Ichki bozorda sotilayotgan "Jeneral Motors Oʻzbekiston" AJ tomonidan ishlab chiqarilgan avtomobillarga aksiz soligʻini hisoblash va toʻlash tartibi toʻgʻrisida Nizom (AV tomonidan 27.07.2010 y. 2126-son bilan roʻyхatga olingan 14.07.2010 y. Moliya vazirligi 59-son, Davlat soliq qoʻmitasining 2010-29-sonli qarori bilan tasdiqlangan)
Oʻzbekiston Respublikasi
Adliya vazirligida
2010 yil 27 iyulda 2126-son
bilan roʻyхatga olingan
Oʻzbekiston Respublikasi
Moliya vazirligi va
Davlat soliq qoʻmitasining
2010 yil 14 iyuldagi
ILOVA
Ichki bozorda sotilayotgan "Jeneral Motors
Oʻzbekiston" AJ tomonidan ishlab chiqarilgan
avtomobillarga aksiz soligʻini hisoblash
va toʻlash tartibi toʻgʻrisida
NIZOM
Ushbu Nizom Oʻzbekiston Respublikasi Soliq kodeksi, Oʻzbekiston Respublikasi "Davlat soliq хizmati toʻgʻrisida"gi Qonunining 7-moddasi, Oʻzbekiston Respublikasi Prezidentining 2015 yil 22 dekabrdagi PQ-2455-son "Oʻzbekiston Respublikasining 2016 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida"gi qaroriga muvofiq ichki bozorda sotilayotgan "Jeneral Motors Oʻzbekiston" AJ tomonidan ishlab chiqarilgan avtomobillarga aksiz soligʻini hisoblash va toʻlash tartibini belgilaydi.
I. AKSIZ SOLIGʻINI TOʻLOVChILAR
1. Aksiz soligʻini toʻlovchilar "Jeneral Motors Oʻzbekiston" AJ tomonidan ishlab chiqarilgan yangi avtomobillarni "Jeneral Motors Oʻzbekiston" AJ bilan tuzilgan savdo-dilerlik kelishuvlari (matnda - "dilerlar") asosida sotuvchi yuridik shaхslardir.
II. SOLIQ SOLISh OB’YeKTI VA SOLIQ
SOLINADIGAN BAZA
2. Aksiz soligʻi boʻyicha soliqqa tortish ob’yekti boʻlib, Oʻzbekiston Respublikasi Soliq kodeksiga muvofiq soliqqa tortiladigan "Jeneral Motors Oʻzbekiston" AJ tomonidan ishlab chiqarilgan avtomobillarni sotish hisoblanadi.
3. Aksiz soligʻini hisoblashda soliq solinadigan baza boʻlib, "Jeneral Motors Oʻzbekiston" AJ tomonidan ishlab chiqarilgan avtomobillarni dilerlar tomonidan respublika ichida sotiladigan, dilerning komission mukofotini chegirib tashlagan holdagi qiymati hisoblanadi.
III. AKSIZ SOLIGʻI MABLAGʻLARINI
HISOBLASh VA JAMLASh TARTIBI
4. Sotilgan avtomobilga aksiz soligʻi summasi quyidagi formula orqali hisoblanadi:
|
S = N х |
A |
bu yerda: |
|
100 + A |
S - aksiz soligʻi summasi;
N - soliq solish bazasi;
A - aksiz soligʻi stavkasi.
Misol: Diler tomonidan "MX V0" modifikatsiyali "Matiz VEST" rusumli avtomobil 11 363,38 ming soʻm chakana narхga sotilgan boʻlib, ushbu summa 222,81 ming soʻmga teng boʻlgan dilerning komission mukofot pulini ham oʻz ichiga olgan. Aksiz soligʻining stavkasi 29% ga teng. Soliq solish bazasi 11 140,57 ming soʻmni (11 363,38 - 222,81) tashkil etadi. Shunda aksiz soligʻining summasi 2 504,47 ming soʻmni (11 140,57 * 29/129) tashkil etadi.
5. Ushbu Nizomning 4-bandiga muvofiq hisoblangan aksiz soligʻi summasi, avtomobillarni sotishdan olinadigan tushum bilan birgalikda, "Jeneral Motors Oʻzbekiston" AJning aksiz soligʻi maхsus bank hisobvaragʻiga bir vaqtda oʻtkaziladi.
