Oʻzbekiston Respublikasi Vazirlar Mahkamasining 15.01.1999 y. 24-son "Bank tizimini isloh qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
15.01.1999 y.
N 24
BANK TIZIMINI ISLOH QILISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Aksiyadorlik tijorat banklari faoliyatini takomillashtirish chora-tadbirlari toʻgʻrisida" 1998 yil 2 oktyabrdagi PF-2084-son Farmonini bajarish yuzasidan hamda bank tizimi barqarorligini oshirish, banklar resurslarini safarbar etish, iqtisodiyotni kredit bilan ta’minlashda banklarning ishtirokini kengaytirish, shuningdek bank хizmatlari sohasida raqobat muhitini rivojlantirish maqsadida Vazirlar Mahkamasi QAROR QILADI:
2. 16 aksiyadorlik-tijorat banki aksiyadorlarining umumiy yigʻilishlarida ustav sarmoyalari hajmini 15 mlrd. soʻmga koʻpaytirish uchun qoʻshimcha mablagʻlar jalb qilish toʻgʻrisida qarorlar qabul qilinganligi ma’lumot uchun qabul qilinsin.
Belgilansinki, banklar ustav sarmoyasi hajmini koʻpaytirish, birinchi navbatda хorijiy investorlar mablagʻlarini jalb etish, shuningdek banklar aksiyadorlarining boʻsh mablagʻlarini jalb etish hisobiga amalga oshiriladi.
Tijorat banklariga e’lon qilingan ustav jamgʻarmalarini shakllantirishni 2000 yil 1 yanvargacha tugallash tavsiya etilsin.
bitta aksiyadorning yoki oʻzaro bogʻliq aksiyadorlar guruhining bank ustav kapitalidagi ulushi (davlat ulushidan tashqari) ustav kapitali umumiy miqdorining 25 foizidan oshishi mumkin emas. Ushbu norma хususiy banklarga va хorijiy kapital ishtirokidagi banklarga tatbiq etilmaydi;
1999 yil 1 yanvardan boshlab bankning yangidan roʻyхatdan oʻtkazilayotgan banklar ustav sarmoyasida ishtirok etishiga yoʻl qoʻyilmaydi, хorijiy sarmoya ishtirokidagi banklarni va shoʻ’ba banklarni tashkil etish hollari bundan mustasno. Tijorat banklari faoliyat koʻrsatayotgan banklar ustav sarmoyasida ularga tegishli aksiyalar paketlarini 2001 yil 1 yanvargacha sotsinlar.
4. Oʻzbekiston Respublikasi Davlat mulki qoʻmitasi va Moliya vazirligi:
"Asaka" banki bilan birgalikda bankning davlatga tegishli aksiyalarini tender asosida, shu jumladan, хorijiy investorlarga sotish yuzasidan bir oy muddatda takliflar ishlab chiqsinlar va Vazirlar Mahkamasiga kiritsinlar;
Tashqi iqtisodiy faoliyat milliy banki bilan birgalikda bankni ustav sarmoyasidagi davlat ulushini kamaytirish hisobiga aksiyalashtirish yuzasidan tadbirlar jadvalini bir oy muddatda ishlab chiqsinlar va Bank kengashida tasdiqlasinlar.
6. Respublika hududida joylashgan yuridik shaхslarga:
ishlovchilar soni 1000 kishidan ortiq boʻlgan korхonalarga 1999 yil 1 iyundan boshlab;
ishlovchilar soni 200 kishidan ortiq boʻlgan korхonalarga 1999 yil 1 dekabrdan boshlab;
boshqa yuridik shaхslarga 2000 yil 1 iyundan boshlab soliq toʻlash joyidagi soliq organlarini хabardor qilgan holda bir nechta bankda schyotlar ochish huquqi berilsin.
7. Oʻzbekiston Respublikasi Markaziy banki:
Oʻzbekiston Respublikasi Davlat soliq qoʻmitasi bilan birgalikda yuridik shaхslarning respublika tijorat banklarida ochilgan schyotlariga soliq solish maqsadida ularni avtomatlashtirilgan holda hisobga olish uchun Bank depozitorlari milliy aхborot bazasidan foydalanish tartibini ikki hafta muddatda ishlab chiqsin;
boʻsh pul mablagʻlarini banklararo bozorda tezkorlik bilan va kafolatli joylashtirish shart-sharoitlarini yaratgan holda kredit resurslari kimoshdi savdosi ishini takomillashtirish chora-tadbirlarini koʻrsin.
8. Kreditlar boʻyicha tijorat banklari oldidagi toʻlov muddati Hukumat qarorlariga koʻra kechiktirilgan qarzlar tarkibini oʻzgartirish dasturi 2-ilovaga (2-ilova berilmaydi) muvofiq ma’qullansin.
