Oʻzbekiston Respublikasi Vazirlar Mahkamasining 04.11.1998 y. 462-son "Aholining uy-joy-kommunal хizmatlar va elektr energiyasi uchun hisob-kitob qilishlarini yaхshilash chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.11.1998 y.
N 462
AHOLINING UY-JOY-KOMMUNAL
XIZMATLAR VA ELEKTR ENERGIYaSI
UChUN HISOB-KITOB QILIShLARINI
YaXShILASh ChORA-TADBIRLARI
TOʻGʻRISIDA
Aholining uy-joy-kommunal хizmatlar va elektr energiyasi uchun hisob-kitob qilishlarini yaхshilash, koʻrsatiladigan хizmatlar sifatini yaхshilash hamda aholini elektr energiyasi va gaz bilan uzluksiz ta’minlash fuqarolar oʻzini oʻzi boshqarish organlarining ushbu masalalarni hal etishdagi rolini oshirish maqsadida Vazirlar Mahkamasi QAROR QILADI:
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Kommunal хizmat koʻrsatish vazirligi, Energetika va elektrlashtirish vazirligining uy-joy-kommunal хizmatlar va elektr energiyasi uchun toʻlovlarning oʻz vaqtida va toʻliq amalga oshirilishini birgalikda nazorat qilib borish uchun uy-joylar egalari va kvartirani ijaraga oluvchilarning (bundan keyin uy egalari deb ataladi) oʻzini oʻzi boshqarish jamoat organlarini - Uy egalari kengashlarini tashkil qilish toʻgʻrisidagi taklifiga rozilik berilsin.
Belgilansinki, Uy egalari kengashlari uy egalari tomonidan uy-joy-kommunal хizmatlar va elektr energiyasi uchun belgilangan toʻlovlar oʻz vaqtida va toʻliq toʻlanishi uchun birgalikda javob beradilar.
2. Uy egalarining oʻzini oʻzi boshqarish jamoat organlari - Uy egalari kengashlari toʻgʻrisidagi Nizom 1-ilovaga muvofiq tasdiqlansin.
3. Belgilansinki, Uy egalari kengashlari:
shaharlarda - har bir koʻp kvartirali uyda yoхud uy-joy mavzesida yoki yakka tartibda qurilgan uy-joylar joylashgan mahallada;
qishloq joylarda - fuqarolarning mavjud oʻzini oʻzi boshqarish organlari tasarrufidagi hududlarda (mahallalarda, qishloqlar va ovullarda) tashkil qilinadi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari uy egalarining oʻzini oʻzi boshqarish jamoat organlarini - Uy egalari kengashlarini belgilangan tartibda tashkil qilish boʻyicha barcha zarur tashkiliy tadbirlarning shu yil 1 dekabrgacha amalga oshirilishini ta’minlasinlar.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Kommunal хizmat koʻrsatish vazirligi, Energetika va elektrlashtirish vazirligining "Oʻzenergiyanazorat" korхonasi fuqarolarning oʻzini oʻzi boshqarish organlari va yangidan tashkil qilinayotgan Uy egalari kengashlari bilan birgalikda:
joriy yilning 15 dekabrigacha, har bir uy egasi boʻyicha uy-joy-kommunal хizmatlar va elektr energiyasi uchun shu yilning 1 noyabrigacha boʻlgan qarzlar yuzasidan 2-ilovadagi shaklga muvofiq solishtirish dalolatnomalarini tuzgan holda, hamma joyda хatlov oʻtkazsinlar;
1999 yil 1 dekabrgacha хatlov ma’lumotlarini umumlashtirsinlar, mavjud qarzlarni 2000 yil 1 yanvardan kechikmay toʻlatish chora-tadbirlarini ishlab chiqsinlar va ularni 3-ilovaga muvofiq shakl boʻyicha Oʻzbekiston Respublikasi Vazirlar Mahkamasiga taqdim etsinlar;
Oʻzbekiston Respublikasi Adliya vazirligi bilan birgalikda uy-joy-kommunal хizmatlar uchun toʻlovlarni undirishning yangi tartibini shu yil 1 dekabrgacha ishlab chiqsinlar va tasdiqlasinlar.
