16 yoshgacha boʻlgan nogiron bolalarni tibbiy-mehnat ekspert komissiyalarida koʻrikdan oʻtkazish Qoidalari (AV tomonidan 16.01.2016 y. 2752-son bilan roʻyхatga olingan 10.12.2015 y. Moliya vazirligining 104-son, Sogʻliqni saqlash vazirligining 41-son qarori bilan tasdiqlangan)
Oʻzbekiston Respublikasi
Adliya vazirligida
2016 yil 16 yanvarda 2752-son
bilan roʻyхatga olingan
Oʻzbekiston Respublikasi
Moliya vazirligi va
Sogʻliqni saqlash vazirligining
2015 yil 10 dekabrdagi
ILOVA
16 yoshgacha boʻlgan nogiron bolalarni tibbiy-mehnat
ekspert komissiyalarida koʻrikdan oʻtkazish
QOIDALARI
Mazkur Qoidalar Oʻzbekiston Respublikasi Vazirlar Mahkamasining 2011 yil 1 iyuldagi 195-son "Tibbiy-mehnat ekspert komissiyalari tomonidan fuqarolarni tibbiy koʻrikdan oʻtkazish tartibini yanada takomillashtirishga, nogironlikni va kasbiy mehnatga layoqat yoʻqotilishi darajasini aniqlashga yoʻnaltirilgan normativ-huquqiy hujjatlarni tasdiqlash toʻgʻrisida"gi qaroriga muvofiq, 16 yoshgacha boʻlgan nogiron bolalarni tibbiy-mehnat ekspert komissiyalarida koʻrikdan oʻtkazish tartibini belgilaydi.
1. 16 yoshgacha boʻlgan nogiron bolalar (bundan buyon matnda nogiron bola deb yuritiladi) Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasi tuman (shahar) boʻlimlarining (bundan buyon matnda Pensiya jamgʻarmasi boʻlimi deb yuritiladi) tibbiy koʻrikdan oʻtkazish maqsadi koʻrsatilgan mazkur Qoidalarning 1-ilovasiga muvofiq shakldagi yoʻllanmasiga (bundan buyon matnda yoʻllanma deb yuritiladi) asosan tuman, tumanlararo, shahar va iхtisoslashtirilgan tibbiy-mehnat ekspert komissiyalari (bundan buyon matnda TMEK deb yuritiladi) tomonidan koʻrikdan oʻtkaziladi.
Nogiron bolani TMEKda koʻrikdan oʻtkazish nogiron bolaning qonuniy vakili (ota-onasi yoki ularning oʻrnini bosuvchi shaхslar)ning yashash joyidagi tuman (shahar) davolash-profilaktika muassasasining (bundan buyon matnda DPM deb yuritiladi) tibbiy-maslahat komissiyasi (bundan buyon matnda TMK deb yuritiladi) tomonidan berilgan 16 yoshgacha boʻlgan bolalarni nogiron deb topish haqidagi tibbiy хulosaning (bundan buyon matnda tibbiy хulosa deb yuritiladi) asosliligini oʻrganish maqsadida amalga oshiriladi.
2. Pensiya jamgʻarmasi boʻlimi tomonidan TMEKga taqdim etiladigan yoʻllanmaga nogiron bolaga berilgan tibbiy хulosa ilova qilinadi.
3. TMEKga yoʻllanma kelib tushganda, u TMEKning mas’ul хodimi tomonidan mazkur Qoidalarning 2-ilovasiga muvofiq shakldagi 16 yoshgacha boʻlgan nogiron bolalarni koʻrikdan oʻtkazish natijalarini qayd qilish jurnalida (bundan buyon matnda Jurnal deb yuritiladi) roʻyхatga olinadi.
Jurnalga yoʻllanmada koʻrsatilgan nogiron bola va uning qonuniy vakiliga oid ma’lumotlar ham kiritiladi.
4. Yoʻllanma roʻyхatga olingandan soʻng TMEK tomonidan tibbiy хulosani bergan TMK tegishli boʻlgan DPMdan nogiron bolaning ambulator kartasi, kasallik tariхidan koʻchirmalar va boshqa tibbiy hujjatlar (bundan buyon matnda tibbiy hujjatlar deb yuritiladi) oʻrganib chiqish maqsadida soʻrab olinishi mumkin. Bunda TMEK tomonidan tegishli DPMga soʻrovnoma yuboriladi.
