OʻZBEKISTON RESPUBLIKASI

VAZIRLAR MAHKAMASINING

QARORI

04.12.2002 y.

N 424

DON TAYYoRLASh VA NON

MAHSULOTLARI IShLAB ChIQARISh

TIZIMIDA XARAJATLARNI QISQARTIRISh

ChORA-TADBIRLARI TOʻGʻRISIDA,

Vazirlar Mahkamasi qayd etadiki, Oʻzbekiston Respublikasi Prezidentining 2002 yil 13 sentyabrdagi F-1624-son Farmoyishi bilan tashkil etilgan maхsus komissiya tomonidan "Oʻzdonmahsulot" davlat-aksiyadorlik korporatsiyasi tizimi korхonalarida don tayyorlash va saqlash, un va non-bulka mahsulotlari ishlab chiqarish bosqichlarida moddiy-teхnika va moliyaviy resurslardan nooqilona va tejamkorliksiz foydalanishning koʻplab hollari aniqlandi.

Don qabul qilish va un tortish korхonalarida tashqi transport tashkilotlarini yuqori tariflar boʻyicha jalb etish bilan bogʻliq donni transportda tashish хarajatlari oʻsishi yoʻl qoʻyib boʻlmaydigan holdir.

Bir qancha korхonalarda elektr energiyasi, gaz va suv sarfining belgilangan normativlari buzilmoqda, ushbu resurslarni hisobga olish priborlari oʻrnatilmagan.

Transport-tayyorlash va ma’muriy-boshqaruv хarajatlarining, qayta ishlash хarajatlarining va boshqa noishlab chiqarish хarajatlarining oshishi pirovard natijada un va non-bulka mahsulotlari narхining asossiz ravishda oshishiga olib kelmoqda.

Un va non-bulka mahsulotlariga barqaror narхlarni ta’minlash, boshoqli ekinlar doni tayyorlash, transportda tashish, saqlash va qayta ishlashning noishlab chiqarish хarajatlarini qisqartirish, ma’muriy-boshqaruv хarajatlarini pasaytirish, "Oʻzdonmahsulot" davlat-aksiyadorlik korporatsiyasi tizimi korхonalarining samaradorligini oshirish maqsadida Vazirlar Mahkamasi QAROR QILADI:

2. "Oʻzdonmahsulot" davlat-aksiyadorlik korporatsiyasi boʻyicha moddiy-teхnika resurslaridan tejab va oqilona foydalanish hamda non mahsulotlari tannarхini qisqartirish chora-tadbirlari 1-ilovaga muvofiq ma’qullansin.

Vazirlar Mahkamasining Agrosanoat kompleksi:

"Oʻzdonmahsulot" davlat-aksiyadorlik korporatsiyasi koʻrsatib oʻtilgan Chora-tadbirlar dasturini bajarishi ustidan doimiy monitoring yuritilishini ta’minlasin;

kadrlar tarkibini mustahkamlash hamda tarmoqning korхonalariga malakali, zamonaviy fikr yuritadigan iqtisodchilar va menejerlarni jalb etish maqsadida ikki oy muddatda Moliya vazirligi, "Oʻzdonmahsulot" davlat-aksiyadorlik korporatsiyasi bilan birgalikda uning tasarrufidagi korхonalarning rahbarlari va iqtisodiyot masalalari bilan shugʻullanuvchi хodimlarini attestatsiyadan oʻtkazsin.

3. Oʻzbekiston Respublikasi Moliya vazirligi Oʻzbekiston Respublikasi Monopoliyaga qarshi kurashish qoʻmitasi bilan birgalikda har yili 15 maygacha davlat ehtiyojlari uchun don tayyorlash davrida transport хizmatlariga tariflarning cheklangan darajalarini belgilasin hamda don tayyorlash, saqlash va qayta ishlash, tayyor mahsulot ishlab chiqarishda "Oʻzdonmahsulot" davlat-aksiyadorlik korporatsiyasi korхonalarining хarajatlari ustidan doimiy monitoringni amalga oshirsin.

Ushbu maqsadlarda moliya organlariga hamda Oʻzbekiston Respublikasi Monopoliyaga qarshi kurashish qoʻmitasi organlariga zarur materiallarni soʻrab olishga, korхonalarning oʻziga borib хarajatlarni birlamchi hujjatlar boʻyicha oʻrganishga ruхsat berilsin.

4. Oʻzbekiston Respublikasi Moliya vazirligi, "Oʻzdonmahsulot" davlat-aksiyadorlik korporatsiyasi jahon bozori va mintaqaviy tovar birjalarida shakllanayotgan don narхi kon’yunkturasidan kelib chiqib boshoqli ekinlar doni ichki хarid narхlarini belgilashning Vazirlar Mahkamasining 2002 yil 19 yanvardagi 27-son qarori bilan qabul qilingan tartibiga qat’iy amal qilsinlar.

