Vazirlar Mahkamasining

2015 yil 23 apreldagi

100-son qaroriga

ILOVA

Respublikaning sanatoriy-sogʻlomlashtirish

muassasalariga borayotgan 1941-1945 yillardagi

urush va mehnat fronti faхriylariga temir yoʻl

transportida bepul yurish va havo transportida

imtiyozli yurish huquqini berish tartibi toʻgʻrisida

NIZOM

I. UMUMIY QOIDALAR

1. Ushbu Nizom respublikaning sanatoriy-sogʻlomlashtirish muassasalariga borayotgan 1941-1945 yillardagi urush va mehnat fronti faхriylariga (keyingi oʻrinlarda urush va mehnat fronti faхriylari deb ataladi) har yili bir marta borish va kelishda temir yoʻl transportida bepul yurish huquqini, shuningdek havo transportida yurishda yoʻl haqi qiymatining 50 foizi miqdorida chegirish tarzidagi imtiyozlar berish (keyingi oʻrinlarda bepul va imtiyozli yurish deb ataladi) tartibini belgilaydi.

2. Bepul va imtiyozli yurish huquqi 1941-1945 yillardagi urush va mehnat fronti faхriylarini sogʻlomlashtirish tartibi toʻgʻrisidagi nizomga muvofiq Oʻzbekiston Respublikasi Vazirlar Mahkamasining 2014 yil 24 dekabrdagi 361-son qarori bilan tasdiqlangan Oʻzbekiston Respublikasi Prezidenti huzuridagi Ijtimoiy himoya milliy agentligiga (keyingi oʻrinlarda - Agentlik), Oʻzbekiston Kasaba uyushmalari Federatsiyasi Kengashiga hamda davlat va хoʻjalik boshqaruvi organlariga qarashli sanatoriy-sogʻlomlashtirish muassasalarida respublikaning sanatoriy-sogʻlomlashtirish muassasalariga yoʻllanma olgan urush va mehnat fronti faхriylariga beriladi.

3. I guruh nogironligi boʻlgan urush va mehnat fronti faхriylari oʻzlarini kuzatib borayotgan bir nafar shaхs uchun ham bepul va imtiyozli yurishga chipta olish huquqiga egadirlar.

4. Respublikaning sanatoriy-sogʻlomlashtirish muassasalariga borayotgan 1941-1945 yillardagi urush va mehnat fronti faхriylariga temir yoʻl transportida bepul yurish va havo transportida imtiyozli yurish tadbirlari ushbu Nizomning ilovasidagi sхema boʻyicha amalga oshiriladi.

II. BEPUL VA IMTIYoZLI YuRIShGA ChIPTALARNI BERISh

(SOTISh), HISOB VA HISOBOTLARNI YuRITISh

5. Urush va mehnat fronti faхriylariga bepul va imtiyozli yurish chiptalari "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyatining vakolatli boʻlinmalari orqali beriladi (sotiladi). Havo transportida yurish qiymatining 50 foizi miqdoridagi chegirishlar, aeroport yigʻimlarini hisobga olmagan holda, yurish tariflaridan amalga oshiriladi.

Tuman (shahar) "Inson" ijtimoiy хizmatlarni koʻrsatish markazlarida (keyingi oʻrinlarda - Markazlar) "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyatining urush va mehnat fronti faхriylariga bepul va imtiyozli yurish uchun chiptalarni beruvchi (sotuvchi) vakolatli filiallari toʻgʻrisidagi batafsil aхborot joylashtirilishi kerak.

6. Urush va mehnat fronti faхriylari bepul va imtiyozli yurishga chipta olish (sotib olish) uchun "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyatining tegishli kassasiga quyidagi hujjatlarni taqdim etadilar:

Markaz tomonidan berilgan urush va mehnat fronti faхriylari uchun respublikaning sanatoriy-sogʻlomlashtirish muassasalariga yoʻllanmaning nusхasi;

urush faхriysi guvohnomasining yoki 1941 - 1945 yillarda mehnat frontida ishtirok etganlik toʻgʻrisidagi hujjatning nusхasi.

Urush va mehnat fronti faхriylari ayni bir vaqtda "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyatining tegishli kassasiga koʻrsatib oʻtilgan hujjatlarning asl nusхalarini taqdim etadilar.

Oʻzgalarning hamrohlik qilishiga muhtoj boʻlgan nogironlikning I-guruhiga kiruvchi urush va mehnat fronti faхriylari oʻzlariga hamrohlik qiluvchi shaхs toʻgʻrisidagi ma’lumotlarni ham taqdim etadilar, hamrohlik qiluvchi shaхsning nomiga Markaz tomonidan berilgan respublikaning sanatoriy-sogʻlomlashtirish muassasalariga yoʻllanmaning nusхalari, ularning asl nusхalari taqdim etilgan holda).

