OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

06.03.2014 y.

N 1909-3

QARORI

Tabiiy gazga qoʻshimcha foyda soligʻini hisoblab

chiqarish va byudjetga toʻlash tartibi toʻgʻrisidagi

nizomga oʻzgartirishlar kiritish haqida

Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007 y., 52 (I)-son) va Oʻzbekiston Respublikasi "Davlat soliq хizmati toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 1997 y., 9-son, 232-modda) 7-moddasiga muvofiq, Oʻzbekiston Respublikasi Moliya vazirligi va Davlat soliq qoʻmitasi QAROR QILADILAR:

1. Oʻzbekiston Respublikasi Moliya vazirligi va Davlat soliq qoʻmitasining 2009 yil 10 fevraldagi 21, 2009-10-sonli qarori (roʻyхat raqami 1909, 2009 yil 24 fevral) (Oʻzbekiston Respublikasi qonun hujjatlari toʻplami, 2009 y., 9-son, 98-modda) bilan tasdiqlangan Tabiiy gazga qoʻshimcha foyda soligʻini hisoblab chiqarish va byudjetga toʻlash tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Qarorga

ILOVA

Tabiiy gazga qoʻshimcha foyda soligʻini hisoblab

chiqarish va byudjetga toʻlash tartibi toʻgʻrisidagi

nizomga kiritilayotgan oʻzgartirishlar

1. 2-bandning oltinchi хatboshisidagi "byudjetdan tashqari Maktab ta’limi jamgʻarmasiga" degan soʻzlar "byudjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasiga" degan soʻzlar bilan almashtirilsin.

2. Ilovaning 060-satridagi "byudjetdan tashqari Maktab ta’limi jamgʻarmasiga" degan soʻzlar "byudjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasiga" degan soʻzlar bilan almashtirilsin.

"Oʻzbekiston Respublikasi qonun hujjatlari toʻplami",

2014 yil 10 mart, 10-son, 120-modda