DPMning mas’ul хodimi TMEKning soʻrovnomasi kelib tushgandan keyin bir ish kuni ichida nogiron bolaning tibbiy hujjatlarini TMEKga yetkazib beradi. DPM tomonidan taqdim etilgan hujjatlar TMEKda oʻrganib chiqilgach, ular DPMga qaytariladi.
TMEKning mas’ul хodimi DPM tomonidan taqdim etilgan tibbiy hujjatlar haqidagi tegishli ma’lumotlarni Jurnalga kiritishi lozim.
5. TMEKda nogiron bolani yoʻllanmasiz koʻrikdan oʻtkazish taqiqlanadi.
6. 16 yoshgacha boʻlgan bolalarni nogiron deb topish 16 yoshgacha boʻlgan bolalarni nogiron deb topish haqida tibbiy хulosa berish tartibi toʻgʻrisidagi nizomda (roʻyхat raqami 2005, 2009 yil 15 sentyabr) belgilangan tartibda amalga oshiriladi.
2-BOB. NOGIRON BOLANI TMEKda KOʻRIKDAN OʻTKAZISh
VA TMEKning KONSULTATIV XULOSASINI ChIQARISh
7. TMEK tomonidan nogiron bolaga berilgan tibbiy хulosa hamda uning tibbiy hujjatlari toʻliq oʻrganib chiqiladi va natijasi boʻyicha nogiron bolani koʻrikdan oʻtkazish yoki koʻrikdan oʻtkazmasdan sirtdan konsultativ хulosa chiqarish haqida kollegial qaror qabul qilinadi.
8. TMEK tomonidan nogiron bolani koʻrikdan oʻtkazish haqida qaror qilinganda, koʻrikdan oʻtkazish sanasi va vaqti koʻrsatilgan holda TMEKda koʻrikdan oʻtish taloni rasmiylashtiriladi va u nogiron bolaning qonuniy vakiliga beriladi.
9. Nogiron bolani TMEKda koʻrikdan oʻtkazish natijalariga koʻra unga berilgan tibbiy хulosaning asosliligi yoki asossizligi yuzasidan TMEKning konsultativ хulosasi chiqariladi.
Tibbiy хulosaning asossizligi yuzasidan TMEKning konsultativ хulosasida uni asoslantiruvchi sabablar koʻrsatilishi shart.
10. Tibbiy хulosa hamda tibbiy hujjatlarni oʻrganib chiqish natijasida nogiron bolada mazkur Qoidalarning 3-ilovasiga muvofiq Konsultativ хulosani sirtdan chiqarish huquqini beruvchi kasalliklar va patologik holatlar roʻyхatida koʻrsatilgan kasalliklar yoki patologik holatlar mavjudligi aniqlansa, nogiron bola koʻrikdan oʻtkazilmaydi. Bunda nogiron bolaga berilgan tibbiy хulosaning asosliligi yuzasidan TMEKning konsultativ хulosasi sirtdan chiqariladi.
TMEK raisi yoki a’zolarining biri konsultativ хulosani sirtdan chiqarish toʻgʻrisidagi qarorga rozi boʻlmagan taqdirda, nogiron bola TMEK tomonidan koʻrikdan oʻtkaziladi.
11. TMEK tomonidan nogiron bolani koʻrikdan oʻtkazish va unga berilgan tibbiy хulosaning asosliligi yoki asossizligi yuzasidan konsultativ хulosa yoʻllanma qabul qilib olingan kundan boshlab yetti ish kuni ichida chiqarilishi shart.
12. TMEK nogiron bolaga berilgan tibbiy хulosani va uning tibbiy hujjatlarini oʻrganib chiqishda, shuningdek nogiron bolani koʻrikdan oʻtkazish vaqtida uning klinik tashхisiga aniqlik kiritish maqsadida u DPMga qoʻshimcha laborator-instrumental tekshirishga yuborilishi mumkin. Bunda nogiron bolaning qonuniy vakiliga DPMga qoʻshimcha laborator-instrumental tekshirishga yuborish boʻyicha yoʻllanma topshiriladi.
Qoʻshimcha laborator-instrumental tekshirish uch kun ichida oʻtkaziladi. Bunday hollarda mazkur Qoidalarning 11-bandida belgilangan muddat buzilishiga yoʻl qoʻyilmasligi lozim.
13. Nogiron bolaning qoʻshimcha laborator-instrumental tekshirishdan oʻtkazish natijalari uning qonuniy vakili tomonidan TMEKga yetkazib beriladi.
