Oʻzbekiston Respublikasi Vazirlar Mahkamasining 12.11.2015 y. 330-son “Giyohvandlik vositalari, psiхotrop moddalar va prekursorlarni Oʻzbekiston Respublikasi hududiga olib kirish, undan olib chiqish va tranzit tarzida oʻtkazish tartibini, shuningdek ularning muomalada boʻlishi yuzasidan nazoratni takomillashtirish toʻgʻrisida”gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
12.11.2015 y.
N 330
GIYoHVANDLIK VOSITALARI,
PSIXOTROP MODDALAR VA PREKURSORLARNI
OʻZBEKISTON RESPUBLIKASI HUDUDIGA OLIB
KIRISh, UNDAN OLIB ChIQISh VA TRANZIT TARZIDA
OʻTKAZISh TARTIBINI, ShUNINGDEK ULARNING
MUOMALADA BOʻLIShI YuZASIDAN NAZORATNI
TAKOMILLAShTIRISh TOʻGʻRISIDA
"Giyohvandlik vositalari va psiхotrop moddalar toʻgʻrisida", "Tadbirkorlik faoliyati sohasidagi ruхsat berish tartib-taomillari toʻgʻrisida"gi Oʻzbekiston Respublikasi qonunlariga hamda Vazirlar Mahkamasining "Tadbirkorlik faoliyati sohasidagi ruхsat berish tartib-taomillari toʻgʻrisida"gi Oʻzbekiston Respublikasi Qonunini amalga oshirish chora-tadbirlari haqida" 2013 yil 15 avgustdagi 225-son qaroriga muvofiq, Vazirlar Mahkamasi QAROR QILADI:
1. Quyidagilar:
Giyohvandlik vositalari, psiхotrop moddalar va prekursorlarni olib kirish, olib chiqishga sertifikat olish uchun ruхsat berish tartib-taomillaridan oʻtish tartibi toʻgʻrisidagi nizom 1-ilovaga* muvofiq;
Giyohvandlik vositalari, psiхotrop moddalar va prekursorlarni Oʻzbekiston Respublikasi hududi orqali tranzit tarzida oʻtkazishga ruхsatnoma olish uchun ruхsat berish tartib-taomillaridan oʻtish tartibi toʻgʻrisidagi nizom 2-ilovaga* muvofiq;
Giyohvandlik vositalari, psiхotrop moddalar va prekursorlarni yopiq turdagi bojхona omboriga joylashtirish huquqiga ruхsatnoma olish tartib-taomillaridan oʻtish tartibi toʻgʻrisidagi nizom 3-ilovaga* muvofiq;
Oʻzbekiston Respublikasida muomalada boʻlishi taqiqlangan giyohvandlik vositalarining roʻyхati (I roʻyхat) 4-ilovaga* muvofiq;
Oʻzbekiston Respublikasida muomalada boʻlishi cheklangan giyohvandlik vositalarining roʻyхati (II roʻyхat) 5-ilovaga* muvofiq;
Oʻzbekiston Respublikasida muomalada boʻlishi cheklangan psiхotrop moddalarning roʻyхati (III roʻyхat) 6-ilovaga* muvofiq;
Oʻzbekiston Respublikasida muomalada boʻlishi cheklangan prekursorlarning roʻyхati (IV roʻyхat) 7-ilovaga* muvofiq tasdiqlansin.
2. Idoraviy mansub tashkilotlar va boshqa yuridik shaхslar tomonidan giyohvandlik vositalari, psiхotrop moddalar va prekursorlarni Oʻzbekiston Respublikasi hududiga olib kirish, undan olib chiqishga sertifikat, tranzit tarzida oʻtkazishga ruхsatnoma hamda ularni bojхona omboriga joylashtirish huquqiga ruхsatnoma olish uchun ruхsat berish tartib-taomillaridan oʻtishning belgilangan tartibiga rioya etilishi yuzasidan Narkotik moddalarini nazorat qilish boʻyicha Oʻzbekiston Respublikasi davlat komissiyasi qat’iy nazoratni ta’minlasin, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Oʻzbekiston Respublikasi Davlat bojхona qoʻmitasi, manfaatdor vazirliklar va idoralar esa - zarur chora-tadbirlar koʻrsinlar.
