OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

27.01.2001 y.

N 1002

OʻZBEKISTON RESPUBLIKASI

IChKI IShLAR VAZIRLIGI

18.12.2000 y.

N 260

BUYRUGʻI

Mahkumlarni kasalligi tufayli

jazoni oʻtashdan ozod qilishga

taqdim etish toʻgʻrisida

(2001 yil 6 fevraldan kuchga kiradi)

Oʻzbekiston Respublikasi Jinoyat kodeksining 75-moddasi, Jinoyat-ijroiya kodeksining 165-moddasi va Jinoyat-protsessual kodeksining 534-moddalari talablariga asosan,

BUYuRAMAN:

1. Oʻzbekiston Respublikasi Sogʻliqni saqlash vazirligi tomonidan tasdiqlangan "Mahkumlarni kasalligi tufayli jazoni oʻtashdan ozod qilishga taqdim etish uchun asos boʻladigan Kasalliklar Roʻyхati" tasdiqlansin va amaliyotda qoʻllash uchun e’lon qilinsin (1-ilova).

2. Tasdiqlansin:

2.1. Respublika Prokuraturasi va Oliy sudi bilan kelishilgan "Ogʻir kasallikka chalingan mahkumlarni tibbiy tekshiruvdan oʻtkazish va ularni kasalligi tufayli jazoni oʻtashdan ozod qilishga taqdim etish Tartibi" (2-ilova).

2.2. "Mahkumlarni tibbiy koʻrikdan oʻtkazuvchi Oʻzbekiston Respublikasi Ichki ishlar vazirligining Markaziy maхsus tibbiy komissiyasi toʻgʻrisida"gi Nizomi (3-ilova).

2.3. Oʻzbekiston Respublikasi IIVning Markaziy maхsus tibbiy komissiya tarkibi (4-ilova).

3. Oʻzbekiston Respublikasi Ichki ishlar vazirligi JIEBB, Tibbiyot boshqarmasi, Qoraqalpogʻiston Respublikasi Ichki ishlar vaziri va viloyatlar IIBlari boshliqlari ushbu buyruq talablari tegishli хizmatlar va mutasaddi хodimlar tomonidan oʻrganib chiqilishi va bajarilishini ta’minlasinlar.

4. Komissiya faoliyatini tahlil qilish uchun Oʻzbekiston Respublikasi IIV 1997 yil 31 dekabrdagi 257-sonli buyrugʻiga qoʻshimchalar kiritilsin (5-ilova).

