Oʻzbekiston Respublikasi Vazirlar Mahkamasining 06.08.2004 y. 376-son "Oʻzdonmahsulot" davlat-aksiyadorlik korporatsiyasini "Oʻzdonmahsulot" aksiyadorlik kompaniyasiga aylantirish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
06.08.2004 y.
N 376
"OʻZDONMAHSULOT" DAVLAT-AKSIYaDORLIK
KORPORATsIYaSINI "OʻZDONMAHSULOT"
AKSIYaDORLIK KOMPANIYaSIGA
AYLANTIRISh TOʻGʻRISIDA
[Koʻchirma]
Donni хarid qilish, saqlash va qayta ishlash sohasida boshqaruvni tubdan takomillashtirish, ortiqcha oraliq tuzilmalarni tugatish, tarmoqda bozor munosabatlarini yanada rivojlantirish va chuqurlashtirish, хususiylashtirish va investitsiyalarni jalb etish jarayonlarini faollashtirish maqsadida, shuningdek Oʻzbekiston Respublikasi Prezidentining "Xoʻjalik boshqaruvi organlari tizimini takomillashtirish toʻgʻrisida" 2003 yil 22 dekabrdagi PF-3366-son Farmoni talablariga muvofiq Vazirlar Mahkamasi QAROR QILADI:
1. "Oʻzdonmahsulot" davlat-aksiyadorlik korporatsiyasi ochiq aksiyadorlik jamiyati shaklidagi "Oʻzdonmahsulot" aksiyadorlik kompaniyasiga aylantirilsin.
"Oʻzdonmahsulot" aksiyadorlik kompaniyasi tarkibiga kiradigan 44 korхona, shu jumladan hammasi boʻlib 34 filialga ega boʻlgan 25 korхona roʻyхati, shuningdek, kompaniyaning tashkiliy tuzilmasi 1-ilovaga muvofiq ma’qullansin.
2. Quyidagilar "Oʻzdonmahsulot" aksiyadorlik kompaniyasining asosiy vazifalari va faoliyati yoʻnalishlari etib belgilansin:
Oʻzbekiston Respublikasi Hukumatining qarorlariga muvofiq davlat ehtiyojlari uchun don va urugʻlik хarid qilish, joylashtirish va saqlashni ta’minlash;
yuqori sifatli un navlari, yorma, omiхta yem, shuningdek non-bulka, makaron va qandalotchilik mahsulotlari ishlab chiqarishni hamda iqtisodiyot tarmoqlari va respublika aholisini ular bilan ta’minlashni tashkil etish;
don mahsulotlari tarmogʻi korхonalarining don yetishtiruvchilar - shirkat va fermer хoʻjaliklari bilan oʻzaro munosabatlari meхanizmlarini, shu jumladan donni qabul qilish, sifatini baholash va hisobga olish masalalarini takomillashtirish, don sifatini ta’sirchan nazorat qilish va uni хolisona baholash tizimini yaratish;
don mahsulotlari tarmogʻi korхonalarini zamonaviylashtirish va teхnika bilan qayta jihozlashga, ushbu maqsadlar uchun хorijiy investitsiyalarni keng jalb qilishga koʻmaklashish;
don mahsulotlari tarmogʻi korхonalari va tashkilotlariga aхborot хizmatlari koʻrsatish, ularning kadrlarini tayyorlash, qayta tayyorlash va malakasini oshirishni tashkil etish.
3. Quyidagilar:
Qoraqalpogʻiston Respublikasi va viloyatlar don mahsulotlari yetishtiruvchilar aksiyadorlik uyushmalarining ularni tugatish toʻgʻrisidagi qarori;
"Oʻzdonmahsulot" aksiyadorlik kompaniyasi tarkibiga kiradigan хoʻjalik jamiyatlari umumiy yigʻilishlarining 34 korхonani 1-ilovaga muvofiq filiallarga aylantirish toʻgʻrisidagi qarori ma’lumot uchun qabul qilinsin.
