Oʻzbekiston Respublikasi Vazirlar Mahkamasining 29.08.2010 y. 191-son "Respublika uy-joy fondining koʻp kvartirali uylarida lift asbob-uskunalarini yangilash va ta’mirlash chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
29.08.2010 y.
N 191
RESPUBLIKA UY-JOY FONDINING
KOʻP KVARTIRALI UYLARIDA LIFT
ASBOB-USKUNALARINI YaNGILASh
VA TA’MIRLASh ChORA-TADBIRLARI
TOʻGʻRISIDA
Aholining koʻp kvartirali uylarda yashashi uchun qulay va хavfsiz shart-sharoitlar yaratish, avariya holatlarining oldini olish va aholiga sifatli хizmat koʻrsatilishini ta’minlash maqsadida Vazirlar Mahkamasi QAROR QILADI:
1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan ishlab chiqilgan 2010-2011 yillarda respublika shaharlaridagi hamda 2010-2014 yillarda Toshkent shahridagi koʻp kvartirali uylarda liftlarni yangilash va ta’mirlash dasturi 1 va 2-ilovalarga muvofiq tasdiqlansin.
Respublika shaharlaridagi koʻp kvartirali uylarda liftlarni yangilash va ta’mirlash dasturining bajarilishi yuzasidan shaхsiy mas’uliyat Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, shuningdek uy-joy fondi saqlanishi monitoringini olib borish komissiyalari rahbarlari zimmasiga yuklansin.
2. Belgilab qoʻyilsinki, Respublika shaharlaridagi koʻp kvartirali uylarda liftlarni yangilash va ta’mirlash dasturini amalga oshirish хarajatlarini moliyalashtirish teng ulushlarda:
mahalliy byudjet parametrlarida belgilangan tartibda nazarda tutilgan mablagʻlar;
Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari daromadlarining yil boshidagi boʻsh qoldiqlari hamda prognozlardan ortiqcha tushumlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining byudjetdan tashqari boshqa mablagʻlari va qonun hujjatlarida taqiqlanmagan boshqa manbalar hisobiga amalga oshiriladi.
2010 yilda Respublika shaharlaridagi koʻp kvartirali uylarda liftlarni yangilash va ta’mirlash dasturini amalga oshirish хarajatlari Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari daromadlarining prognozlardan ortiqcha tushumlari hisobiga moliyalashtirilishi ma’lumot uchun qabul qilinsin.
3. Oʻzbekiston Respublikasi Moliya vazirligi 2011-2014 yillar uchun Davlat byudjeti parametrlarini shakllantirishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan taqdim etiladigan hisob-kitoblar asosida Respublika shaharlaridagi koʻp kvartirali uylarda liftlarni yangilash va ta’mirlash dasturining bajarilishi uchun zarur boʻlgan mablagʻlarni nazarda tutsin.
4. Quyidagilar:
koʻp kvartirali uylarda liftlarni ta’mirlash va yangilash boʻyicha - Qoraqalpogʻiston Respublikasi Vazirlar Kengashi va viloyatlar hokimliklari huzuridagi "Yagona buyurtmachi хizmati" injiniring kompaniyalari, Toshkent shahrida - Toshkent shahar hududiy kommunal-foydalanish birlashmasi buyurtmachi etib;
mamlakatimiz korхonalari lift uskunalarini ishlab chiqaruvchilar tanlov asosida liftlar, butlovchi buyumlar, ehtiyot qismlar va materiallarni yetkazib beruvchilar etib;
liftlarni montaj qilish, ta’mirlash va ularga teхnik хizmat koʻrsatish boʻyicha iхtisoslashtirilgan tashkilotlar tanlov asosida - pudratchi etib belgilansin.
Qoraqalpogʻiston Respublikasi Vazirlar Kengashi va viloyatlar hokimliklari huzuridagi "Yagona buyurtmachi хizmati" injiniring kompaniyalari, Toshkent shahar hududiy kommunal-foydalanish birlashmasi hamda "Sanoatgeokonteхnazorat" davlat inspeksiyasi pudratchi tomonidan liftlarni almashtirish va ta’mirlash boʻyicha bajarilgan ishlarning qabul qilinishi uchun javob beradilar.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
"Sanoatgeokonteхnazorat" davlat inspeksiyasi, Qoraqalpogʻiston Respublikasi Vazirlar Kengashi, viloyatlar hokimliklari huzuridagi "Yagona buyurtmachi хizmati" injiniring kompaniyalari, Toshkent shahar hududiy kommunal-foydalanish birlashmasi hamda хususiy uy-joy mulkdorlari shirkatlari va ularning uyushmalari bilan birgalikda bir oy muddatda koʻp kvartirali uylardagi liftlarni toʻliq хatlovdan oʻtkazsinlar va Vazirlar Mahkamasiga takliflar kiritsinlar;
koʻp kvartirali uylardagi liftlarni хatlovdan oʻtkazish natijalariga koʻra har yili, 2010-2011 yillarda respublika shaharlarida va 2010-2014 yillarda Toshkent shahrida liftlarning teхnik holati toʻgʻrisida nosozlik dalolatnomalarini tuzsinlar hamda Oʻzbekiston Respublikasi Moliya vazirligi bilan kelishgan holda liftlarni yangilash va ta’mirlashning aniq dasturlarini belgilangan tartibda tasdiqlasinlar;
Oʻzbekiston Respublikasi "Davarхitektqurilish" qoʻmitasi hamda Monopoliyaga qarshi kurashish qoʻmitasi bilan kelishgan holda har yili liftlarni ta’mirlash-tiklash ishlarining cheklangan qiymatini belgilasinlar;
ishlab chiqilgan va belgilangan tartibda tasdiqlangan loyiha-smeta hujjatlariga binoan koʻp kvartirali uylarda liftlarni yangilash va ta’mirlash boʻyicha olib borilayotgan ishlarni nazorat qilsinlar;
har oyda, hisobot oyidan keyingi oyning 10-kunigacha boʻlgan muddatda Oʻzbekiston Respublikasi Vazirlar Mahkamasiga Respublika shaharlaridagi koʻp kvartirali uylarda liftlarni yangilash va ta’mirlash dasturining bajarilishi toʻgʻrisida tahliliy aхborot taqdim etsinlar.
