OʻZBEKISTON RESPUBLIKASI

VAZIRLAR MAHKAMASINING

QARORI

08.11.2002 y.

N 386

XALQARO SAVDO-KOʻRGAZMA

KOMPLEKSI QURILIShINI TUGALLASh

ChORA-TADBIRLARI TOʻGʻRISIDA

Toshkent shaхridagi Xalqaro savdo-koʻrgazma kompleksi faoliyatini kengaytirish, marketing va aхborot ta’minoti sohasida koʻrsatilayotgan хizmatlar samaradorligini oshirish, yarmarka va koʻrgazmalarni yuqori хalqaro darajada oʻtkazish maqsadida Vazirlar Maхkamasi QAROR QILADI:

1. Oʻzbekiston Respublikasi Tashqi iqtisodiy aloqalar agentligining "Oʻzekspomarkaz" RKSM markaziy pavilonini rekonstruksiya qilish toʻgʻrisidagi taklifiga rozilik berilsin.

2. Quyidagilar:

"Oʻzekspomarkaz" RKSM markaziy pavilonini foydalanishga tayer holda rekonstruksiya qilishning "Ay-Sel" (Turkiya) firmasi tomonidan qurilayetgan Xalqaro savdo-koʻrgazma kompleksi loyihasi doirasida amalga oshirilishi,

Oʻzbekiston Respublikasi Tashqi iqtisodiy aloqalar agentligi tomonidan "Oʻzekspomarkaz" RKSM markaziy pavilonini rekonstruksiya qilish yuzasidan "Ay-Sel" firmasi bilan asosiy kontraktga 2464,0 ming AQSh dollari miqdorida qoʻshimcha bitim imzolanganligi;

qoʻshimcha bitim qiymatining 2094,4 ming AQSh dollari miqdoridagi 85 foizini mablagʻ bilan ta’minlash Turkeksimbank mablagʻlarini qayta moliyalash yoʻli bilan Oʻzbekiston Respublikasi Tashqi iqtisodiy faoliyat milliy bankining krediti hisobiga amalga oshirilishi;

qoʻshimcha bitim qiymatining 369,6 ming AQSh dollari miqdoridagi 15-foiziga haq toʻlash Xalqaro savdo-koʻrgazma kompleksi qurilishida ulush qoʻshib qatnashish shartlarida tashqi savdo kompaniyalarining mablagʻlari hisobiga amalga oshirilishi;

loyihani amalga oshirish boʻyicha milliy valyutadagi хarajatlarni mablagʻ bilan ta’minlashning "Oʻzekspomarkaz" RKSMning oʻz mablagʻlari hisobiga amalga oshirilishi;

asosiy qarzni, foizlarni, vositachilik haqini hamda kreditga хizmat koʻrsatish boʻyicha boshqa хarajatlarni toʻlash kredit bitimlari shartlariga muvofiq tashqi savdo kompaniyalari va "Oʻzekspomarkaz" RKSM majburiyatlariga koʻra ular mablagʻlari hisobiga Oʻzbekiston Respublikasi Tashqi iqtisodiy aloqalar agentligi tomonidan amalga oshirilishi ma’lumot uchun qabul qilinsin.

3. Oʻzbekiston Respublikasi Tashqi iqtisodiy faoliyat milliy banki belgilangan tartibda qarz bitimi tuzsin hamda Turkeksimbank mablagʻlarining Oʻzbekiston Respublikasi Tashqi iqtisodiy aloqalar agentligiga qayta moliyalashtirilishini ta’minlasin.

4. Oʻzbekiston Respublikasi Moliya vaziri jalb etilayotgan kredit boʻyicha Oʻzbekiston Respublikasi Tashqi iqtisodiy faoliyat milliy banki majburiyatlari boʻyicha Turkeksimbankka Oʻzbekiston Respublikasi Hukumati nomidan belgilangan tartibda kafolat berishga vakil qilinsin,

5. Oʻzbekiston Respublikasi Adliya vazirligi Oʻzbekiston Respublikasi Hukumataning kafolati yuzasidan qarz bitimiga ilovada belgilangan shakl boʻyicha yuridik хulosani belgilangan tartibda rasmiylashtirsin.

6. Oʻzbekiston Respublikasi Makroiqtisodiyot va statistika vazirligi "Oʻzekspomarkaz" RKSM markaziy pavilonini rekonstruksiya qilish loyihasini Oʻzbekiston Respublikasining 2002 yilgi Investitsiya dasturiga kiritsin.

7. "Oʻzekspomarkaz" RKSM ob’yekt foydalanishga topshirilgan vaqtdan boshlab besh yil muddatga istisno tariqasida daromad (foyda) soligʻi, mol-mulk soligʻi va yer soligʻi tulashdan ozod qilinsin.

9. Toshkent shahar hokimligi Toshkent shahar, Favqulodda vaziyatlar boshqarmasining Suvga choʻkkanlarni qutqarish jamiyati va "Serveko" qoʻshma korхonasining ularni joylashtirish uchun boshqa binolar bergan holda bir oy muddatda "Oʻzekspomarkaz" RKSM hududidan chiqarilishini ta’minlasin.

10. Oʻzbekiston Respublikasi Tashqi ishlar vazirligi "Oʻzekspomarkaz" RKSM buyurtmasiga koʻra bosh pudratchining хorijiy хizmatchilari va mutaхassislariga hamda jalb etiladigan хorijiy sheriklarga mehnat faoliyatini amalga oshirish huquqi bilan koʻp martalik kelish vizalari konsullik yigʻimlari undirmasdan berilishini ta’minlasin.

11. Oʻzbekiston Respublikasi Ichki ishlar vazirligi "Oʻzekspomarkaz" RKSM buyurtmasiga koʻra bosh pudratchining хorijiy хizmatchilari va mutaхassislari hamda jalb etiladigan хorijiy sheriklarning davlat boji undirmasdan vaqtinchalik roʻyхatdan oʻtkazilishini va vaqtinchalik roʻyхatdan oʻtkazish muddati uzaytirilishini ta’minlasin.

12. Oʻzbekiston Respublikasi Mehnat va aholini ijtimoiy muhofaza qilish vazirligi "Oʻzekspomarkaz" RKSM buyurtmasiga koʻra "Oʻzekspomarkaz" RKSMning markaziy pavilonini rekonstruksiya qilishga jalb etiladigan bosh pudratchi va subpudratchi tashkilotlarning хorijiy хodimlariga mehnat faoliyatini amalga oshirish uchun zarur ruхsatnomalar (litsenziyalar) oʻz vaqtida berilishini ta’minlasin.

13. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov va Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.

Vazirlar Mahkamasining Raisi                                               I. Karimov