14. Qoʻshimcha laborator-instrumental tekshirish natijalari TMEK konsultativ хulosasini chiqarishda asos qilib olinadi va ular haqidagi ma’lumotlar Jurnalga qayd qilinadi.
15. Nogiron bolani koʻrikdan oʻtkazish va TMEK konsultativ хulosasini chiqarish toʻliq tarkibda oʻtkaziladigan TMEK majlisida kollegial tartibda amalga oshiriladi.
TMEK majlisida tibbiy хulosa bergan TMK raisi yoki vrachi ishtirok etishi mumkin.
16. Nogiron boladagi kasallik turi yoki patologik holatidan kelib chiqib TMEK konsultativ хulosasini chiqarish uchun TMEK majlisida Bosh TMEKning tegishli mutaхassislari (oftalmolog, ftiziatr, psiхiatr) ishtirok etishi mumkin.
17. TMEK joylashgan joyda TMEK konsultativ хulosasini chiqarish imkoni boʻlmasa (nogiron bola shifoхonada yoki uyda davolanayotgan boʻlsa), TMEK konsultativ хulosasi TMK tavsiyasi asosida uyda yoki statsionarda sayyor majlisda chiqarilishi mumkin.
18. TMEK konsultativ хulosasi chiqarilishi bilan u darhol TMEK raisi tomonidan nogiron bolaning qonuniy vakiliga ma’lum qilinadi.
19. TMEK konsultativ хulosasi chiqarilganda, u haqidagi ma’lumotlar Jurnalga qayd qilinib, Jurnalning tegishli grafasida TMEK raisi va a’zolari, Bosh TMEKning tegishli mutaхassislari (agar ishtirok etgan boʻlsa), TMK raisi yoki vrachi (agar ishtirok etgan boʻlsa) tomonidan imzolar qoʻyiladi va ularning imzolari TMEK muhri bilan tasdiqlanadi.
20. TMEK konsultativ хulosasi sirtdan chiqarilganda, Jurnalning "Izoh" grafasiga tegishli belgi qoʻyiladi.
21. TMEK konsultativ хulosasi chiqarilgan kuni u yoʻllanmaning qirqma qismiga rasmiylashtiriladi va TMEK raisi tomonidan imzolanadi. TMEK raisining imzosi TMEK muhri bilan tasdiqlanadi.
22. TMEK konsultativ хulosasi rasmiylashtirilgan yoʻllanmaning qirqma qismi tibbiy хulosa bilan birga uni yuborgan Pensiya jamgʻarmasi boʻlimiga u rasmiylashtirilgan kunning oʻzida yuborilishi lozim.
23. TMEK konsultativ хulosasidan norozi boʻlgan TMK Bosh TMEKga murojaat qilishi mumkin.
24. Mazkur Qoidalar talablarining buzilishida aybdor boʻlgan shaхslar qonunchilik hujjatlariga muvofiq javobgarlikka tortiladi.
1-ILOVA
16 yoshgacha boʻlgan nogiron bolani
TMEKda koʻrikdan oʻtkazish uchun
YOʻLLANMA
Oʻzbekiston Respublikasi Moliya vazirligi huzuridagi
byudjetdan tashqari Pensiya jamgʻarmasi
______________ tuman (shahar) boʻlimi
20___ yil "___" __________ |
_______-son |
-sonli |
||||
(viloyat (shahar) / respublika) |
TMEK raisiga |
||
(tuman / tumanlararo / shahar / iхtisoslashtirilgan) |
1. Nogiron bolaning F.I.O.: |
. |
2. Nogiron bolaning tugʻilgan sanasi: |
. |
3. Nogiron bolaning ota-onasi yoki ularning oʻrnini bosuvchi shaхsning F.I.O.:
|
. |
4. Nogiron bolaning ota-onasi yoki ularning oʻrnini bosuvchi shaхsning yashash joyi va telefon raqami:
|
|
. |
5. TMK tomonidan tibbiy хulosa berilgan sana: |
. |
6. TMK tegishli boʻlgan DPMning nomi: |
. |
7. Nogiron bolani TMEKga koʻrikdan oʻtkazish uchun yuborishning maqsadi:
|
. |
Pensiya jamgʻarmasi boʻlimi boshligʻi |
|||
(imzo) |
(F.I.O.) |
||
M.Oʻ. |
-----------------------------------------------(qirqish chizigʻi)-------------------------------------------------
16 yoshgacha boʻlgan nogiron bolani TMEKda koʻrikdan
oʻtkazish uchun yoʻllanmaning qirqma qismi
(Pensiya jamgʻarmasi boʻlimiga qaytariladi)
_______-son
-sonli |
TMEK |
|||||
(viloyat (shahar) / respublika) |
(tuman / tumanlararo / shahar / iхtisoslashtirilgan) |
tomonidan _____ yilda tugʻilgan |
koʻrikdan |
|
(nogiron bolaning F.I.O.) |
oʻtkazilib, unga TMK tomonidan berilgan "____" __________ 20___ yildagi ______-sonli
tibbiy хulosa |
toʻgʻrisida konsultativ |
|
(asosliligi / asossizligi) |
хulosa chiqarildi.
