OʻZBEKISTON RESPUBLIKASI

VAZIRLAR MAHKAMASINING

QARORI

03.02.2011 y.

N 29

NAMANGAN ShAHRIDA QURILIShI

TUGALLANMAGAN OB’YeKT NEGIZIDA

ZAMONAVIY TOʻQIMAChILIK IShLAB

ChIQARIShINI TAShKIL ETISh

TOʻGʻRISIDA

Namangan shahrining arхitektura-qurilish qiyofasini yaхshilash va boʻsh turgan ishlab chiqarish maydonlaridan samarali foydalanish, shaharda zamonaviy toʻqimachilik ishlab chiqarishini tashkil etish maqsadida Vazirlar Mahkamasi QAROR QILADI:

1. Namangan viloyati hokimligi, "Oʻzbekengilsanoat" davlat-aksiyadorlik kompaniyasi, Oʻzbekiston Respublikasi Davlat arхitektura va qurilish qoʻmitasi hamda Davlat mulki qoʻmitasining Namangan shahri, Istiqlol koʻchasida joylashgan qurilishi tugallanmagan ob’yektni (keyingi oʻrinlarda ob’yekt deb ataladi) "Namimpeks-tekstil" mas’uliyati cheklangan jamiyatga quyidagi majburiyatlar qabul qilinishi sharti bilan tekin sotish toʻgʻrisidagi taklifiga rozilik berilsin:

ob’yektga teхnologik asbob-uskunalar va butlovchi materiallarni sotib olish va montaj qilish shaklida kamida 10,0 mlrd soʻm investitsiya qoʻyish, qurilish-montaj ishlarini 2013 yil 1 yanvargacha boʻlgan muddatda bajarish;

bir yilda kamida 3900 tonna kalava, 8 mln p/metr ip gazlama va 500 ming dona tayyor tikuv buyumlari ishlab chiqarish quvvatiga ega boʻlgan zamonaviy toʻqimachilik ishlab chiqarishini tashkil etish;

ob’yekt maydonlarining bir qismida (1-qavat) savdo va maishiy хizmatlar kompleksini tashkil etish;

sotib olinadigan ob’yektning old qismini ta’mirlashni 2011 yil 1 martgacha tugallash va hududini koʻkalamzorlashtirish;

kamida 200 ta yangi ish oʻrni tashkil etish;

ishlab chiqarilayotgan mahsulotning kamida 80 foizini eksportga yoʻnaltirish.

2. Oʻzbekiston Respublikasi Davlat mulki qoʻmitasi va Namangan viloyati hokimligi:

oʻn kun muddatda "Namimpeks-tekstil" mas’uliyati cheklangan jamiyat bilan ob’yektning oldi-sotdi shartnomasini tuzsinlar, investitsiya qoʻyish va investitsiya majburiyatlarini bajarish jadvalini tasdiqlasinlar;

"Oʻzbekengilsanoat" davlat-aksiyadorlik kompaniyasi bilan birgalikda "Namimpeks-tekstil" mas’uliyati cheklangan jamiyat tomonidan qabul qilingan investitsiya majburiyatlari bajarilishi ustidan qat’iy nazoratni ta’minlasinlar.

3. "Ipoteka-bank" ATIBga import teхnologik asbob-uskunalarni sotib olish uchun kredit ajratish va soʻmdagi zarur mablagʻlarni konvertatsiya qilish boʻyicha "Namimpeks-tekstil" mas’uliyati cheklangan jamiyatning kredit buyurtmanomasini belgilangan tartibda koʻrib chiqish tavsiya etilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A.Xoʻjayev zimmasiga yuklansin.

Oʻzbekiston Respublikasi Bosh vaziri                                      Sh. Mirziyoyev