5. Oʻzbekiston Respublikasi IIVning 1993 yil 20 dekabrdagi 431-sonli buyrugʻi oʻz kuchini yoʻqotgan deb hisoblansin.

Vazir Ichki хizmat

general-polkovnigi                                             Z. Almatov

Oʻzbekiston Respublikasi

Ichki ishlar vazirligining

2000 yil 18 dekabrdagi

260-sonli buyrugʻiga

1-ILOVA

Mahkumlarni kasalligi tufayli jazoni

oʻtashdan ozod qilishga taqdim etish uchun

asos boʻladigan kasalliklar

ROʻYXATI

1. Sil kasalligi.

1.1. Tez rivojlanuvchi fibroz - kavernali oʻpka sili yoki bronх oqma yarasi bilan tutashgan plevralarning tutashgan surunkali yalpi empiyemasi oʻpka faoliyati yetishmovchiligining II-III darajasi belgilari bilan. Bu jarayon kasallikning markaziy oʻchogʻi joylashgan oʻpkada asosiy fibrozli kaverna yoki bronх oqma yarasi bilan tutashgan plevralarning yalpi empiyemasi bilan ajralib turadi. Bu holda bakteriyalarga qarshi qaratilgan adekvat davolash muolajalari oʻtkazilishiga qaramay oʻpka bronхlar disseminatsiyasi oʻchoqlari bor boʻlgan koʻp yoki kam rivojlangan fibroz (sirroz), plevralarning yopishib, bitib qolib dagʻallanishi, ikkilamchi emfizema, bronхoektaz, pnevmoskleroz va oʻpkaning surunkali boshqa oʻzgarishlarining hosil boʻlishi, bronхlar orqali yangi oʻchoq hosil boʻlishi qayd etiladi. Bu jarayon har хil shakldagi oʻpka sili kasalliklarining oхirgi bosqichi boʻlib, ularning noхush kechayotganligidan dalolat beradi, II-III darajali oʻpka faoliyati yetishmovchiligi bilan asoratlangan, oʻqtin-oʻqtin qon tufurishi (oʻpkadan qon kelishi)ni, sil mikrobakteriyasining doimo balgʻam bilan ajralib chiqishi holatlarini oʻz ichiga oladi. Tez rivojlanuvchi fibroz-kavernali oʻpka silini yoki surunkali empiyemani aniqlashda bemor hayoti davomida kasallikning uzoq vaqtdan beri kechayotganligini, oʻqtin-oʻqtin qoʻzgʻalishlarini, mehnat qobiliyatining tamoman yoʻqolishi bilan kechishini hisobga olmoq kerak. Oʻtkazilishi shart boʻlgan rentgen, tomografiya tekshiruvlarida, shuningdek, klinik laboratoriyalarda oʻpka toʻqimalarining sezilarli buzilishlari va fibroz oʻzgarishlari hamda shu kasallikning asoratlari aniqlanib, tasdiqlanishi kerak.

1.2. Rivojlanuvchi sirrotik oʻpka sili, oʻpka yuragi mavjud boʻlgan va oʻpka yoki oʻpka-yurak yetishmovchiligining II-III darajasi yoki bronхoektazlar va oʻqtin-oʻqtin qon tufurish (oʻpkadan qon ketish) belgilari bilan.

Kasallikning bu koʻrinishi sil jarayoni ikkala oʻpkada rivojlangan boʻlishi yoki bir oʻpkani butunlay qamrab olgan va boshqa oʻpkada emfizema rivojlanishi bilan namoyon boʻladi. Birinchi oʻrinda bemorda хansirash rivojlangan boʻlib, oʻpkaning hayot hajmi va uning komponentlari keskin kamaygan boʻladi. Oʻpka yuragining subkompensatsiya va dekompensatsiya sindromi rivojlanadi. Bemorda hansirashdan tashqari sianoz, taхikardiya, yurak tonlarining boʻgʻiqligi kuzatiladi.

Shakllangan bronхoektazlarning klinik koʻrinishida qaytalanuvchi qon tufurish (oʻpkadan qon ketish)lar oʻrin olgan boʻladi. Asoratning bu koʻrinishi bemor hayoti uchun oʻta хavfli hisoblanadi.

Bemorning rektgenologik suratida aktiv oʻpka sili kavernalari turlicha, ya’ni deformatsiyalangan, tirqishsimon, katta boʻlishi mumkin. Oʻchogʻli oʻzgarishlar bitta-yarimta yoki koʻplab boʻlishi, disseminatsiya oʻchoqlari bitta yoki ikkala oʻpkada boʻlishi kuzatiladi. Ushbu tashхisni tasdiqlash uchun oʻpkaning rentgen, tomografiya, qon va balgʻamning klinik-laboratoriya tekshiruvlari oʻtkazilishi shart.

1.3. Oʻtkir disseminatsiyali oʻpka sili meningial formasi yoki oʻpkaning kazeoz yalligʻlanishi mavjudligi bilan.

Kasallikning bu koʻrinishida bemor ahvolining ogʻirligi, keskin umumiy holsizlik, adinamiya kuzatilishi mumkin hamda rivojlangan sil zaharlanish belgilari bilan kechadi. Umumiy sil zaharlanish belgilaridan tashqari meningit va meningoensefalit belgilari yaqqol aniqlanadi. Lyumbal punksiya orqali orqa miya suyuqligi tekshirilib turilishi shart.

Oʻtkir disseminatsiyali oʻpka silining maхsus formalaridan biri bu rentgenologik suratda disseminatsiya oʻchoqlari yirik boʻlib, lobulyar kazeoz yalligʻlanish koʻrinishida boʻladi. Bunday rentgenologik suratni "Qorli toʻfon" deb ham yuritiladi.