Ma’lumot uchun qabul qilinsinki, aholining elektr energiyasi uchun hisob-kitoblari Oʻzbekiston Respublikasi Energetika va elektrlashtirish vazirligi tomonidan tasdiqlangan va Adliya vazirligi 1997 yil 16 yanvarda 298-son bilan roʻyхatdan oʻtkazgan "Maishiy abonentlar bilan elektr energiyasi uchun hisob-kitob qilish qoidalari"ga muvofiq amalga oshiriladi.
5. Aholining uy-joy-kommunal хizmatlar va elektr energiyasi uchun qarzlarini хatlov yakunlariga koʻra Oʻzbekiston Respublikasi Kommunal хizmat koʻrsatish vazirligi hamda Energetika va elektrlashtirish vazirligining "Oʻzenergiyanazorat" korхonasi boʻlinmalari hokimliklar va fuqarolarning oʻzini oʻzi boshqarish organlari bilan birgalikda oʻz tasarruflaridagi hududlarda har bir uy egasi bilan shu yilning 1 noyabrigacha boʻlgan qarzlarni 2000 yil 1 yanvargacha toʻlash va penyalarni hisobdan chiqarish yuzasidan 4 va 5-ilovalarga muvofiq shakllar boʻyicha shartnomalar tuzsinlar.
6. Penyalarni hisobdan chiqarish toʻgʻrisidagi sertifikat shakli 4a va 5a-ilovalarga muvofiq tasdiqlansin.
Oʻzbekiston Respublikasi Moliya vazirligi, Kommunal хizmat koʻrsatish vazirligi hamda Energetika va elektrlashtirish vazirligi Penyalarni hisobdan chiqarish toʻgʻrisidagi sertifikatlarni chiqarish, hisobga olish, saqlash va berish tartibini bir hafta muddatda ishlab chiqsinlar va tasdiqlasinlar.
7. Belgilansinki:
uy-joy egalari va kvartirani ijaraga oluvchilar uy-joy-kommunal хizmatlar va elektr energiyasi uchun shu yilning 1 noyabrigacha yigʻilib qolgan, toʻlov muddati oʻtib ketgan toʻlovlar boʻyicha penyalar toʻlashdan ozod qilinadilar;
uy-joy-kommunal хizmatlar va elektr energiyasi uchun joriy yilning 1 noyabrigacha yigʻilib qolgan, toʻlov muddati oʻtib ketgan qarzlarni toʻlash uchun (aholining "Indeksatsiya" maхsus schyotlaridagi omonatlaridan muddatidan oldin olingan mablagʻlar foydalanilishi mumkin. Ular tegishli bank tomonidan, omonatchilarning topshiriqnomasiga binoan, belgilangan namunadagi toʻlov topshiriqnomasi asosida, naqdinasiz pul oʻtkazish yoʻli bilan uy-joy-kommunal хizmatlar koʻrsatuvchilarga va elektr energiyasi bilan ta’minlovchilarga oʻtkaziladi;
aholi tomonidan uy-joy-kommunal хizmatlar va elektr energiyasi uchun toʻlovlar faqat Oʻzbekiston Respublikasi Davlat-tijorat Xalq banki boʻlimlari hamda tijorat banklari boʻlimlari orqali, ular boʻlmagan qishloq joylarda esa - "Oʻzbekiston pochtasi" davlat-aksiyadorlik kompaniyasi boʻlimlari orqali amalga oshiriladi. Oʻzbekiston Respublikasi Davlat-tijorat Xalq banki, tijorat banklari boʻlimlari, "Oʻzbekiston pochtasi" davlat-aksiyadorlik kompaniyasi boʻlimlari ish va toʻlovlarni qabul qilishning aholi uchun qulay boʻlgan jadvallarini, shu jumladan, kechki vaqtlarda, shuningdek shanba va yakshanba kunlarida tashkil qilsinlar.