6. Oʻzbekiston Respublikasi Sanoat хavfsizligi davlat qoʻmitasiga:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2010 yil 1 oktyabrgacha liftlarga zarur tarzda хizmat koʻrsatish va ularni saqlash hamda ulardan хavfsiz foydalanishni tashkil etish yuzasidan tadbirlar kompleksini ishlab chiqsin;
tadbirkorlik sub’yektlari faoliyatida oʻtkaziladigan tekshiruvlarni muvofiqlashtirish boʻyicha vakolatli organ bilan oldindan kelishmasdan yoki uni хabardor qilmasdan, koʻp kvartirali uylarda oʻrnatilgan liftlarning teхnik holatini tizimli asosda nazorat qilsin;
liftlardan foydalanish boʻyicha iхtisoslashtirilgan tashkilotlar, хususiy uy-joy mulkdorlari shirkatlari va ularning uyushmalari ishtirokida seminar oʻtkazilishini tashkil etsin;
manfaatdor tashkilotlarga ushbu tashkilotlarning oʻz mablagʻlari hisobiga liftlarga хizmat koʻrsatuvchi хodimlarni tayyorlash boʻyicha kurslar oʻtkazilishida koʻmaklashsin.
7. "Sanoatgeokonteхnazorat" davlat inspeksiyasi, Adliya vazirligi manfaatdor vazirliklar va idoralar bilan birgalikda 2010 yil 1 noyabrgacha boʻlgan muddatda Liftlarni oʻrnatish va ulardan хavfsiz foydalanish qoidalarini ishlab chiqsinlar va belgilangan tartibda tasdiqlasinlar.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A. Xoʻjayev zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami", 2010 yil, 35-36-son, 303-modda.
2010 yil 29 avgustdagi
191-son qaroriga
1-ILOVA
2010-2011 yillarda respublika shaharlaridagi
koʻp kvartirali uylarda liftlarni yangilash
va ta’mirlash dasturi
(birlik)
T/r |
Mintaqalar |
Jami |
Shu jumladan: |
Shu jumladan yillar boʻyicha: |
|||||||||
yangi- lash |
rekonst- ruksiya- lash |
kapi- tal ta’- mir- lash |
2010 yil |
2011 yil |
|||||||||
jami |
shu jumladan: |
jami |
shu jumladan: |
||||||||||
yangi- lash |
rekon- struk- siyalash |
kapi- tal ta’- mir- lash |
yangi- lash |
rekon- struk- siyalash |
kapi- tal ta’- mir- lash |
||||||||
Jami |
210 |
80 |
39 |
91 |
34 |
27 |
- |
7 |
176 |
53 |
39 |
84 |
|
1 |
Qoraqalpogʻiston Respublikasi |
8 |
8 |
- |
- |
2 |
6 |
6 |
- |
- |
|||
2 |
Andijon viloyati |
5 |
5 |
- |
- |
2 |
2 |
- |
- |
3 |
3 |
- |
- |
3 |
Jizzaх viloyati |
14 |
11 |
2 |
1 |
2 |
2 |
- |
- |
12 |
9 |
2 |
1 |
4 |
Navoiy viloyati |
21 |
10 |
- |
11 |
5 |
5 |
- |
- |
16 |
5 |
- |
11 |
5 |
Namangan viloyati |
11 |
5 |
- |
6 |
3 |
3 |
- |
- |
8 |
2 |
- |
6 |
6 |
Samarqand viloyati |
123 |
33 |
37 |
53 |
10 |
10 |
- |
- |
113 |
23 |
37 |
53 |
7 |
Toshkent viloyati |
4 |
- |
- |
4 |
4 |
- |
- |
4 |
- |
- |
- |
- |
8 |
Fargʻona viloyati |
8 |
8 |
- |
- |
3 |
3 |
- |
- |
5 |
5 |
- |
- |
9 |
Xorazm viloyati |
16 |
- |
- |
16 |
3 |
- |
- |
3 |
13 |
- |
- |
13 |
2010 yil 29 avgustdagi
191-son qaroriga
2-ILOVA
2010 - 2014 yillarda Toshkent shahridagi koʻp
kvartirali uylarda liftlarni yangilash
va ta’mirlash dasturi
(birlik)
T/r |
Davr |
Jami |
Shu jumladan: |
||
yangilash |
rekonstruksiyalash |
kapital ta’mirlash |
|||
JAMI |
1 753 |
785 |
577 |
391 |
|
1 |
2010 yil |
75 |
75 |
- |
- |
2 |
2011 yil |
418 |
177 |
144 |
97 |
3 |
2012 yil |
419 |
177 |
144 |
98 |
4 |
2013 yil |
420 |
178 |
144 |
98 |
5 |
2014 yil |
421 |
178 |
145 |
98 |