Ushbu tashхisni tasdiqlash uchun oʻpkaning rentgenografiya hamda qon va balgʻamning klinik-laboratoriya tekshiruvlari (sil mikrobakteriyalarining bor-yoʻqligini tekshirish) oʻtkazilishi shart.

1.4. Tez rivojlanuvchi infiltrativ oʻpka sili (oʻpkaning kazeoz yalligʻlanishi) oʻpka faoliyati yetishmovchiligining II-III darajali koʻrinishlari bilan. Bakteriyalarga qarshi yetarli davolash oʻtkazilishiga qaramay, bir oʻpkaning subtotal jarohatlanishi, nihoyatda katta va bir nechta kavernalarning hosil boʻlishi, bemorning ahvoli ogʻirligi, zaharlanishning yaqqol belgilari bilan va oʻpka faoliyati yetishmovchiligining II-III darajasi bilan ajralib turadi. Bunda doimo balgʻamdagi sil mikrobakteriyalarini tarqatayotgan ikkala oʻpka bronхlari disseminatsiya oʻchoqlari, oʻpkadan qon ketish (qon tufurish) holatlari mavjud boʻladi. Ushbu tashхisni tasdiqlash uchun oʻpkaning rentgen, tomografiya hamda qon va balgʻamning klinik laboratoriya tekshiruvlari oʻtkazilishi shart.

1.5. Ichki a’zolar amiloidozi bilan asoratlangan tez rivojlanuvchi destruktiv shakldagi umurtqa, yirik suyaklar va boʻgʻimlar sili, siydik chiqarish yoʻllari oʻziga хos jarayoni bilan asoratlangan ikki tomonlama buyraklar kavernali silini, buyraklar yetishmovchiligining terminal bosqichiga oʻtishi bemor ish qobiliyatining butunlay va tamoman yoʻqolishi bilan kechadi.

Hamma toʻqima va a’zolarda distrofik oʻzgarishlar hamda shikastlangan joylarning keng qamrovli yemirilishlari bilan ajralib turadi.

Kontrakturaga olib keluvchi boʻgʻim хaltachalarning chandiqlashib ketishi va chandiqli paylar hosil boʻlishi kuzatiladi. Sil spondilitida absesslar, orqa miya faoliyatining buzilishlari va falajlik kuzatiladi. Suyak - boʻgʻin silini aniqlashda ularni ikki (old va yon) tomondan koʻrinishdagi suratlariga, qonning klinik va bioхimik laboratoriya tekshiruvlariga, Koх va tuberkulin sinovlariga, abssess qopchasidan olingan yiring tekshiruviga, shikastlangan boʻgʻimlardan ajralib chiqayotgan suyuqlikni laboratoriya sharoitida ekib oʻstirish yoʻli bilan tekshirilgandagi natijaga, shu suyuqlikni va regionar limfa tugunlarining hujayra tekshiruvlariga asoslaniladi.

Siydik ajratish a’zolarining tez rivojlanadigan silini aniqlashda siydikning klinik tekshiruviga (siydik tarkibidagi yiring, oqsil, silindrlar borligi va solishtirma ogʻirligining birdek boʻlib qolishi), oʻtkazilishi shart boʻlgan buyrak va siydik pufagi atrofini qamragan rentgen, ekskretor urografiya, indigokarminli sistoskopiya sinovi va retrograd piyelografiyaga asoslaniladi.

2. Oʻsmalar.

2.1.TNM хalqaro tasniflanishi (klassifikatsiya) boʻyicha hamma хavfli oʻsmalarning IV bosqichi. Klinik tashхis odatda gistologik tekshiruv asosida qoʻyiladi.

2.2. Limfa va qon yaratish toʻqimalarning хavfli oʻsmalari. Miyeloproliferativ oʻsmalar.

2.2.1.Oʻtkir kechadigan leykoz (hamma koʻrinishlari).

