Oʻzbekiston Respublikasi Prezidentining 30.07.1999 y. F-1038-son "Sudyalarni tayinlash va lavozimidan ozod qilish bilan bogʻliq masalalarni koʻrib chiqish boʻyicha komissiyani tuzish toʻgʻrisida"gi Farmoyishi
OʻZBEKISTON RESPUBLIKASI
PREZIDENTINING
FARMOYIShI
30.07.1999 y.
N F-1038
SUDYaLARNI TAYINLASh
VA LAVOZIMIDAN OZOD QILISh BILAN
BOGʻLIQ MASALALARNI KOʻRIB ChIQISh
BOʻYIChA KOMISSIYaNI TUZISh TOʻGʻRISIDA
Sud hokimiyatining chinakm mustaqilligini ta’minlash, sud kadrlarini tanlash va joy-joyiga qoʻyish prinsiplarini yanada demokratlashtirish maqsadida, shuningdek sudyalik lavozimlariga taqdim etilgan shaхslarga nisbatan hamda sudyalar vakolatlarini muddatidan ilgari toʻхtaish toʻgʻrisida tegishli takliflar kiritish uchun:
1. Oʻzbekiston Respublikasi Prezidenti huzurida sudyalarni tayinlash va lavozimidan ozod qilish bilan bogʻliq masalalarni koʻrib chiqish boʻyicha komissiya tuzilsin.
2. Ushbu Komisiyaning tarkibi va uning toʻgʻrisidagi Nizom tasdiqlansin.
3. Mazkur Farmoyishning bajarilishini nazorat qilish Davlat maslahatchisi A. Nosirov zimmasiga yuklansin.
Oʻzbekiston Respublikasi Prezidenti I. Karimov
"Oʻzbekiston Respublikasi Oliy Majlisining Aхborotnomasi", 1999 y., 8-son, 180-modda