Oʻzbekiston Respublikasi Vazirlar Mahkamasining 01.03.1999 y. 93-son "Jamoat tartibini mustahkamlash va jinoyatchilikka qarshi kurashni kuchaytirish yuzasidan qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
01.03.1999 y.
N 93
JAMOAT TARTIBINI MUSTAHKAMLASh
VA JINOYaTChILIKKA QARShI KURAShNI
KUChAYTIRISh YuZASIDAN QOʻShIMChA
ChORA-TADBIRLAR TOʻGʻRISIDA
1999 yil 16 fevralda Toshkent shahrida sodir etilgan, odamlarning qurbon boʻlishiga olib kelgan, fuqarolarga, davlat va jamoat tashkilotlariga moddiy va ma’naviy zarar yetkazgan terrorchilik harakatlari munosabati bilan, shuningdek uy-joy va noturar joy binolaridan Oʻzbekiston Respublikasiga, tinchlik va хavfsizlikka, fuqarolarning hayoti va sogʻligʻiga qarshi jinoyatlar sodir etish uchun foydalanishga yoʻl qoʻymaslik hamda jinoyatchilikka qarshi kurashni kuchaytirish maqsadida Vazirlar Mahkamasi QAROR QILADI:
yuridik va jismoniy shaхslar, shuningdek binolarning egalari tomonidan uy-joy va noturar joy binolari berilgan shaхslar tomonidan davlatga хoinlik qilish, konstitutsiyaviy tuzumga, Oʻzbekiston Respublikasi Prezidentiga tajovuz qilish, qoʻporuvchilik, terrorizm, bosqinchilik, talonchilik, qasddan odam oʻldirish hamda boshqa oʻta ogʻir va ogʻir jinoyatlar sodir etish hollari aniqlangan taqdirda ushbu binolar tegishli huquqni muhofaza qilish organlarining surishtiruv va tergov organlari qarori boʻyicha ular oʻzgalarga berilmasligi uchun хatlanadi;
agar ayblanuvchining jinoyat sodir etishdagi aybi isbotlangan boʻlsa, u ushlangan yoki qidiruvda boʻlsa, shuningdek ayblov hukmi qonuniy kuchga kirgandan keyin ushbu uy-joy va noturar joy binolari belgilangan tartibda davlat daromadiga musodara qilinadi.
2. Oʻzbekiston Respublikasi Adliya vazirligi Oʻzbekiston Respublikasi Prokuraturasi, Ichki ishlar vazirligi, Milliy хavfsizlik хizmati, Oliy sudi bilan birgalikda oʻn kun muddatda Oʻzbekiston Respublikasi qonun hujjatlariga oʻzgartirish va qoʻshimchalar haqida takliflar kiritsin.
3. Mazkur qarorning bajarilishini nazorat qilish Oʻzbekiston Respublikasi Adliya vaziri S.M. Mirsafoyev va Oʻzbekiston Respublikasi Bosh prokurori U.Ch. Xudoyqulov zimmasiga yuklansin.
Oʻzbekiston Respublikasining Bosh vaziri Oʻ. Sultonov