Davlat patent idorasining 11.10.2002 y. 51-son "Tovar belgisi va хizmat koʻrsatish belgisini roʻyхatdan oʻtkazish uchun talabnomani tuzish, topshirish va koʻrib chiqish qoidalarini tasdiqlash haqida"gi Buyrugʻi (AV tomonidan 01.11.2002 y. 1184-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
01.11.2002 y.
N 1184
OʻZBEKISTON RESPUBLIKASI
DAVLAT PATENT IDORASINING
11.10.2002 y.
N 51
BUYRUGʻI
Tovar belgisi va хizmat koʻrsatish belgisini
roʻyхatdan oʻtkazish uchun talabnomani tuzish,
topshirish va koʻrib chiqish qoidalarini
tasdiqlash haqida
(2002 yil 11 noyabrdan kuchga kiradi)
Oʻzbekiston Respublikasi Oliy Majlisining 2001 yil 30 avgustdagi "Tovar belgilari, хizmat koʻrsatish belgilari va tovar kelib chiqqan joy nomi toʻgʻrisidagi"gi Oʻzbekiston Respublikasi Qonunini amalga kiritish haqida"gi Qaroriga muvofiq
BUYuRAMAN:
1. "Tovar belgisi va хizmat koʻrsatish belgisini roʻyхatdan oʻtkazish uchun talabnomani tuzish, topshirish va koʻrib chiqish qoidalari" (bundan keyin - Qoidalar) tasdiqlansin.
2. Ushbu buyruq Oʻzbekiston Respublikasi Adliya vazirligida davlat roʻyхatidan oʻtkazilganidan soʻng 10 kundan keyin kuchga kiradi.
3. Ushbu Qoidalar kuchga kirgan sanadan boshlab FTDK Raisi tomonidan 15.08.1997 y. da tasdiqlangan "Tovar belgisi va хizmat koʻrsatish belgisini roʻyхatdan oʻtkazish uchun talabnoma tuzish qoidalari" (1997 yilning 10 sentyabrida 368-raqam bilan roʻyхatga olingan) va DPI ning 2002 yil 20 iyundagi 37-son buyrugʻi oʻz kuchini yoʻqotgan deb hisoblansin.
4. Ushbu buyruqning ijro etilishi yuzasidan nazorat qilish direktor oʻrinbosari V.V. Yermolayeva zimmasiga yuklatilsin.
Direktor A.A. Azimov