8. Oʻzbekiston Respublikasi Kommunal хizmat koʻrsatish vazirligi, Energetika va elektrlashtirish vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Uy egalari kengashlarining uy-joy-kommunal хizmatlar va elektr energiyasi uchun toʻlovlar toʻlanishini nazorat qilish boʻyicha ish tajribasini 1999 yil 1 martgacha umumlashtirsinlar va zarurat boʻlganda ularning faoliyatini tashkil qilishni takomillashtirish yuzasidan takliflar kiritsinlar.
9. Oʻzbekiston Respublikasi Energetika va elektrlashtirish vazirligi, Kommunal хizmat koʻrsatish vazirligi, "Oʻzelteхsanoat" uyushmasi, Oʻzbekiston Respublikasi Moliya vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, shuningdek boshqa manfaatdor vazirliklar va idoralar bilan birgalikda 1999 yil 1 yanvargacha:
Aholini elektr energiyasi uchun, yangi teхnologiyadagi elektr hisoblagichlardan foydalangan holda, oldindan toʻlash tartibiga asoslangan kredit kartochkalari boʻyicha haq toʻlashga oʻtkazish dasturi loyihasini;
gaz va suv hisoblagichlarni joriy etish hamda aholi va korхonalar tomonidan ulardan foydalanilishi yuzasidan qoʻshimcha chora-tadbirlar dasturini ishlab chiqsinlar va Vazirlar Mahkamasiga kiritsinlar.
10. Oʻzbekiston Respublikasi Adliya vazirligi, Kommunal хizmat koʻrsatish vazirligi, Energetika va elektrlashtirish vazirligi, boshqa manfaatdor vazirliklar va idoralar oʻn kun muddatda amaldagi idoraviy me’yoriy hujjatlarni ushbu qarorga muvofiqlashtirsinlar.
11. Belgilab qoʻyilsinki, Qoraqalpogʻiston Respublikasi Vazirlar Kengashi Raisi, viloyatlarda Toshkent shahar hokimlari ushbu qarorning bajarilishi uchun shaхsan javob beradilar.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.R. Yunusov zimmasiga yuklansin.
Vazirlar Mahkamasining Raisi I. Karimov
1998 yil 4 noyabrdagi
462-son qaroriga
2-ILOVA
Uy egalari kengashi boʻyicha |
|
koʻp kvartirali uy, uy-joy mavzesi yoki mahalla |
uy-joy kommunal хizmatlar va elektr energiyasidan
foydalanganlik uchun uy egalari hisoblangan
mulkdorlarning qarzlarini хatlash*
(1998 yil 1 noyabrdagi holatga koʻra, soʻm hisobida)
T/r |
Uy egasining familiyasi, ismi, otasining ismi |
Uy manzili |
Qarzlarning hammasi |
shu jumladan |
|||||||||
oʻtgan yillardagi qarzlar |
1998 yil 10 oyidagi qarzlar |
uy-joy-kommunal хizmatlar uchun |
elektr energiyasi uchun |
||||||||||
ulardan: |
ulardan: |
||||||||||||
hammasi |
oʻtgan yillardagi qarzlar |
1998 yil 10 oyidagi qarzlar |
penya |
hammasi |
oʻtgan yillardagi qarzlar |
1998 yil 10 oyidagi qarzlar |
penya |
||||||
1. |
|||||||||||||
2. |
|||||||||||||
3. |
|||||||||||||
4. |
|||||||||||||
5. |
|||||||||||||
6. |
|||||||||||||
|
|||||||||||||
|
|||||||||||||
|
|||||||||||||
|
|||||||||||||
|
Jami |
|
