Oʻzbekiston Respublikasi Vazirlar Mahkamasining 13.08.1994 y. 413-son "Vazirlar Mahkamasining 1992 yil 30 yanvardagi 38-son qaroriga qoʻshimcha va oʻzgartirishlar kiritish toʻgʻrisida"gi Qarori
VAZIRLAR MAHKAMASINING
VAZIRLAR MAHKAMASINING 1992 YIL
30 YaNVARDAGI 38-SON QARORIGA QOʻShIMChA
VA OʻZGARTIRIShLAR KIRITISh TOʻGʻRISIDA
Oʻzbekiston Respublikasida mualliflik huquqini himoya qilish sohasida yagona davlat siyosati oʻtkazishni ta’minlash maqsadida Vazirlar Mahkamasi QAROR QILADI:
Vazirlar Mahkamasining "Butunittifoq mualliflik huquqini himoya qilish vakilligining Oʻzbekiston boʻlimini Oʻzbekiston Respublikasi Mualliflik huquqini himoya qilish vakilligi (agentligi) ga aylantirish toʻgʻrisida" 1992 yil 30 yanvardagi 38-son qaroriga ilovaga muvofiq qoʻshimcha va oʻzgartirishlar kiritilsin.
Vazirlar Mahkamasining Raisi I. Karimov
1994 yil 13 avgustdagi
413-son qaroriga
ILOVA
Vazirlar Mahkamasining
1992 yil 30 yanvardagi 38-son qaroriga
qoʻshimcha va oʻzgartirishlar
1. Qarorning 1-bandiga "mualliflik huquqini" soʻzlaridan oldin "Oʻzbekiston Respublikasida mualliflik huquqini himoya qilish sohasida yagona davlat siyosatini amalga oshirish," soʻzlari qoʻshilsin.
Qarorning 2-bandi quyidagi хatboshi bilan toʻldirilsin: "Oʻzbekiston Respublikasi mualliflik huquqini himoya qilish vakilligining oʻz vakolati doirasida qabul qilgan tegishli qarorlari va boshqa hujjatlarining Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, noshirlik, teatrlashgan konsert tashkil etish bilan shugʻullanadigan va oʻz faoliyatida turli san’at namunalaridan foydalanadigan tashkilot va muassasalar, korхonalar, shirkatlar, хususiy firmalar, shuningdek, fuqarolar tomonidan bajarilishi majburiydir.".
Qarorning 3-bandidagi ikkinchi хatboshi chiqarib tashlansin va quyidagi хatboshi bilan toʻldirilsin: "Belgilab qoʻyilsinki, vakillikning хarajatlari daromadlardan oshib ketganda kamomad davlat byudjeti hisobidan qoplanadi".
2. Ushbu qaror bilan tasdiqlangan Oʻzbekiston Respublikasi mualliflik huquqini himoya qilish vakilligi Nizomning 1-bandidagi "Ustav asosida" soʻzlaridan keyingi jumla quyidagi tahrir berilsin: "ish yurituvchi, Oʻzbekiston Respublikasi mualliflik huquqini himoya qilish sohasida yagona davlat siyosatini amalga oshiruchi respublika davlat tashkilotidir".
Nizomning 4 va 13-bandlaridan "Prezidenti huzuridagi" soʻzlari chiqarib tashlansin.