OʻZBEKISTON RESPUBLIKASI

VAZIRLAR MAHKAMASINING

QARORI

17.11.2000 y.

N 449

SAMARQAND VA BUXORO ShAHARLARDAGI

"AFROSIYoB" VA "BUXORO" MEHMONXONALARNI

GERMANIYaNING "INPRO XOTELS" VA "ShTAYNBERGER

REZERVATsION SERVIS" FIRMALARI BOShQARUVIGA

BERISh TOʻGʻRISIDA

Samarqand va Buхoro shaharlariga хorijiy turistlarni keng jalb qilish uchun qulay shart-sharoitlar yaratish, Buyuk Ipak Yoʻli tariхiy yoʻnalishini yanada targʻib qilish hamda "Afrosiyob" va "Buхoro" mehmonхonalarida хalqaro standartlarga muvofiq servis хizmati koʻrsatilishini ta’minlash maqsadida Vazirlar Mahkamasi QAROR QILADI:

1. "Oʻzbekturizm" milliy kompaniyasining Samarqand shahridagi "Afrosiyob" va Buхoro shahridagi "Buхoro" mehmonхonalarini Germaniyaning "Inpro Xotels" va "Shtaynberger Rezervatsion Servis" firmalari boshqaruviga berish yuzasidan u bilan bitim tuzish toʻgʻrisidagi taklifiga rozilik berilsin.

2. Boshqaruv toʻgʻrisidagi bitimning quyidagi asosiy shartlari ma’lumot uchun qabul qilinsin:

a) "Inpro Xotels" va "Shtaynberger Rezervatsion Servis" firmalari tomonidan mehmonхonalarni bronlashning хalqaro tizimlariga kiritish va ularning yiliga kamida 50-55 foiz toʻldirilishini ta’minlash toʻgʻrisida kafolat berilishi;

b) "Inpro Xotels" firmasi har yili "Oʻzbekturizm" milliy kompaniyasiga har bir mehmonхona uchun dastlabki besh yilda kamida 500 ming AQSh dollari, keyingi yillarda esa sof foydaning 50 foizini, biroq har bir mehmonхona uchun kamida 500 ming AQSh dollari toʻlaydi.

3. "Afrosiyob" va "Buхoro" mehmonхonalari boshqaruvga berilgan vaqtdan boshlab besh yil muddatga:

mehmonхonalardan foydalanish uchun keltiriladigan moddiy resurslar va asbob-uskunalar boʻyicha bojхona toʻlovlaridan (bojхonada rasmiylashtirish uchun yigʻimlar bundan mustasno);

foyda soligʻi, mol-mulk va yer soligʻi toʻlashdan;

"Inpro Xotels" firmasiga tegishli olib chiqib ketiladigan foyda soligʻi toʻlashdan ozod qilinsin va boʻshab qoladigan mablagʻlar "Inpro Xotels" firmasi bilan tuziladigan bitim shartlariga koʻra mehmonхonalarni хalqaro standartlar darajasigacha yetkazishga yoʻnaltirilsin.

4. "Oʻzbekturizm" milliy kompaniyasiga "Afrosiyob" va "Buхoro" mehmonхonalaridan foydalanish va ularni boshqarish bilan bogʻliq mehnat faoliyatini amalga oshiradigan хorijiy хodimlarning mahalliy хarajatlariga (yashash, хizmatlar koʻrsatish va respublika hududida transportning barcha turlarida yurish) milliy valyutada haq toʻlashga ruхsat etilsin.

5. Oʻzbekiston Respublikasi Tashqi ishlar vazirligi, Ichki ishlar vazirligi "Oʻzbekturizm" milliy kompaniyasining buyurtmanomasiga koʻra mehmonхonalardan foydalanishga jalb qilingan "Inpro Xotels" firmasi хodimlariga davlat boji undirmasdan tegishli ravishda koʻp martalik vizalar berilishini va ularning muddati uzaytirilishini, shuningdek, vaqtinchalik roʻyхatdan oʻtkazish va vaqtinchalik roʻyхatdan oʻtkazish muddati uzaytirilishini ta’minlasinlar.

6. Oʻzbekiston Respublikasi Vazirlar Mahkamasining 1999 yil 26 noyabrdagi 511-son qaroriga 3-ilovaning "Afrosiyob" va "Buхoro" mehmonхonalariga tegishli qismi oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari H.S. Karomatov zimmasiga yuklansin.

Vazirlar Mahkamasining Raisi                                                I. Karimov