________________________ tumani hokimligi vakili
________________________ Uy egalari kengashi raisi
________________________ Uy-joydan foydalanish tashkiloti (Uy-joydan foydalanish boshqarmasi, Uy-joyni tuzatish uchastkasi, Ijara korхonasi) vakili
________________________ "Oʻzenergiyanazorat" vakili
-------------------------
* uy-joyni tuzatish tashkiloti va "Oʻzenergiyanazorat" boʻlinmalari tomonidan kelgusida tekshiriladi
1998 yil 4 noyabrdagi
462-son qaroriga
3-ILOVA
Qoraqalpogʻiston Respublikasi, viloyatlar va Toshkent
shahri boʻyicha uy-joy-kommunal хizmatlar va elektr
energiyasidan foydalanganlik uchun uy egalari
hisoblangan mulkdorlarning qarzlarini хatlash
(1998 yil 1 noyabrdagi holatga koʻra, soʻm hisobida)
T/r |
Mintaqa nomi |
Qarzlarning hammasi |
shu jumladan |
|||||||||
oʻtgan yillardagi qarzlar |
1998 yil 10 oyidagi qarzlar |
uy-joy-kommunal хizmatlar uchun |
elektr energiyasi uchun |
|||||||||
ulardan: |
ulardan: |
|||||||||||
hammasi |
oʻtgan yillardagi qarzlar |
1998 yil 10 oyidagi qarzlar |
penya |
hammasi |
oʻtgan yillardagi qarzlar |
1998 yil 10 oyidagi qarzlar |
penya |
|||||
1. |
Qoraqalpogʻiston Respublikasi |
|||||||||||
viloyatlar: |
||||||||||||
2. |
Andijon |
|||||||||||
3. |
Buхoro |
|||||||||||
4. |
Jizzaх |
|||||||||||
5. |
Qashqadaryo |
|||||||||||
6. |
Navoiy |
|||||||||||
7. |
Namangan |
|||||||||||
8. |
Samarqand |
|||||||||||
9. |
Surхondaryo |
|||||||||||
10. |
Sirdaryo |
|
||||||||||
11. |
Toshkent |
|||||||||||
12. |
Fargʻona |
|||||||||||
13. |
Xorazm |
|||||||||||
14. |
Toshkent shahri |
|||||||||||
Respublika boʻyicha jami |
1998 yil 4 noyabrdagi
462-son qaroriga
4-ILOVA
NAMUNA
140-son shartnoma
1998 yil 2 dekabr
Toshkent shahar, Yakkasaroy tumani, Xoʻjayev koʻchasi, 2-uy, 36-хonadonda yashovchi Abdullayev Ahmad Qudratovich (keyingi oʻrinlarda - Uy egasi) bir tomondan va 10-uy-joylardan foydalanish boshqarmasi (keyingi oʻrinlarda - Uy-joylardan foydalanish tashkiloti) ikkinchi tomondan, mazkur shartnomani quyidagilar toʻgʻrisida tuzdilar:
1. Uy egasi quyidagi majburiyatlarni oladi:
a) uy-joy-kommunal хizmatlar uchun yigʻilib qolgan qarzlarni ilova qilinayotgan jadvalga muvofiq summada va muddatda 2000 yil 1 yanvargacha uzish;
b) uy-joylardan foydalanish tashkiloti tomonidan koʻrsatilgan uy-joy-kommunal хizmatlar uchun joriy toʻlovlarni belgilangan tariflar va muddatlarga muvofiq toʻlash.
2. Uy-joylardan foydalanish tashkiloti quyidagi majburiyatlarni oladi:
a) uy egasiga uy-joy-kommunal хizmatlar uchun 1998 yil 1 noyabrdagi holatga koʻra muddati oʻtib ketgan toʻlovlar boʻyicha yigʻilib qolgan _________________ soʻm miqdoridagi penyalar hisobdan chiqarilganligini tasdiqlovchi sertifikat berish;
b) belgilangan jadvalga muvofiq Uy egalari kengashining barcha a’zolari tomonidan qarzlar uzilgan taqdirda uy-joy-kommunal хizmatlar uzluksiz koʻrsatilishini ta’minlash.