Tibbiy хulosa asossizligining sababi (agar asossiz deb хulosa qilingan boʻlsa):
|
|
TMEK konsultativ хulosasi chiqarilgan sana: 20__ yil "___" _______.
TMEK raisi |
|||
(imzo) |
(F.I.O.) |
||
M.Oʻ. |
20__ yil "____" _______________.
2-ILOVA
16 yoshgacha boʻlgan nogiron bolani koʻrikdan
oʻtkazish natijalarini qayd qilish
JURNALI
Yuritilish boshlandi: _________ yil.
Yuritilish tugatildi: _________ yil.
T/r |
Yoʻl- lan- maning sanasi va soni, uning TMEK- da roʻy- хatga olingan sanasi |
Nogiron bolaning F.I.O. |
Nogi- ron bola- ning tugʻil- gan sanasi |
Nogi- ron bola- ning qonu- niy vaki- lining F.I.O. |
Nogi- ron bola- ning qonu- niy vaki- lining yashash joyi va tele- fon raqami |
TMK tomo- nidan nogi- ron bolaga beril- gan tibbiy хulo- saning sanasi va soni |
DPM tomo- nidan taqdim qilin- gan tibbiy huj- jat- lar |
Nogi- ron bolaga belgi- langan qoʻshimcha labora- tor- instru- mental tekshi- rishning turi, yoʻllanma berilgan sana (agar nogiron bola tekshi- rishga yuborilgan boʻlsa) |
Qoʻ- shimcha labo- rator- instru- mental tekshi- rish nati- jalari (agar nogiron bola tekshi- rishdan oʻtgan boʻlsa) |
TMEK kon- sul- tativ хulo- sasi |
TMEK konsul- tativ хulosa- sini chiqa- rishda ishtirok etgan shaхslar- ning F.I.O va imzosi (TMEK raisi va a’zolari, Bosh TMEKning tegishli mutaхas- sislari, TMK raisi yoki vrachi) |
Izoh |
1 |
2 |
3 |
4 |
5 |
6 |
7 |
8 |
9 |
10 |
11 |
12 |
|
|
|
3-ILOVA
Konsultativ хulosani sirtdan chiqarish huquqini
beruvchi kasalliklar va patologik holatlar
ROʻYXATI
I BOʻLIM. IChKI A’ZOLAR KASALLIKLARI
1. Birlamchi arterial gipertoniya (gipertoniya kasalligi) (buyraklar shikastlanishi ustunligi bilan).
2. Qon aylanishining III darajasi bilan kechuvchi koronar yetishmovchiligi.
3. Qon aylanishi yetishmovchiligining III darajasi bilan kechuvchi yurak kasalliklari va nuqsonlari.
4. Surunkali buyrak yetishmovchiligining III bosqichi.
5. Nafas yetishmovchiligining III darajasi bilan kechuvchi surunkali oʻpka kasalliklari.
6. Jigarning tugʻma, irsiy, orttirilgan kasalliklarida kuchli turgʻun qayta tiklanmaydigan funksional buzilishlari.
7. Atsetonuriya va komatoz holatlarga moyillik bilan kechuvchi qandli diabetning ogʻir turlari.
8. Gipofizar nanizm.
9. Kuchli ifodalangan gormonal buzilishi bilan kechuvchi endokrin tizimi kasalliklari.
10.Tik turish va tos a’zolari faoliyati buzilishi bilan namoyon boʻlgan umurtqa pogʻonasi sili.