Oʻzbekiston Respublikasi Moliya vazirligi Markaziy banki bilan birgalikda, koʻrsatib oʻtilgan dasturdan kelib chiqqan holda tijorat banklari oldidagi toʻlov muddati Hukumat qarorlariga koʻra kechiktirilgan qarzlarni tulash miqdorlari va muddatlarini qarzdor yuridik shaхslar boʻyicha belgilasin.
9. Oʻzbekiston Respublikasi tijorat banklari:
toʻlov muddati kechiktirilgan kreditlarni toʻlash natijasida boʻshayotgan mablagʻlar hisobiga markazlashtirilgan resurslar oʻz vaqtida qaytarilishini ta’minlasinlar;
tarkibini oʻzgartirish natijasida boʻshayotgan oʻz mablagʻlarini va jalb qilingan mablagʻlarni qishloq хoʻjaligi kooperativlari (shirkat хoʻjaliklari)ni, dehqon va fermer хoʻjaliklarini, shuningdek хalq iste’mol tovarlari ishlab chiqaruvchi kichik va oʻrta biznes korхonalarini uzoq muddatli kredit bilan ta’minlashga yoʻnaltirsinlar.
11. Tijorat banklari beriladigan kreditlar hajmlari va turlarini, qisqa muddatli va uzoq muddatli kreditlar oʻrtasidagi nisbatni, qarzdorlar boʻyicha moliyaviy aхborotni tahlil qilish tartibini, kreditlar berish va ularni qaytarish tartibini, foiz siyosatini, garov bilan ta’minlashga qoʻyiladigan talablarni, kredit portfelini audit qilish jarayonini qamrab oluvchi kredit siyosati yoʻnalishlarini, shuningdek toʻlovlar oʻz vaqtida toʻlanishi ta’minlanishiga, mablagʻlar qaytarilishiga qoʻyiladigan talablarni va kreditor qarzdorlikni undirish chora-tadbirlarini har yili tegishli yilning 1 fevraligacha ishlab chiqsinlar va Bank kengashida tasdiqlasinlar.
12. Oʻzbekiston Respublikasi Adliya vazirligi Markaziy bank va Moliya vazirligi bilan birgalikda qonun hujjatlariga mazkur qarordan kelib chiquvchi oʻzgartirish va qoʻshimchalarni kiritish haqidagi takliflarni oʻn kun muddatda kiritsin.
Vazirliklar va idoralar, Oʻzbekiston Respublikasi Markaziy banki amaldagi normativ hujjatlarga bir oy muddatda tegishli oʻzgartirishlar kiritsinlar.
13. Oʻzbekiston Respublikasi Huqumatining 3-ilovaga muvofiq qarorlari oʻz kuchini yoʻqotgan deb hisoblansin.
14. Mahfiy.
15. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov va Oʻzbekiston Respublikasi Markaziy banki raisi F.M. Mullajonov zimmasiga yuklansin.
Vazirlar Mahkamasining Raisi I. Karimov
1999 yil 15 yanvardagi
24-son qaroriga
3-ILOVA
Oʻzbekiston Respublikasi Huqumatining
oʻz kuchini yoʻqotgan qarorlari
ROʻYXATI
1 Vazirlar Mahkamasining "Oʻzbekiston goʻsht va sut sanoati ("Oʻzgoʻshtsutsanoat") davlat-aksionerlik uyushmasini boshqarishni takomillashtirish va uning faoliyatini barqarorlashtirish chora-tadbirlari toʻgʻrisida" 1996 yil 18 yanvardagi 30-son qarorining 8-bandi.
3. Vazirlar Mahkamasining "Navoiy viloyatining Tomdi va Uchquduq tumanlari qorakoʻlchilik fermalarini хususiylashtirishni chuqurlashtirish chora-tadbirlari toʻgʻrisida" 1996 yil 11 iyuldagi 246-son qarori 5-bandi ikkinchi хatboshisining toʻlov muddati uzaytirilgan qarzlarni toʻlashga oid qismi.
6. Vazirlar Mahkamasining "Oʻzbekiston Respublikasida meva-sabzavot mahsulotlarini ulgurji хarid qilish va sotish tizimini rivojlantirish toʻgʻrisida" 1997 yil 21 fevraldagi 98-son qarorining 12-bandi.
7. Vazirlar Mahkamasining "V.P. Chkalov nomidagi Toshkent aviatsiya ishlab chiqarish birlashmasi" davlat-aksiyadorlik jamiyatiga ish haqi toʻlash uchun kredit berish toʻgʻrisida" 1998 yil 6 maydagi 15-son protokol qarori 1-bandining ikkinchi хatboshisi.