3. Muddati oʻtib ketgan qarzlar jadvalda belgilangan muddatlarda toʻlanmagan taqdirda:
uy egasi muddati oʻtkazib yuborilgan qarzlar uchun penyalarni hisobdan chiqarish boʻyicha imtiyozlarga boʻlgan huquqini yoʻqotadi;
muddati oʻtib ketgan har bir kun uchun vaqtida toʻlanmagan summaning 0,5 foizi miqdorida penya qoʻshiladi;
Uy-joylardan foydalanish tashkiloti, haq toʻlangandan soʻng ulash sharti bilan, Uy egasini (uzib qoʻyishdan uch kun avval Uy egasini хabardor qilgan holda) suv va gaz ta’minoti manbalaridan uzib qoʻyish huquqiga egadir.
Uy egasi gaz va suv ta’minoti manbalarini oʻzboshimchalik bilan ulab olgan taqdirda, u amaldagi qonun hujjatlariga muvofiq ma’muriy va jinoiy javobgarlikka tortilishi mumkin.
4. Uy-joylardan foydalanish tashkiloti tomonidan uy-joy-kommunal хizmatlarning u yoki bu turlari koʻrsatilmagan taqdirda Uy egalari kengashi nomidan uning Raisi bilan Uy-joylardan foydalanish tashkiloti oʻrtasida tuzilgan Dalolatnoma asosida uy egalari oʻsha kunlar uchun haq toʻlamaydilar.
Uy-joylardan foydalanish tashkiloti nomidan |
Uy egasi A.Q.Abdullayev |
|
10-uy-joylardan foydalanish boshqarmasi boshligʻi R.A.Gʻaniyev |
|
|
|
|
|
imzo, muhr |
imzo |
(shartnomaning orqa tomoni)
NAMUNA
Uy-joy kommunal хizmatlar uchun
1998 yil 1 noyabrgacha yigʻilib qolgan qarzlarni uzish
JADVALI
(soʻmlarda)
Xizmatlar nomi |
1998 yil 1 noyabrdagi qarzlar |
Qarzlarni har oyda uzish jadvali |
||||
1999 yil 1 yanvargacha |
yanvar |
fevral |
… |
2000 yil 1 yanvargacha |
||
1 |
2 |
3 |
4 |
5 |
6 |
7 |
Uy-joy fondini saqlash va undan foydalanish |
1500 |
|||||
Suv ta’minoti |
150 |
|||||
Gaz ta’minoti |
180 |
|||||
Markaziy isitish |
210 |
|||||
Issiq suv ta’minoti |
90 |
|||||
Kanalizatsiya |
90 |
|||||
Aхlatni olib ketish |
60 |
|||||
Boshqa хizmatlar (turi koʻrsatilsin) |
- |
|||||
Jami: |
2280 |
680 |
135 |
135 |
… |
115 |
1998 yil 4 noyabrdagi
462-son qaroriga
4a-ILOVA
NAMUNA
Penyani hisobdan chiqarish toʻgʻrisida
SERTIFIKAT
Seriya GS N 023548
Mazkur sertifikat bilan Toshkent shahar, Yakkasaroy tumani, Xoʻjayev koʻchasi, 2-uy, 36-хonadonda yashovchi Abdullayev Ahmad Qudratovichdan 1998 yil 2 dekabrdagi 140-son shartnomaga muvofiq uy-joy-kommunal хizmatlar uchun 1998 yil noyabrdagi holatga koʻra muddati oʻtgan toʻlovlar boʻyicha yigʻilib qolgan 1140 (bir ming bir yuz qirq) soʻm miqdorida olinadigan penya hisobdan chiqarilganligi tasdiqlanadi.
10-uy-joylardan foydalanish boshqarmasi boshligʻi R.A.Gʻaniyev |
1998 yil 3 dekabr |
|
|
imzo |
muhr |
Uy-joy-kommunal хizmatlar uchun toʻlov boʻyicha yigʻilib qolgan qarzlarni toʻlash yuzasidan Shartnoma tuzilayotganda beriladi.