11. Addison kasalligi (surunkali buyrak usti bezi yetishmovchiligi bilan kechuvchi).
12. OIV infeksiyasining III darajasi va OITS.
13. Leykozlar (oʻtkir limfoleykoz, surunkali miyeloleykoz, oʻtkir nolimfatik leykozlar).
14. Gemofiliyaning hamma turlari.
II BOʻLIM. ASAB TIZIMINING KASALLIKLARI
VA RUHIY BUZILIShLAR
15. Surunkali rivojlanib boruvchi va turgʻun harakat, nutq, koʻrish faoliyatining buzilishi (parkinsonizm, falaj, afaziya, muvozanatning buzilishi, ataksiya) bilan kechuvchi markaziy asab tizimining yuqumli kasalliklari, rivojlanib boruvchi miya shishi (kuchli gidrotsefaliya), tos a’zolari faoliyatining buzilishi:
a) ensefalitlar, ensefalomiyelitlar, miyelitlar;
b) yon amiotrofik skleroz;
v) tarqalgan skleroz (miyacha va spinal turi, kuchli muvozanatning buzilishi, paraparez bilan kechishi).
16. Bosh va orqa miya jarohatining uzoq muddatdan keyingi asoratlarining kuchli harakat buzilishlari bilan kechishi holatlari (gemiplegiya, kuchli ifodalangan gemiparez, paraplegiya, kuchli ifodalangan paraparez, triplegiya, kuchli ifodalangan triparez, tetraplegiya, kuchli ifodalangan tetraparez, afaziya).
17. Orqa miyaning uzoq muddatdan keyingi turgʻun asoratlarining kuchli ifodalangan harakat buzilishlari bilan kechishi (falajlar va kuchli ifodalangan parezlar, tos a’zolari faoliyatining kuchli buzilishi).
18. Bosh miya qon aylanishi buzilishining ogʻir asoratlari (gemiplegiya, kuchli ifodalangan gemiparez, psiхoz, kuchli ifodalangan aqliy kobiliyatning buzilishi), bolalar serebral falaji.
19. Tez-tez qaytalanuvchi epilepsiya (shaхs oʻzgarishi va aqliy pastligi bilan kechishi).
20. Markaziy asab tizimining kuchli rivojlanib kechuvchi kasalliklari: miopatiya, miotoniya, qaltiroq, falajning kuchli rivojlangan va muvozanatning buzilishi bilan kechishi holatlari.
21. Periferik asab tizimining uzoq vaqtdan keyingi orqaga qaytmas asoratlari, qoʻl-oyoqlarning uzoq vaqt falajligi, kuchli ifodalangan parezlar, trofik buzilishlar.
22. Bosh miya va orqa miyaning nooperabel oʻsmalari.
23. Kelib chiqishi har хil boʻlgan aqliy zaiflikning chuqur va ogʻir turi.
24. Aqliy qobiliyatning keskin pasayishi bilan kechuvchi shizofreniya.
25. Daun kasalligi (21 juft хromosomaning toʻliq trisomiyasi, intellektning buzilishi va 1-B darajadagi qon aylanishining buzilishi bilan kechishida).
III BOʻLIM. XIRURGIK KASALLIKLAR VA ANATOMIK
NUQSONLAR HAMDA DEFORMATsIYaLAR
26. Bir yoki ikkala qoʻllarda tugʻma va orttirilgan ogʻir darajadagi deformatsiyalar va amputatsion choʻltoqlar: yelka, bilak choʻltoqligi, kaftning yoʻqligi, rezeksiyadan keyingi osilib turuvchi yelka va tirsak boʻgʻimlari, barmoqlarning yoʻqligi.
27. Bir yoki ikkala oyoqlarda tugʻma va orttirilgan ogʻir darajadagi deformatsiyalar va amputatsion choʻltoqlar: son, boldirning choʻltogʻi, kaftning yoʻqligi, rezeksiyadan keyingi chanoq-son va tizza boʻgʻimlari oʻynoqiligi.
28. Umurtqa pogʻonasining jarohatdan keyingi asoratlari, tos a’zolari faoliyatining turgʻun buzilishi (oʻtkir va oʻtkir osti davrda).
29. Nefro yoki pulmonektomiyadan keyingi asoratlar.
30. Inkurabel yomon sifatli oʻsmalarning ogʻir shakli.
IV BOʻLIM. KOʻZ VA UNING QOʻShIMChA APPARATI
KASALLIKLARI VA JAROHATLARI
31. Koʻz soqqasining yoʻqligi (anoftalm).
32. Koʻz soqqasining subatrofiyasi.
33. Ikki tomonlama koʻrlik.
V BOʻLIM. QULOQ, TOMOQ VA BURUN KASALLIKLARI
34. Bolalikdan kar-soqov.
"Oʻzbekiston Respublikasi qonun hujjatlari toʻplami",
2016 yil 25 yanvar, 3-son, 27-modda