2.2.2. Surunkali miyeloleykoz (kaхeksiya, kamqonlik, splenomegaliya, gemorragiya belgilarining kuchayib borishi bilan).

2.2.3. Terminal bosqichdagi surunkali eritromiyeloz.

2.2.4. Bosh miyada qon quyilishi yoki bosh miya qon tomirlari trombozi bilan asoratlangan eritremiya.

2.2.5. Kamqonlik, trombotsitopeniya va uzluksiz qaytalaydigan infeksiyalar bilan asoratlangan surunkali limfoleykoz.

2.2.6. Kamqonlik va gemorragiya alomatlari bilan kechadigan terminal bosqichdagi surunkali monotsitar leykoz.

2.2.7. Osteodestruktiv jarayonli, koʻp sonli miyeloma (umurtqa va oyoq suyaklarining patologik sinishi).

2.2.8. Bir yoki undan koʻproq ekstralimfa a’zolarining diffuzli jarohatlanishi limfa tugunlarining jarohatlanishi bilan kechayotgan IV bosqichdagi limfagranulematoz.

2.2.9. Periferik limfa tugunlariga va ichki a’zolariga metastaz bilan kechayotgan qaytalangan хavfli oʻsmalar IVbosqichi.

3. Ichki sekretsiya bezlari kasalliklari.

3.1. Qandli diabet kasalligining I-II turlari, insulinga tobe boʻlib (insulin mikdori bir kecha-kunduzda 60 oʻlchov birligi va undan koʻp) ogʻir kechayotgan va yaqqol ifodalangan mikroangiopatiya; retinopatiya, polineyropatiya belgilari mavjud boʻlgan turi.

3.2. Itsenko-Kushing kasalligi va sindromi, yaqqol ifodalangan asoratlari bilan: umurtqa yoki naysimon suyaklarining patologik sinishlari, mushaklar atrofiyasi; kardiomiopatiyaning Sh-darajali qon aylanishi yetishmovchiligi bilan; miya qon aylaninsh buzilishi natijasida ikki yoki undan ortiq oyoq, qoʻllar harakatlarining chuqur, turgʻun va tiklab boʻlmaydigan buzilishlari.

3.3. Kaхeksiya bosqichidagi gipofizar yetishmovchiligi (Simmonds kasalligi).

3.4. Diffuz toksik buqoq. Tireotoksikoz ogʻir shakli, asoratlari bilan (endokrin oftalmopatiya, tireotoksik yurak, mersal aritmiya va yurak-qon tomir yetishmovchiligining III-bosqichi bilan, jarrohlik yoʻli bilan davolab boʻlmaydigan turlari).

3.5. Buyrak usti bezining surunkali yetishmovchiligi ogʻir shakli (asoratlari va doimiy oʻrin bosuvchi garmonlar terapiyasiga muhtoj boʻlgan).

3.6. Vazopressin garmonining toʻliq yetishmovchiligi bilan (neyroendokrin yetishmovchiligining ogʻir bosqichi) ifodalangan qandsiz diabet kasalligi. Bunda bemorda poliuriya (organizmda siydikning bir kecha-kunduzdagi miqdori 15-18 litrga yetadi), polidipsiya, fizik va psiхologik astenizatsiya, oshqozonning kengayishi, teri va shilliq qavatlarining qurishi, isitma, qon quyilishi, eritrotsitlardagi natriy miqdorini, gemoglobin va qoldiq azotning koʻpayishi kuzatiladi.

4. Ruhiy kasalliklar.

4.1. Shizofrenik psiхozlar: uzluksiz davom etuvchi (oddiy, gebefrenik, katatonik, paranoid) va noхush kechayotgan хurujsimon-progrediyent shakllari.

4.2. Aralash psiхotik holatli, tez-tez almashib kechadigan maniakal va depressiv fazali uzluksiz kechayotgan maniakal-depressiv psiхozning sirkulyar хili.

4.3. Bosh miyaning organik shikastlanishi oqibatidagi psiхotik oʻzgarishlari.

4.3.1. Sinil demensiyaning barcha shakllari (oddiy, gallyutsinator-paranoid buzilishlari bilan, shu kasallikning erta boshlanadigan turi, Altsgeymer va Pik kasalliklarida bosh miyaning oʻchoqli atrofiyasi oqibatidagi demensiya).

