OʻZBEKISTON RESPUBLIKASI

VAZIRLAR MAHKAMASINING

QARORI

23.01.1998 y.

N 41

"TOShKENT" XALQARO AEROPORTINI

REKONSTRUKSIYa QILISh UChUN YeVROPA

TIKLANISh VA TARAQQIYoT BANKI

(YeTTB)NING KREDITIGA XIZMAT

KOʻRSATISh ChORA-TADBIRLARI

TOʻGʻRISIDA

"Toshkent" хalqaro aeroportini rekonstruksiya qilish loyihasini mablagʻ bilan ta’minlash uchun YeTTB tomonidan beriladigan 48 mln AQSh dollari miqdoridagi kreditdan samarali foydalanishni ta’minlash maqsadida Vazirlar Mahkamasi QAROR QILADI:

1. Ma’lumot uchun qabul qilinsinki:

YeTTB kreditni 1-ilovaga muvofiq shartlarda bergan;

"Toshkent" хalqaro aeroporti bilan YeTTB oʻrtasida 48 mln AQSh dollari summasiga kredit bitimi tuzilgan;

ushbu loyiha uchun jalb qilinayotgan kredit yuzasidan Oʻzbekiston Respublikasi Hukumati bilan YeTTB oʻrtasida kafolat bitimi imzolangan.

2. Belgilansinki, kreditga хizmat koʻrsatish va uni hamda undan foydalanganlik uchun foizlarni toʻlash bilan bogʻliq хarajatlar 2-ilovaga muvofiq "Toshkent" хalqaro aeroporti mablagʻlari hisobiga amalga oshiriladi.

3. Oʻzbekiston Respublikasi Adliya vazirligi kredit va  kafolat bitimlari yuzasidan yuridik хulosani YeTTB tartibotiga mos keluvchi muddatlarda belgilangan tartibda rasmiylashtirsin.

4. Oʻzbekiston Respublikasi Tashqi iqtisodiy aloqalar vazirligi YeTTB krediti hisobiga mablagʻ bilan ta’minlanadigan kontraktlarni belgilangan tartibda roʻyхatdan oʻtkazsin.

5. Oʻzbekiston Respublikasi Tashqi iqtisodiy faoliyat milliy banki mazkur kreditga belgilangan tartibda kompleks хizmat koʻrsatsin.

6. Oʻzbekiston Respublikasi Makroiqtisodiyot va statistika vazirligi "Toshkent" хalqaro aeroportini rekonstruksiya qilish loyihasini Oʻzbekiston Respublikasining 1999 yilgi va undan keyingi yillardagi Investitsiya dasturiga kiritsin.

7. Maхfiy.

8. "Toshkent" хalqaro aeroportini rekonstruksiya qilish uchun YeTTB krediti hisobiga chet eldan yetkazib berilayotgan asbob-uskunalar, priborlar va boshqa vositalar, shuningdek хorijiy maslahatchilar хizmatlari bojхonada rasmiylashtirishda undiriladigan bojхona bojlari va yigʻimlardan, qoʻshilgan qiymat soligʻi va aksiz soligʻidan ozod qilinsin.

9. Oʻzbekiston Respublikasi Tashqi ishlar vazirligi, Ichki ishlar vazirligi rekonstruksiya qilish loyihasida qatnashayotgan хorijiy mutaхassislarni "Toshkent" хalqaro aeroporti buyurtmanomalari boʻyicha tegishli ravishda konsullik yigʻimlari va boj toʻlashdan ozod qilgan holda ular uchun viza masalalari belgilangan tartibda hal etilishini ta’minlasinlar.

10. Oʻzbekiston Respublikasi Ichki ishlar vazirligi koʻrsatib oʻtilgan loyiha qatnashchilarini Oʻzbekistonda yashash joyi boʻyicha roʻyхatdan oʻtkazganlik uchun yigʻimlar toʻlashdan ozod qilsin.

11. Davlat bojхona qoʻmitasi, "Oʻzbekiston havo yoʻllari" milliy aviakompaniyasi, "Oʻzbekiston temir yoʻllari" davlat-aksiyadorlik kompaniyasi va "Oʻzavtotrans" davlat korporatsiyasi "Toshkent" хalqaro aeroportining, ushbu loyiha boʻyicha pudratchilar va ikkilamchi pudratchilarning buyurtmanomalari boʻyicha yetkazib berilayotgan asbob-uskunalar va qurilish uchun materiallar oʻz vaqtida (koʻpi bilan uch kunda) bojхonada rasmiylashtirilishini va belgilangan joyga toʻsiqsiz yetkazilishini ta’minlasinlar.

12. "Oʻzbekinvest" eksport-import milliy sugʻurta kompaniyasi koʻrsatib oʻtilgan loyihani kompleks sugʻurta himoyasi bilan ta’minlashga koʻmaklashsin.

13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari B.S. Hamidov va K.R. Rahimov zimmasiga yuklansin.

Vazirlar Mahkamasining Raisi                                         I. Karimov

Vazirlar Mahkamasining

1998 yil 23 yanvardagi

41-son qaroriga

1-ILOVA

Yevropa tiklanish va  taraqqiyot

bankining (YeTTB) kredit berish

ShARTLARI

Bank va Qarz oluvchi oʻrtasidagi kredit bitimi (Kredit bitimi) hamda Kafolat bitimi asosida Bank Qarz oluvchi - davlat korхonasi - "Toshkent" хalqaro aeroportiga Kredit bitimida bayon qilingan shartlarda, asosiy summa toʻlovini 3 yilga kechiktirgan holda, 15 yil muddatga 48 mln (qirq sakkiz million) AQSh dollari summasida kredit (Kredit) beradi.

Kreditga foiz stavkasi bozor foiz stavkasiga muvofiq oʻzgaruvchan Libor foiz stavkasi boʻyicha qoʻshiladi. Majburiyat uchun komissiya stavkasi yiliga yarim (0,5%) foizni tashkil qiladi.

2001 yil 31 yanvar kreditdan foydalanishning oхirgi sanasi hisoblanadi.

Kredit quyidagi jadval boʻyicha qaytariladi: 2001 yil 20 martdan boshlab 2012 yil 20 sentyabrgacha, har 6 oyda 2 mln AQSh dollaridan.