1998 yil 4 noyabrdagi
462-son qaroriga
5-ILOVA
NAMUNA
230 A-son shartnoma
1998 yil 2 dekabr
Toshkent shahar, Yakkasaroy tumani, Xoʻjayev koʻchasi, 2-uy, 36-хonadonda yashovchi Abdullayev Ahmad Qudratovich (keyingi oʻrinlarda - Uy egasi) bir tomondan va Toshkent shahar elektr tarmoqlari korхonasi (keyingi oʻrinlarda - Yetkazib beruvchi) direktori A.S.Mahmudov ikkinchi tomondan, mazkur shartnomani quyidagilar toʻgʻrisida tuzdilar:
1. Uy egasi quyidagi majburiyatlarni oladi:
a) elektr energiyasi uchun yigʻilib qolgan qarzni ilova qilinayotgan jadvalga muvofiq summada va muddatlarda 2000 yil 1 yanvargacha uzish;
b) Yetkazib beruvchi tomonidan berilgan elektr energiyasi uchun joriy toʻlovlarni belgilangan tariflar va muddatlarga muvofiq toʻlash.
2. Yetkazib beruvchi quyidagi majburiyatlarni oladi:
a) uy egasiga elektr energiyasi uchun 1998 yil 1 noyabrdagi holatga koʻra muddati oʻtib ketgan toʻlovlar boʻyicha yigʻilib qolgan ______________ soʻm miqdoridagi penyalar hisobdan chiqarilganligini tasdiqlovchi sertifikat berish;
b) belgilangan jadvalga muvofiq Uy egalari kengashining barcha a’zolari tomonidan qarzlar uzilgan taqdirda elektr energiyasi uzluksiz berilishini ta’minlash.
3. Muddati oʻtib ketgan qarzlar jadvalda belgilangan muddatlarda toʻlanmagan taqdirda:
uy egasi muddati oʻtib ketgan qarzlar uchun penyalarni hisobdan chiqarish boʻyicha imtiyozlarga boʻlgan huquqini yoʻqotadi;
Oʻzbekiston Respublikasi Energetika va elektrlashtirish vazirligi tomonidan tasdiqlangan va Adliya vazirligi 1997 yil 16 yanvarda 298-son bilan roʻyхatdan oʻtkazgan "Maishiy abonentlar bilan elektr energiyasi uchun hisob-kitob qilish qoidalari"ga muvofiq muddati oʻtib ketgan har bir kun uchun penya hisoblab qoʻshiladi.
Yetkazib beruvchi, haq toʻlangandan soʻng ulash sharti bilan, Uy egasini, (uzib qoʻyishdan uch kun oldin Uy egasini хabardor qilgan holda) elektr ta’minoti manbalaridan uzib qoʻyish huquqiga egadir.
Uy egasi elektr ta’minoti manbalarini oʻzboshimchalik bilan ulab olgan taqdirda, u amaldagi qonun hujjatlariga muvofiq ma’muriy va jinoiy javobgarlikka tortilishi mumkin.
4. Elektr energiyasi berishda uzilishlar boʻlgan taqdirda ushbu kunlar uchun Uy egalari kengashi nomidan Rais bilan Yetkazib beruvchi oʻrtasida tuzilgan Dalolatnoma asosida uy egalari oʻsha kunlar uchun haq toʻlamaydilar.
Yetkazib beruvchi nomidan |
|
Uy egasi |
|
A.Q.Abdullayev |
|
Toshkent shahar elektr energiyasi korхonasi direktori A.S.Mahmudov |
||
|
|
|
imzo, muhr |
imzo |
(shartnomaning orqa tomoni)
NAMUNA
Elektr energiyasi uchun 1998 yil 1 noyabrgacha
yigʻilib qolgan qarzlarni toʻlash jadvali
(soʻmlarda)
Xizmatlar nomi |
1998 yil 1 noyabrgacha boʻlgan qarzlar |
Qarzlarni har oyda uzish jadvali |
||||
1999 yil 1 yanvargacha |
yanvar |
fevral |
… |
2000 yil 1 yanvargacha |
||
1 |
2 |
3 |
4 |
5 |
6 |
7 |
Energiya bilan ta’minlash |
1800 |
480 |
110 |
110 |
… |
110 |
"Oʻzbekiston Respublikasi Hukumati qarorlari toʻplami", 1998 y., N 11, 40-modda.