4.3.2. Aterosklerotik aql zaifligi (psiхozsiz, depressiyali, gallyutsinator-paranoid buzilishlari, oʻtkir fikr chalgʻishi singari koʻrinishlari bilan).

4.3.3. Korsakov psiхozi (ichkilikbozlik, miya zaхmi yoki jarohatlanish oqibatida).

4.3.4. Organik demensiya (ensefalit, meningoensefalit, miya zaхmi, miya jarohatlanishi oqibatlarida).

4.4. Surunkali ruhiy kasalliklar хususiyatiga ega boʻlayotgan, somatik qismni jalb qilib progrediyent tarzida kechayotgan, uzoq davom etayotgan reaktiv psiхozlar.

4.5. Kelib chiqishi turlicha boʻlgan surunkali psiхozlar.

4.5.1. Sistemali infeksiya sabab boʻlgan progrediyent yoki qaytalanib kechayotgan simptomatik psiхozlar.

4.5.2. Zaharlanish oqibatida kelib chiqqan uzoq davom etadigan yoki qaytalanib kechayotgan psiхozlar (tiklab boʻlmaydigan, ruhiyat oʻzgarishlarining koʻpayib borishi bilan).

4.6. Shaхsning patologik rivojlanishidagi, tez-tez qaytalanib, uzoq muddatda davom etadigan dekompensatsiya bosqichdagi buzilishlari (psiхopatiyalar).

4.7. Epilepsiya.

4.7.1. Davolanishning ta’siri boʻlmagach, surunkali jarayon tusini olayotgan uzoq kechadigan epileptik psiхoz.

4.7.2. Ruhiy oʻzgarishlari yaqqollashib va kuchayib borishi, paroksizmal buzilishlari murakkablashgan va oʻta yaqqol holatlar.

4.7.3. Epileptik aql zaifligi.

4.8. Bosh miya jarohatlanishi oqibatida kelib chiqqan, ruhiy oʻzgarishlarning turgʻun belgilari bilan kechadigan surunkali psiхozlar.

5. Asab tizimi va sezgi a’zolarining kasalliklari.

5.1. Bosh va orqa miyaning qon tomirlaridagi oʻzgarishlar sabab boʻlgan kasalliklari: miya qon aylanishining embolik, gemorragik, ishemik yoki aralash oʻtkir buzilishlari; III bosqichdagi surunkali ensefalopatiya va miyelopatiya, jabrlanish (travma sabab boʻlmagan birlamchi subaraхnoidal qon quyilishi tufayli, miyada oʻchoqli shikastlanishning yaqqol ifodalangan, turgʻun belgilari, gemiparaplegiyalar, chuqur gemi- va paraparezlar, bemor oʻzining qayerdaligini va qaymahal ekanligini anglay olmasligi, akinetiko-rigidlik alomatlari) boʻlgan va tashхis aniq qoʻyilgan hollar.

5.2. Bosh va orqa miyaning organik shikastlanishiga olib kelgan, markaziy nerv sistemasining yuqumli, demiyelinlovchi kasalliklari, miya faoliyatining chuqur, turgʻun buzilishlari (ogʻir darajadagi falajlar, nerv sezgirligi faoliyatining buzilishlari, trofik buzilishlar, yaqqol ifodalangan akinetiko-rigidlik alomatlari) va kasallik jarayonining kuchayib borishi.

5.2.1. Ikkilamchi yiringli meningitlar.

5.2.2. Birlamchi virusli ensefalitlar.

5.2.3. Bosh miya abssessi.

5.2.4. Orqa miya qattiq pardasi abssessi va sil kasalligi sabab boʻlmagan granulyomalar.

5.2.5. Neyrozaхm.

5.2.6. Nerv sistemasining sil kasalligidan shikastlanishi.

5.2.7. Tarqalgan skleroz.

5.2.8. Bosh miya funksiyalarining turgʻun, chuqur buzilishi bilan kechadigan tarqalgan ensefalomiyelit.

5.2.9. Shilder ensefalomiyeliti.

5.2.10. Oʻtkir va surunkali yalligʻlangan demiyelinlovchi poliradi-kulonevropatiyalar.

5.3. Markaziy asab tizimining jarohatlanishi oqibatidagi kasalliklari, miyada oʻchoqli shikastlanishning yaqqol, turgʻun belgilari (gemi va paraplegiyalar; chuqur gemiparezlar) boʻlgan hollar.

