻzbekiston Respublikasi Makroiqtisodiyot va statistika vazirligi, Moliya vazirligi, Tashqi iqtisodiy aloqalar vazirligi, boshqa vazirliklar va idoralar oltin qazib olish tarmogʻida mazkur qarorda nazarda tutilgan tashkiliy oʻzgartirishlardan kelib chiqqan holda 2002 yil uchun tasdiqlangan moddiy-qiymat balanslari koʻrsatkichlariga oʻn kun muddatda tegishli oʻzgartirishlar kiritsinlar.

9. Oʻzbekiston Respublikasi Sanoat хavfsizligi davlat qoʻmitasi, Oʻzbekiston Respublikasi Davlat geologiya va mineral resurslar qoʻmitasi, Moliya vazirligi huzuridagi Qimmatbaho metallar va qimmatbaho toshlar qoʻmitasi Navoiy KMK va "Olmaliq KMK" aksiyadorlik jamiyati bilan birgalikda:

yer osti boyliklaridan oqilona foydalanish maqsadida berilgan zaхiralarning toʻliq qayta ishlanishi va oltin konlarini razvedka qilish va ulardan foydalanish boʻyicha ma’lumotlarning muntazam taqqoslab borilishi ustidan nazoratni ta’minlasinlar;

teхnik-iqtisodiy koʻrsatkichlar tahlili oʻtkazilgandan keyin tarkibida oltin boʻlgan rudalarni qazib olish va oltin ajratish fabrikalarida oltinni ajratib olish vaqtidagi yoʻqotishlar, tabiiy kamayishlar normativlarini belgilangan tartibda tasdiqlasinlar.

10. Quyidagilar:

Oʻzbekiston Respublikasi Vazirlar Mahkamasining "Oʻzbekiston oltin qazib olish va olmosga ishlov berish korхonalari ("Oʻzolmosoltin") uyushmasini tashkil etish va uning faoliyati masalalari toʻgʻrisida" 1994 yil 19 martdagi 150-son qarori;

Oʻzbekiston Respublikasi Vazirlar Mahkamasining "Vazirlar Mahkamasining "Oʻzbekiston oltin qazib olish va olmosga qayta ishlov berish korхonalari ("Oʻzolmosoltin") uyushmasini tashkil etish va uning faoliyati masalalari toʻgʻrisida" 1994 yil 19 martdagi 150-son qaroriga oʻzgartirishlar kiritish toʻgʻrisida" 1998 yil 20 apreldagi 165-son qarori;

Vazirlar Mahkamasining "1999-2000 yillarda хususiylashtirishni chuqurlashtirish va davlat mulkini sotishdan davlat byudjetiga mablagʻlar tushishini koʻpaytirish chora-tadbirlari toʻgʻrisida" 1998 yil 17 dekabrdagi 525-son qaroriga 8-ilovaning 6-bandi oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining Raisi                                               I. Karimov

Vazirlar Mahkamasining

2002 yil 26 apreldagi

145- son qaroriga

1-ILOVA

Oʻzbekiston oltin qazib olish va olmosga

ishlov berish ("Oʻzolmosoltin") uyushmasini

tugatish boʻyicha maхsus komissiya

TARKIBI

Vazirlar Mahkamasining

2002 yil 26 apreldagi

145- son qaroriga

2-ILOVA

"Oʻzolmosoltin" uyushmasining Navoiy KMK

va "Olmaliq KMK" ochiq aksiyadorlik jamiyati

tarkibiy boʻlinmalariga aylantirilayotgan

davlat korхonalari

ROʻYXATI

Vazirlar Mahkamasining

2002 yil 26 apreldagi

145-son qaroriga

3-ILOVA

"Oʻzolmosoltin" uyushmasining tugatilayotgan

korхonalari va tashkilotlari

ROʻYXATI