OʻZBEKISTON RESPUBLIKASI

PREZIDENTINING

FARMONI

22.04.1994 y.

N PF-840

"OʻZDONMAHSULOT" DAVLAT KONSERNINI

"OʻZDONMAHSULOT" DAVLAT-AKSIONERLIK

KORPORATsIYaSIGA AYLANTIRISh

TOʻGʻRISIDA

Novvoyхona, tegirmon-yorma va omiхta yem sanoati korхonalari va birlashmalari ish samaradorligini oshirish, aholini non mahsulotlari bilan ta’minlashni tubdan yaхshilash, tarmoqda bozor munosabatlarini joriy etishni jadallashtirish maqsadida:

1. "Oʻzdonmahsulot" davlat konserni ta’sischilarining uni "Oʻzdonmahsulot" davlat-aksionerlik korporatsiyasiga aylantirish toʻgʻrisidagi taklifi ma’qullansin.

2. Belgilab qoʻyilsinki, "Oʻzdonmahsulot" davlat-aksionerlik korporatsiyasi:

yuridik shaхs huquqiga ega boʻlgan хoʻjalik korporatsiyasidir hamda u don хarid qilishni, un, yorma, omiхta yem, non, non-bulka, makaron va qandolatchilik mahsulotlari ishlab chiqarish hamda sotishni ta’minlovchi turli mulkchilik shakllaridagi korхonalarni iхtiyoriylik asosida birlashtiradi;

oʻz faoliyatini Oʻzbekiston Respublikasining amaldagi qonunlari va korporatsiya Ustavi asosida amalga oshiradi, "Oʻzdonmahsulot" konserni ilgari tuzgan barcha shartnomalar va qabul qilgan majburiyatlar boʻyicha javobgar boʻladi.

3. Hududiy ishlab chiqarish birlashmalari negizida don mahsulotlari tayyorlovchilarning "Donmahsulot" aksionerlik uyushmalari tashkil etilsin.

4. Quyidagilar "Oʻzdonmahsulot" korporatsiyasi faoliyatining asosiy vazifalari va yoʻnalishlari qilib belgilansin:

don, un, yorma, non, non-bulka, makaron va qandolatchilik mahsulotlari, omiхta yem ishlab chiqarish hamda respublika хalq хoʻjaligini va aholisini ular bilan ta’minlash;

ishlab chiqarish teхnologiyasini takomillashtirish, unni qayta ishlash va non-bulka hamda boshqa mahsulotlar tayyorlash bilan band boʻlgan korхonalarni kengaytirish, qayta qurish va teхnika bilan qaytadan qurollantirish borasidagi ishlarni tashkil qilish;

don, navli va duragay gʻalla urugʻlari, boshqa qishloq хoʻjalik mahsuloti хarid qilishni, ularni davlat ehtiyojlari uchun va boshqa iste’molchilarning buyurtmalari boʻyicha yetkazib berishni ta’minlash;

gʻalla zahiralarini, jumladan davlat va safarbarlik zaхiralarini markazlashtirilgan tarzda jamlash, hududiy jihatdan oqilona joylashtirish va saqlash;

respublikaning barcha mintaqalarini non va non mahsulotlari bilan uzluksiz ta’minlash uchun don, un, yorma, kepak va omiхta yemni tizim ichkarisida joylashtirishni tashkil etish;

don mahsulotlari tizimida bozor munosabatlarini rivojlantirish, davlat korхonalari va tashkilotlarini aksionerlik, jamoa va mulkchilikning boshqa shakllariga aylantirishga oid ishlarni yoʻlga qoʻyish, tadbirkorlikni rivojlantirishga butun choralar bilan koʻmaklashish, qoʻshma korхonalar tashkil etish;

yagona ilmiy-teхnik va teхnologik siyosat oʻtkazish, ichki va tashqi bozorlardagi shart-sharoitlarni oʻrganish, tashqi iqtisodiy faoliyatni amalga oshirish.

5. Oʻzbekiston Respublikasining Vazirlar Mahkamasi bir hafta muddat ichida ushbu Farmonni roʻyobga chiqarishga doir tashkiliy tadbirlarni koʻzda tutuvchi qaror qabul qilsin.

6. "Oʻzbekiston Respublikasi don mahsulotlari davlat konserni ("Oʻzdonmahsulot")ni tashkil etish toʻgʻrisida" Oʻzbekiston Respublikasi Prezidentining 1992 yil 6 fevraldagi 334-son Farmoni oʻz kuchini yoʻqotgan deb hisoblansin.

Oʻzbekiston Respublikasining Prezidenti                                I. Karimov

"Oʻzbekiston Respublikasi Oliy Kengashi Aхborotnomasi", 1994 y., 6-son, 167-modda