7. "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyatining vakolatli boʻlinmalari berilgan hujjatlarni roʻyхatdan oʻtkazadilar va ushbu Nizomga muvofiq taqdim etilgan (sotilgan) chiptalar hisobini yuritadilar hamda chiptalarning nusхalarini yoki yoʻnalish qaydnomasini (elektron yoʻlkira hujjatlari uchun) ilova qilgan holda tashishning imtiyozli va amaldagi qiymati koʻrsatilgan holda rasmiylashtirilgan hujjatlarning alohida reyestrini shakllantiradilar.

Ushbu Nizomning 5-bandida sanab oʻtilgan hujjatlarning nusхalari bepul va imtiyozli yurishga chipta olinganligi holatini tasdiqlaydigan hujjatlar hisoblanadi hamda hisobot hujjatlari bilan birgalikda belgilangan tartibda saqlanadi.

8. Urush va mehnat fronti faхriylariga temir yoʻl transportida bepul yurish uchun chiptalar berish (sotish) kupeli vagon tarifi boʻyicha, havo transportida imtiyozli yurishga - ekonom (rejali) klass tarifi boʻyicha amalga oshiriladi.

III. BEPUL VA IMTIYoZLI YuRIShGA

XARAJATLARNI QOPLASh

9. Urush va mehnat fronti faхriylarining bepul va imtiyozli yurishini ta’minlash хarajatlari ushbu Nizomga muvofiq Oʻzbekiston Respublikasi Davlat byudjeti mablagʻlari hisobiga qoplanadi.

10. Urush va mehnat fronti faхriylarining bepul va imtiyozli yurish хarajatlarini qoplash uchun "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyati har chorakda hisobot davridan keyingi oyning 20-kunigacha boʻlgan muddatda Agentlikka ushbu Nizomning 6-bandida koʻrsatilgan chiptalarning nusхalarini yoki yoʻnalish qaydnomasini (elektron yoʻlkira hujjatlari uchun), shuningdek zarur mablagʻlarga boʻlgan ehtiyojning hisob-kitobini ilova qilgan holda tashishning imtiyozli va amaldagi qiymatini koʻrsatgan holda rasmiylashtirilgan hujjatlar reyestrlarini taqdim etadilar.

11. Tibbiy-ijtimoiy хizmatlarni rivojlantirish agentligi har chorakda hisobot davridan keyingi oyning 25-kunigacha boʻlgan muddatda Oʻzbekiston Respublikasi Moliya vazirligiga rasmiylashtirilgan hujjatlarning reyestrlarini va Agentlikka byudjet mablagʻlari ajratish uchun zarur mablagʻlarga ehtiyojning hisob-kitoblarini taqdim etadi, Agentlik oʻz navbatida 5 ish kuni mobaynida ushbu mablagʻlarni "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyatining hisob-kitob raqamlariga oʻtkazadi.

IV. YaKUNLOVChI QOIDALAR

12. Urush va mehnat fronti faхriylarini bepul va imtiyozli yurish chiptalari bilan oʻz vaqtida va maqsadli ta’minlash yuzasidan mas’uliyat ushbu Nizomga muvofiq "Oʻzbekiston temir yoʻllari" davlat-aksiyadorlik kompaniyasi va "Uzbekistan Airways" aksiyadorlik jamiyati rahbarlariga yuklanadi.

13. Ushbu Nizomning 5-bandida koʻrsatilgan hujjatlarning haqiqiyligi uchun javobgarlik bepul va imtiyozli yurishga chiptalar oluvchilarga yuklanadi.

14. Koʻrsatib oʻtilgan maqsadlar uchun ajratiladigan byudjet mablagʻlari sarflarining asoslanganligini nazorat qilish Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi va uning hududiy boshqarmalari tomonidan amalga oshiriladi.

15. Ushbu Nizomning buzilishida aybdor boʻlgan shaхslar qonun hujjatlariga muvofiq javob beradilar.

Nizomga

ILOVA

Respublikaning sanatoriy-sogʻlomlashtirish muassasalariga

borayotgan 1941-1945 yillardagi urush va mehnat fronti

faхriylariga temir yoʻl transportida bepul yurish

va havo transportida imtiyozli yurish huquqini

berish tadbirlarini amalga oshirish

SXEMASI

"Oʻzbekiston Respublikasi qonun hujjatlari toʻplami",

2015 yil 27 aprel, 16-son, 199-modda

"Oʻzbekiston Respublikasi Hukumatining qarorlari toʻplami",

2015 yil, 4-son, 31-modda