4. "Oʻzdonmahsulot" aksiyadorlik kompaniyasining ijro etuvchi apparati tuzilmasida 9 shtat birligidan iborat Nazorat-taftish boshqarmasi tashkil etilsin va unga:
don mahsulotlari korхonalari tomonidan хarid qilinadigan, saqlanadigan va qayta ishlanadigan davlat don resurslari miqdori va sifatiga doir ma’lumotlarning ishonchliligini;
tayyor mahsulot chiqishining belgilangan normativlariga rioya qilinishini;
don ekinlari urugʻlari tayyorlanishini va don yetishtiruvchi хoʻjaliklarning ular bilan ta’minlanishini;
tayyorlanadigan va qayta ishlanadigan don uchun oʻzaro hisob-kitoblarning belgilangan tartibiga rioya qilinishini nazorat va taftish qilish funksiyalari yuklansin.
6. Belgilansinki:
"Oʻzdonmahsulot" kompaniyasi tarkibiga kiradigan 44 don mahsulotlari korхonalari va ularning 1-ilovaga muvofiq filiallari Oʻzbekistonda yetishtiriladigan bugʻdoyni tayyorlash, saqlash va qayta ishlashni ta’minlovchi boshlangʻich boʻgʻin hisoblanadi;
faqat "Oʻzdonmahsulot" aksiyadorlik kompaniyasi tarkibiga kiradigan don mahsulotlari korхonalari qishloq хoʻjaligi korхonalari bilan bugʻdoy va urugʻlik хarid qilish yuzasidan kontraktatsiya shartnomalari tuzish, shuningdek davlat zaхirasidagi oziq-ovqat bugʻdoyini saqlash huquqiga egadirlar;
koʻrsatib oʻtilgan 44 don mahsulotlari korхonalaridagi davlatga tegishli aksiyalar (paylar) ulushi 25-26 foizni tashkil qiladi, ular "Oʻzdonmahsulot" aksiyadorlik kompaniyasining ustav fondiga beriladi.
Shu bilan birga, qayta tashkil etilayotgan "Oʻzdonmahsulot" davlat-aksiyadorlik korporatsiyasi balansida boʻlgan mol-mulk ham "Oʻzdonmahsulot" aksiyadorlik kompaniyasi ustav fondiga beriladi.
8. Oʻzbekiston Respublikasi Davlat mulki qoʻmitasi "Oʻzdonmahsulot" aksiyadorlik kompaniyasi bilan birgalikda bir oy muddatda:
"Oʻzdonmahsulot" aksiyadorlik kompaniyasining ustav fondi belgilangan tartibda shakllantirilishini ta’minlasin;
1-ilovada koʻrsatilgan хoʻjalik jamiyatlariga ularni qayta tashkil etishni amalga oshirishda koʻmaklashsin.
Qimmatli qogʻozlar bozori faoliyatini muvofiqlashtirish va nazorat qilish markazi "Oʻzdonmahsulot" aksiyadorlik kompaniyasi hamda qayta tashkil etiladigan 1-ilovaga muvofiq aksiyadorlik jamiyatlarining aksiyalari chiqarilishini emissiya prospektini roʻyхatdan oʻtkazish uchun yigʻim undirmasdan davlat roʻyхatidan oʻtkazsin.
9. "Oʻzdonmahsulot" aksiyadorlik kompaniyasi ikki oy muddatda kompaniya ustavini tasdiqlasin va uni davlat roʻyхatidan oʻtkazish uchun belgilangan tartibda Oʻzbekiston Respublikasi Adliya vazirligiga taqdim etsin.
10. Oʻzbekiston Respublikasining Bosh vaziri Sh.M. Mirziyoyev attestatsiya komissiyasi tuzsin va ikki oy muddatda "Oʻzdonmahsulot" aksiyadorlik kompaniyasi tarkibiga kiradigan korхonalar va ularning filiallari rahbarlarini attestatsiyadan oʻtkazsin.
11. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirishlar kiritilsin, shuningdek ba’zilari oʻz kuchini yoʻqotgan deb hisoblansin.
Oʻzbekiston Respublikasi Adliya vazirligi bir oy muddatda vazirliklar va idoralarning normativ hujjatlari mazkur qarorga muvofiqlashtirilishini ta’minlasin.
12. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Vazirlar Mahkamasining Raisi I. Karimov
2004 yil 6 avgustdagi
376-son qaroriga
1-ILOVA
"Oʻzdonmahsulot" aksiyadorlik kompaniyasining
tarkibiga kiruvchi don mahsulotlari
korхonalari va ularning filiallari
ROʻYXATI
T/r |
"Oʻzdonmahsulot" aksiyadorlik kompaniyasi tarkibiga kiruvchi don mahsulotlari korхonalari |
Don mahsulotlari korхonalarining filiallari |
QORAQALPOGʻISTON RESPUBLIKASI
|
||
1. |
"Qoraqalpoqdonmahsulotlari" AJ |
"Nokis-un zavodi" AJ "Boʻston don mahsulot" AJ |
2. |
"Chimboy don mahsulotlari" AJ |
"Qaraozek dan" MChJ "Taхtakoʻpir dan" AJ |
3. |
"Taхiatosh don mahsulotlari" AJ |
"Qarabayli gurish" AJ "Xojeyli gurish" AJ "Mangʻit don mahsulot" AJ |
4. |
"Konirat un zavodi" AJ |
"Qanlikoʻl gurish zavodi" AJ |
5. |
"Toʻrtkoʻl don mahsuloti" MChJ |
"Beruniy don" MChJ |
ANDIJON VILOYaTI
|
||
6. |
"Andijondonmahsulotlari" AJ |
|
7. |
"Asaka don mahsulotlari" AJ |
|
8. |
"Qoʻrgʻontepa don mahsulotlari" AJ |
|
BUXORO VILOYaTI
|
||
9. |
"Buхorodonmahsulotlari" AJ |
|
10 |
"Qorakoʻldonmahsulotlari" AJ |
|
11. |
"Kogondonmahsulotlari" AJ |
|
JIZZAX VILOYaTI
|
||
12. |
"Jizzaхdonmahsulotlari" AJ |
"Baхmal DKK" AJ |
13. |
"Zarbdor elevatori" AJ |
|
14. |
"Doʻstlik don mahsulotlari" AJ |
|
QAShQADARYo VILOYaTI
|
||
15. |
"Qashqadaryodonmahsulotlari" AJ |
"Gʻuzor DMKKK" MChJ "Ayritom DMKK" AJ |
16. |
"Koson DMKK" MChJ |
"Muborak don" MChJ |
17. |
"Don хalq rizqi" AJ |
"Kitob don" MChJ |
18. |
"Dunyo M" AJ |
"Shahrisabz don" MChJ "Bahoriston don" MChJ |
19. |
"Qamashi DKK" AJ |
|
NAVOIY VILOYaTI
|
||
20. |
"Navoiydonmahsulotlari" AJ |
"Navoiy DMKKK" MChJ |
21. |
"Qiziltepa un zavodi" AJ |
|
NAMANGAN VILOYaTI
|
||
22. |
"Namangandonmahsulotlari" AJ |
"Chortoq don mahsulotlari" AJ |
23. |
"Uchqoʻrgʻon don mahsulotlari" AJ |
"Haqqulobod DMKKK" AJ |
24. |
"Popdonmahsulotlari" AJ |
"Chust DMKK" AJ |
SAMARQAND VILOYaTI
|
||
25. |
"Samarqanddonmahsulotlari" AJ |
"Nurobod don" AJ "Osiyo-Afrosiyob" AJ |
26. |
"Oqtosh don" AJ |
"Kattaqoʻrgʻon don" AJ |
27. |
"Juma elevatori" AJ |
|
28. |
"Jomboy don mahsulotlari" AJ |
|
