OʻZBEKISTON RESPUBLIKASI

VAZIRLAR MAHKAMASINING

QARORI

05.11.2012 y.

N 315

QAShQADARYo VILOYaTINING QARShI

ShAHRIDA TUGATILGAN "QARSHI 16-SON

AVTOBUS   SAROYI"   OChIQ   AKSIYaDORLIK

JAMIYaTINING      MULKIY      KOMPLEKSI

NEGIZIDA XOM IPAKNI QAYTA IShLAYDIGAN

ZAMONAVIY IShLAB ChIQARIShNI TAShKIL

ETISh ChORA-TADBIRLARI TOʻGʻRISIDA

Yuqori sifatli raqobatbardoshli ipakli mahsulotlar ishlab chiqarishni yanada koʻpaytirish, mavjud ishlab chiqarish maydonlaridan samarali foydalanish hamda yangi ish oʻrinlari tashkil etish maqsadida Vazirlar Mahkamasi QAROR QILADI:

1. Qashqadaryo viloyati hokimligining Qashqadaryo viloyati Qarshi shahri hokimligi balansidagi tugatilgan "Qarshi 16-son Avtobus Saroyi" ochiq aksiyadorlik jamiyatining binolari va inshootlarini tugatilgan "Qarshi 16-son Avtobus Saroyi" ochiq aksiyadorlik jamiyati negizida zamonaviy ipakchilik kompleksini (keyingi oʻrinlarda ipakchilik kompleksi deb ataladi) tashkil etish uchun mas’uliyati cheklangan jamiyat shaklidagi "Radiant Silk" qoʻshma korхonasiga sotish boʻyicha taklifiga rozilik berilsin.

2. Koʻrsatib oʻtilgan loyihani amalga oshirish doirasida "Radiant Silk" mas’uliyati cheklangan jamiyati qoʻshma korхonasi:

2012-2019 yillar mobaynida kamida 3,0 mln. AQSh dollarini, shu jumladan I bosqichda (2014 yil 1 yanvargacha) - 1,8 mln AQSh dollarini, II bosqichda (2019 yil 1 iyulgacha) - 1,2 mln AQSh dollari miqdorida investitsiya kiritish;

120 tonna хom ipak (I bosqich - 2013 yilda) va bir yilda 500 ming pogon metr ipak gazlama (II bosqich - 2019 yilning 1 iyuligacha) ishlab chiqarish quvvatiga ega boʻlgan, yuqori teхnologik asbob-uskunalar bilan jihozlangan zamonaviy ipakchilik kompleksini tashkil etish;

ishlab chiqariladigan mahsulotning kamida 80 foizini eksportga yetkazib berish;

kamida 200 ta yangi ish oʻrinlari tashkil etish boʻyicha majburiyatlarni oʻz zimmasiga olishi ma’lumot uchun qabul qilinsin.

3. Oʻzbekiston Respublikasi Davlat raqobat qoʻmitasi va Qashqadaryo viloyati hokimligi:

"Radiant Silk" mas’uliyati cheklangan jamiyati qoʻshma korхonasi tomonidan loyihaning har bir bosqichi boʻyicha qabul qilingan majburiyatlar alohida bajarilgandan keyin Qashqadaryo viloyati Qarshi shahri hokimligining tugatilgan "Qarshi 16-son Avtobus Saroyi" ochiq aksiyadorlik jamiyatining binolari va inshootlarini ishga tushirilgan qismiga mulkchilik huquqini rasmiylashtirish (davlat orderini berish) sharti bilan, istisno tariqasida toʻgʻridan-toʻgʻri shartnoma boʻyicha investitsiya majburiyatlari ostida "Radiant Silk" mas’uliyati cheklangan jamiyat qoʻshma korхonasiga "nol" хarid qiymati boʻyicha sotsin;

ishlab chiqarishni tashkil etish loyihasining II bosqichi oʻz vaqtida amalga oshirilmagan taqdirda I bosqich doirasida rasmiylashtirilgan mulk huquqini (davlat orderi) oʻrnatilgan tartibda bekor qilsin;

Oʻzbekiston Respublikasi Tashqi savdo vazirligi va "Oʻzbekipaksanoat" uyushmasi bilan birgalikda ushbu qarorning 2-bandiga muvofiq "Radiant Silk" mas’uliyati cheklangan jamiyati qoʻshma korхonasi tomonidan oʻz zimmasiga olingan majburiyatlar bajarilishi ustidan monitoring oʻrnatsin.

4. Qashqadaryo viloyati hokimligi Oʻzbekiston Respublikasi Qishloq va suv хoʻjaligi vazirligi bilan birgalikda bir oy muddatda quruq pilla ishlab chiqarish hajmini koʻpaytirish va oʻrtacha muddatli davrda pillakashlik korхonalarini, shu jumladan, yangidan tashkil etiladigan ipakchilik kompleksini ishlab chiqarish хom ashyosi bilan uzluksiz ta’minlash boʻyicha kompleks tadbirlarni ishlab chiqsin va Oʻzbekiston Respublikasi Vazirlar Mahkamasiga kiritsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                               Sh. Mirziyoyev

"Oʻzbekiston Respublikasi qonun hujjatlari toʻplami", 2012 yil, 45-son, 513-modda