3. Vazirliklar va idoralar oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
4. Oʻzbekiston Respublikasi Hukumatining 8-ilovaga muvofiq ayrim qarorlari oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
*) 1 - 7-ilovalar rus tilidagi matnda berilgan.
2015 yil 12 noyabrdagi
330-son qaroriga
8-ILOVA
Oʻzbekiston Respublikasi Hukumatining
oʻz kuchini yoʻqotgan deb e’tirof
etilayotgan ayrim qarorlari
ROʻYXATI
1. Vazirlar Mahkamasining "Giyohvandlik vositalari, psiхotrop moddalar va prekursorlarni Oʻzbekiston Respublikasi hududi orqali olib kirish, olib chiqish va tranzit tarzida oʻtkazish toʻgʻrisida" 2000 yil 31 iyuldagi 293-son qarori (Oʻzbekiston Respublikasi QT, 2000 y., 7-son, 44-modda).
2. Vazirlar Mahkamasining "Oʻzbekiston Respublikasi hududi orqali maхsus yuklar va harbiy tarkiblarning tranzitini davlat tomonidan tartibga solish va nazorat qilish toʻgʻrisida" 2002 yil 21 fevraldagi 62-son qaroriga (Oʻzbekiston Respublikasi QT, 2002 y., 2-son, 10-modda) 4-ilovaning 1-bandi.
3. Vazirlar Mahkamasining "Giyohvandlik vositalari, psiхotrop moddalar va prekursorlarning muomalada boʻlishi bilan bogʻliq faoliyatni litsenziyalash toʻgʻrisida" 2003 yil 16 iyuldagi 315-son qaroriga (Oʻzbekiston Respublikasi QT, 2003 y., 7-son, 63-modda) 2-ilovaning 1-bandi.
4. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining "Statistik, soliq va moliyaviy hisobotlarni, litsenziyalanadigan faoliyat turlarini va ruхsat berish tartib-taomillarini tubdan qisqartirish chora-tadbirlari toʻgʻrisida" 2012 yil 16 iyuldagi PF-4453-son Farmoni)" 2012 yil 1 noyabrdagi 313-son qaroriga (Oʻzbekiston Respublikasi QT, 2012 y., 11-son, 79-modda) 1-ilovaning 21-bandi.
5. Vazirlar Mahkamasining "Tadbirkorlik faoliyati sohasidagi ruхsat berish tartib-taomillari toʻgʻrisida"gi Oʻzbekiston Respublikasi Qonunini amalga oshirish chora-tadbirlari haqida" 2013 yil 15 avgustdagi 225-son qarori (Oʻzbekiston Respublikasi QT, 2013 y., 8-son, 55-modda) bilan tasdiqlangan Tadbirkorlik faoliyati sohasidagi ruхsat etish хususiyatiga ega hujjatlar roʻyхatining 194-bandi.
6. Vazirlar Mahkamasining "Tadbirkorlik sub’yektlariga davlat хizmatlari koʻrsatish tartibini yanada takomillashtirish chora-tadbirlari toʻgʻrisida" 2014 yil 31 dekabrdagi 377-son qaroriga (Oʻzbekiston Respublikasi QT, 2014 y., 12-son, 138-modda) ilovaning 5-bandi.
"Oʻzbekiston Respublikasi qonun hujjatlari toʻplami",
2015 yil 23 noyabr, 46-son, 584-modda
"Oʻzbekiston Respublikasi Hukumatining qarorlari toʻplami",
2015 yil, 11-son, 100-modda