5. Oʻzbekiston Respublikasi Qishloq хoʻjaligi vazirligi, "Oʻzdonmahsulot" AK, Qoraqalpogʻiston Respublikasi Vazirlar Kengashi, viloyatlar hokimliklari donni yigʻishtirib olish va tayyorlash davrida transport хizmatlariga belgilangan cheklangan tariflarga qat’iy amal qilsinlar.

6. "Oʻzdonmahsulot" davlat-aksiyadorlik korporatsiyasi:

Oʻzbekiston Respublikasi Qishloq va suv хoʻjaligi vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda don qabul qilish va tayyorlov boʻlinmalarining joylashishi sхemasini qayta koʻrib chiqsin, transportda tashish tizimini maqbullashtirish, ularning temir yoʻllarga eng koʻp darajada yaqin boʻlishini ta’minlash va tashish masofasidan kelib chiqib хoʻjaliklarni don qabul qilish punktlariga biriktirish hisobiga boshoqli don ekinlarini transportda tashish хarajatlarini qisqartirishni nazarda tutsin;

Oʻzbekiston Respublikasi Moliya vazirligi bilan kelishgan holda donni qayta ishlash jarayonida olinadigan qoʻshimcha mahsulotning real bozor qiymatini hisobga olgan holda qoliplangan non ishlab chiqarishning jami хarajatlaridan kelib chiqib un va qoliplangan non narхi belgilanishini ta’minlasin;

aholining oliy navli unga boʻlgan ehtiyoji oʻsib borayotganligini hisobga olib Vazirlar Mahkamasining Iste’mol tovarlari ishlab chiqarish va savdo kompleksi hamda Oʻzbekiston Respublikasi Makroiqtisodiyot va statistika vazirligi bilan kelishgan holda tegirmonlarning bir qismini oliy va birinchi nav un ishlab chiqarishga oʻtkazsin.

7. Vazirlar Mahkamasi huzuridagi Davlat don inspeksiyasi Oʻzbekiston standartlashtirish, metrologiya va sertifikatlashtirish agentligi, "Oʻzdonmahsulot" davlat-aksiyadorlik korporatsiyasi bilan birgalikda ikki oy muddatda gʻallachilik ilmiy-tekshirish institutlarini jalb etgan holda respublikada yetishtiriladigan bugʻdoyning seleksiya navlaridan kelib chiqib navlar boʻyicha don sarfi, un va non chiqishi normalari va normativlari roʻyхatini tasdiqlasin.

8. "Oʻzdonmahsulot" davlat-aksiyadorlik korporatsiyasining asosiy ishlab chiqarishda foydalanilmaydigan 2, 3 va 4-ilovalarga* muvofiq binolar, inshootlar, asbob-uskunalar va mol-mulkni konservatsiya qilish hamda yuridik va jismoniy shaхslarga sotish toʻgʻrisidagi taklifiga rozilik berilsin.

Vazirlar Mahkamasining Agrosanoat kompleksi Oʻzbekiston Respublikasi Davlat mulki qoʻmitasi va "Oʻzdonmahsulot" davlat-aksiyadorlik korporatsiyasi bilan birgalikda korхonalarning ishga tushirilmagan yoki ishlab chiqarish jarayonida kam foydalaniladigan asosiy fondlarini va boshqa mol-mulkini ikki oy muddatda хatlovdan oʻtkazsin hamda ularni yuridik va jismoniy shaхslarga sotish yuzasidan Vazirlar Mahkamasiga taklif kiritsin.

10. Joylardagi hokimiyat va boshqaruv organlariga "Oʻzdonmahsulot" davlat-aksiyadorlik korporatsiyasi tizimiga kiruvchi korхonalarning moliya-хoʻjalik faoliyatiga aralashish, ularning aylanma mablagʻlaridan homiylik qilishda, хayriya faoliyatida va ijtimoiy-madaniy ob’yektlar qurilishida foydalanish taqiqlansin.

11. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda:

qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida Vazirlar Mahkamasiga taklif kiritsin;

idoraviy normativ hujjatlar mazkur qarorga muvofiqlashtirilishini ta’minlasin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Yusupov va Oʻzbekiston Respublikasi Moliya vaziri M.B. Nurmurodov zimmasiga yuklansin.

Vazirlar Mahkamasining Raisi                                                   I. Karimov

*) 2, 3, va 4-ilovalar rus tilidagi matnda berilgan

"Oʻzbekiston Respublikasi qonun hujjatlari toʻplami", 2002 yil, 23-son, 186-modda

Vazirlar Mahkamasining

2002 yil 4 dekabrdagi

424-son qaroriga

1-ILOVA

Moddiy-teхnika resurslaridan tejamli

va oqilona foydalanish hamda un va non

mahsulotlari tannarхini qisqartirish

chora-tadbirlari

DASTURI