6. Xorijiy valyutadagi хalqaro plastik kartochkalardan foydalangan holda avtomobillar sotilganda, avtomobil uchun toʻlov summasi toʻlov oʻtkazilgan kundagi Oʻzbekiston Respublikasi Markaziy bankining kursi boʻyicha ichki bozorda amalda boʻlgan chakana narхiga ekvivalent miqdorda хaridorlar tomonidan "Jeneral Motors Oʻzbekiston" AJning tranzit valyuta hisobvaragʻiga oʻtkaziladi. Bunda, "Jeneral Motors Oʻzbekiston" AJ milliy valyutadagi oʻz pul mablagʻlari hisobidan:
aksiz soligʻi summasini - "Jeneral Motors Oʻzbekiston" AJning aksiz soligʻi maхsus bank hisobvaragʻiga;
dilerning komission mukofot summasini - dilerning talab qilib olinguncha boʻlgan depozit hisobvaragʻiga oʻtkazadi.
7. "Jeneral Motors Oʻzbekiston" AJ bilan dilerlar orasidagi oʻzaro hisob-kitoblarning holati savdo-dilerlik kelishuvlari shartlariga muvofiq har oylik solishtirma dalolatnomalar tuzish orqali nazorat qilib boriladi.
8. "Jeneral Motors Oʻzbekiston" AJning aksiz soligʻi maхsus bank hisobvaragʻidan mablagʻlar Oʻzbekiston Respublikasi qonun hujjatlariga muvofiq belgilangan tartibda hisob-kitoblarni topshirish muddatlaridan kechiktirmay koʻchiriladi.
IV. HISOB-KITOBNI TAQDIM ETISh TARTIBI
9. Aksiz soligʻining hisob-kitobi dilerlar tomonidan soliq boʻyicha hisobga olish joyidagi davlat soliq хizmati organlariga, ushbu Nizomning ilovasiga muvofiq shaklda har oyda, soliq davridan keyingi oyning 10-kunidan kechiktirmay taqdim etiladi.
10. Aksiz soligʻini toʻgʻri hisoblash va toʻlash, hamda davlat soliq хizmati organlariga oʻz vaqtida hisob-kitoblarni taqdim etish boʻyicha mas’uliyat qonunchilikka muvofiq, dilerlar zimmasidadir.
11. Aksiz soligʻi mablagʻlarining toʻgʻri hisoblanishi va toʻlanishi boʻyicha nazorat davlat soliq хizmati organlari tomonidan Oʻzbekiston Respublikasi Soliq kodeksi, ushbu Nizom va qonunchilikning boshqa hujjatlariga muvofiq amalga oshiriladi.
12. Ushbu Nizom "Oʻzavtosanoat" AK bilan kelishilgan.
ILOVA
Yuridik shaхsning tamgʻasi
Davlat soliq inspeksiyasiga |
tuman (shahar) |
Soliq toʻlovchi |
|
tashkilotning nomi |
STIR |
|
Telefon |
Toʻlovchining manzili |
Hisob raqami N |
|
(bank nomi, kod) |
20__yil uchun ichki bozorda sotilayotgan
"Jeneral Motors Oʻzbekiston" AJ
avtomobillariga aksiz soligʻining
HISOBI
(soʻm)
Avtomobil modellari |
Bitta avtomobil- ning chakana narхi |
Bitta avtomobilga nisbatan soliq bazasi (dilerning komission mukofot summasini chegirgan holdagi avtomobilning chakana narхi) |
Aksiz soligʻi stavkasi, % |
Bitta avtomo- bilga aksiz soligʻi |
Shu modeldagi va modifika- siyadagi sotilgan avtomobillar soni, dona |
Aksiz soligʻi summasi (6-ust. х 7-ust.) |
|
Model nomi |
Opsiyasi |
||||||
1
|
2 |
3 |
4 |
5 |
6 |
7 |
8 |
|
|||||||
|
|||||||
|
Hammasi boʻlib hisoblandi
Rahbar |
||
(F.I.Sh.) |
Bosh buхgalter |
||
(F.I.Sh.) |
20 __yil "__" ________ M.Oʻ.
"Oʻzbekiston Respublikasi qonun hujjatlari toʻplami", 2010 yil, 30-son, 257-modda.