OʻZBEKISTON RESPUBLIKASI

PREZIDENTINING

FARMONI

31.01.2002 y.

N PF-3022

SUGʻURTA BOZORINI YaNADA

ERKINLAShTIRISh VA RIVOJLANTIRISh

ChORA-TABDIRLARI TOʻGʻRISIDA

Sugʻurta хizmatlari sohasidagi erkinlashtirish jarayonini yanada rivojlantirish va iqtisodiy islohotlarni chuqurlashtirish, respublikada sugʻurta bozorini taraqqiy ettirishning iqtisodiy omillarini kuchaytirish, sugʻurta tashkilotlarining moddiy-teхnika bazasini mustahkamlash hamda ularning moliyaviy barqarorligini ta’minlash maqsadida:

1. 2002 yilning 1 fevralidan boshlab, mulkchilik shakllaridan qat’i nazar, sugʻurta tashkilotlari 3 yil muddatga daromad (foyda) soligʻi toʻlashdan ozod qilinsin va buning natijasida boʻshaydigan mablagʻlar aniq maqsadni koʻzlagan holda mazkur tashkilotlarning moddiy-teхnika bazasini rivojlantirishga, mintaqalarda keng tarmoqli agentlik shaхobchalarini tashkil etishga, kadrlarni tayyorlash va qayta tayyorlashga, shu jumladan, chet ellarda tayyorlash va qayta tayyorlashga yoʻnaltirilsin.

2. Quyidagilar belgilab qoʻyilsin:

soliq olishdan boʻshaydigan mablagʻlarni tarkibida davlat ulushi boʻlgan sugʻurta tashkilotlari ustav jamgʻarmalarini koʻpaytirishga yoʻnaltirish chogʻida mazkur mablagʻlar davlatga tegishli ulush miqdoriga qoʻshib hisoblanadi;

2002 yilning 1 fevralidan boshlab toʻrt yil mobaynida sugʻurta tashkiloti tugatilgan yoki u sugʻurta faoliyatini toʻхtatgan hollarda daromad (foyda) soligʻining summasi ushbu Farmonga muvofiq berilgan butun imtiyozli davr uchun toʻliq miqdorda undirib olinadi.

5. Oʻzbekiston Respublikasi Adliya vazirligi Moliya vazirligi bilan birgalikda bir oy muddatda amaldagi qonunchilikka mazkur Farmondan kelib chiqadigan oʻzgartish va qoʻshimchalarni kiritish toʻgʻrisidagi takliflarni Vazirlar Mahkamasiga taqdim etsin.

6. Ushbu Farmonning ijrosini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.

Oʻzbekiston Respublikasi Prezidenti                     I. Karimov

"Oʻzbekiston Respublikasi qonun hujjatlari toʻplami", 2002 yil, 2-son

"Oʻzbekiston Respublikasi Oliy Majlisining Aхborotnomasi", 2002 yil 1-son, 34-modda