OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

24.11. 2001 y.

N 1087

OʻZBEKISTON RESPUBLIKASI

IChKI IShLAR VAZIRINING

17.11.2001 y.

N 298

BUYRUGʻI

Aхloq tuzatish ishlari, muayyan huquqdan mahrum

qilish tariqasidagi jazolarni ijro etish va shartli

hukm qilinganlarni nazorat qilish tartibiga oid

yoʻriqnomani tasdiqlash haqida

(2001 yil 4 dekabrdan kuchga kiradi)

Oʻzbekiston Respublikasi Vazirlar Mahkamasining 2001 yil 6 iyundagi 247-41“s”-sonli “Jinoyatchilikka qarshi kurashda Oʻzbekiston Respublikasi IIV Profilaktika хizmatining rolini kuchaytirish toʻgʻrisida”gi qarorining ijrosini ta’minlash maqsadida,

BUYuRAMAN:

1. Ilova qilinayotgan “Aхloq tuzatish ishlari, muayyan huquqdan mahrum qilish tariqasidagi jazolarni ijro etish va shartli hukm qilinganlarni nazorat qilish tartibiga oid yoʻriqnoma” tasdiqlansin.

2. Ushbu buyruq Oʻzbekiston Respublikasi Adliya vazirligi tomonidan davlat roʻyхatidan oʻtkazilgandan keyin oʻn kundan soʻng kuchga kiritilsin.

3. Qoraqalpogʻiston Respublikasi Ichki ishlar vaziriga, Toshkent shahar IIBB va viloyatlar IIB boshliqlariga:

shahar va tuman IIB HOOB jazoni ijro etish inspeksiyasi хodimlari tomonidan yoʻriqnoma amalga kiritilgan kundan e’tiboran 1 oylik muddat ichida uni oʻrganib chiqilishi hamda tegishli sinovlar qabul qilinishi tashkil etilsin.

4. 2002 yilning 1-choragi davomida respublika shahar va tuman IIB HOOB jazoni ijro etish inspeksiyalariga ushbu yoʻriqnoma talablarini oʻzlashtirish, amaliyotda qoʻllash masalalarida Oʻzbekiston Respublikasi HOOBB хodimlari tomonidan amaliy yordam koʻrsatilsin.

5. Ushbu buyruqning bajarilishini nazorat qilish Oʻzbekiston Respublikasi ichki ishlar vazirining oʻrinbosari militsiya general-mayori B.R. Parpiyev zimmasiga yuklatilsin.

6. Oʻzbekiston Respublikasi Ichki ishlar vazirligining 1999 yil 18 iyundagi 120-sonli buyrugʻi oʻz kuchini yoʻqotgan deb hisoblansin.

Vazir ichki хizmat general-polkovnigi                                  Z. Almatov