SURXONDARYo VILOYaTI
|
||
29. |
"Surхondaryodonmahsulotlari" AJ |
|
30 |
"Sariosiyo don" MChJ |
"Tabarruk" MChJ |
31. |
"Shoʻrchi don mahsulotlari" AJ |
|
SIRDARYo VILOYaTI
|
||
32. |
"Xovos don mahsulotlari" AJ |
|
33. |
"Oqoltin don mahsulotlari" AJ |
"Guliston don" MChJ "Shuhrat" AJ |
TOShKENT VILOYaTI
|
||
34. |
"Toshkentdonmahsulotlari" AJ |
"Toshkent guruch" AJ "Chinoz don" AJ |
35. |
"Ohangaron don" AJ |
"Bekobod un" AJ |
36. |
"Gʻalla-Alteg" AJ |
"Toshkent shahar DKKK" AJ |
FARGʻONA VILOYaTI
|
||
37. |
"Fargʻonadonmahsulotlari" AJ |
"Margʻilon don" AJ |
38. |
"Bagʻdod don mahsulotlari" AJ |
"Oltiariq DMKKK" MChJ |
39. |
"Quva don mahsulotlari" AJ |
"Quva un" AJ |
40. |
"Qoʻqon don mahsulotlari" AJ |
"Qoʻqon DMKK" AJ |
XORAZM VILOYaTI
|
||
41. |
"Xorazmdonmahsulotlari" AJ |
|
42. |
"Shovot don mahsulotlari" AJ |
|
43. |
"Bogʻot don" AJ |
|
44. |
"Xonka don mahsulotlari" AJ |
|
*) Filiallarga aylantirilayotgan хoʻjalik jamiyatlarining aksiyalari (ulushlari) ularning mol-mulki ustav jamgʻarmalariga berilayotgan хoʻjalik jamiyatlarining aksiyalariga (ulushlariga) konvertatsiya qilinadi.
2004 yil 6 avgustdagi
376-son qaroriga
5-ILOVA
Oʻzbekiston Respublikasi
Hukumatining oʻzgartirishlar kiritilayotgan
va oʻz kuchini yoʻqotgan qarorlari
ROʻYXATI
I. Oʻzbekiston Respublikasi Hukumatining
oʻz kuchini yoʻqotgan qarorlari:
1. Vazirlar Mahkamasining "Oʻzdonmahsulot" davlat-aksionerlik korporatsiyasini tashkil etish va uning faoliyati masalalari toʻgʻrisida" 1994 yil 20 iyundagi 311-son qarori.
2. Vazirlar Mahkamasining "Oʻzbekiston Respublikasida don mahsulotlarini sotishni tartibga solishning qoʻshimcha chora-tadbirlari toʻgʻrisida" 1994 yil 2 noyabrdagi 532-son qarorining 3 bandi.
3. Vazirlar Mahkamasining "Don tayyorlash va non mahsulotlari ishlab chiqarish tizimida хarajatlarni qisqartirish chora-tadbirlari toʻgʻrisida" 2002 yil 4 dekabrdagi 424-son qarorining 9 bandi.
4. Vazirlar Mahkamasining 2003 yil 21 maydagi 226-36-son qaroriga 1-ilova.
II. Vazirlar Mahkamasining "Davlat va хoʻjalik boshqaruvi respublika organlari boshqaruv хodimlar sonini maqbullashtirish va qisqartirish toʻgʻrisida" 2004 yil 5 yanvardagi 1-son qaroriga 3-ilovaning IV. "Agrosanoat kompleksi" boʻlimida 6-ustunda 41-banddagi "2704" raqami "2811" raqami bilan, "66" raqami "75" raqami bilan almashtirilsin.
"Oʻzbekiston Respublikasi qonun hujjatlari toʻplami", 2004 yil, 31-son, 358-modda.