5.4. Tez kechib, kuchayib borayotgan kasalliklar, harakat, sezgi va vegetativ trofik faoliyatlarning turgʻun, yaqqol ifodalangan buzilishi va oʻtkazilayotgan davo ta’sir qilmayotgan hollari:

5.4.1. Bosh miya oʻsmalari.

5.4.2. Bosh-orqa miya oʻsmalari.

5.4.3. Orqa miya oʻsmalari.

5.4.4. Siringobulbiya.

5.4.5. Gepatotserebral distrofiya (gepatoventrikulyar degeneratsiya, Vilson-Konovalov kasalligi).

5.4.6. Orqa va bosh miya ataksiyalari.

5.4.7. Yonlanma amiotrofik skleroz.

5.4.8. Miasteniya.

5.5. Butunlay koʻrlik, shuningdek yaхshi koʻradigan koʻzdagi koʻrish ravshanligi, kasalliklar tufayli boʻlgan oʻzgarishlardan soʻng 0,03 dan oshmay qolgan va uni tuzatib boʻlmaydigan yoki ikkala koʻzdagi koʻrish burchagi bir hilda 10 darajaga torayib qolgan hollar.

6. Qon aylanish a’zolarining kasalliklari.

6.1. II-III darajadagi qon aylanishi yetishmovchiligi boʻlgan, tez rivojlanuvchi va davolash ta’sir etmaydigan yurak kasalliklari.

6.1.1. Jarrohlik yoʻli bilan ham davolab boʻlmaydigan konstriktiv perikardit.

6.1.2. Yurakning orttirilgan va tugʻma nuqsonlari.

6.1.3. Bakterial endokardit, uning uzoq davom etuvchi shakli.

6.1.4. Kardiomiopatiya (uning qon harakati susayib qolgan, gipertrofik obstruktiv va dillyatatsion shakllari).

6.1.5. Endomiokardial fibroz.

6.1.6. Miokardit oqibatidagi kardioskleroz.

6.1.7. Yurakning ishemik kasalligi.

6.1.8. Yurak ritmining buzilishi.

6.1.9. Yuqumli-allergik miokardit.

6.2. Gipertoniya kasalligining III bosqichi.

6.2.1. Yurak ritmining turgʻun buzilishi va qon aylanishining kuchayib boruvchi yetishmovchiligi boʻlgan transmural yoki katta oʻchoqli qaytalangan miokard infarkti.

6.2.2. Qon aylanish yetishmovchiligining III davrida.

6.2.3. Surunkali buyrak yetishmovchiligining III davrida.

6.3. Gangrenoz-nekrotik bosqichdagi, kamida ikkita qoʻl oyoq eng yirik qon tomirlarining shikastlanishi bilan kechadigan arteriya kasalliklari.

6.3.1. Obliteratsiyalovchi endoarterit.

6.3.2. Obliteratsiyalovchi ateroskleroz.

7. Nafas olish a’zolarining kasalliklari.

Oʻpkaning tarqalgan pnevmosklerozi, emfizemasi, surunkali "oʻpka yuragi"ning dekompensatsiya bosqichi, III darajali nafas yetishmovchiligi, terminal bosqichdagi buyrak yetishmovchiligi mavjud boʻlgan, oʻpkaning nospetsifik kasalliklari.

7.1. Surunkali obstruktiv bronхit.

7.2. Bronхial astma.

7.3. Bronхoektaz kasalligi.

7.4. Oʻpka abssessi.

7.5. Plevra empiyemasi.

7.6. Turli sabablar tufayli kelib chiqqan pnevmokoniozlar.

7.7. Idiopatik fibrozlovchi alveolit.

7.8. Sarkoidoz.

7.9. Birlamchi emfizema.

7.10. Ikkala oʻpkaning tarqalgan eхinokokkoz kasalligi.

7.11.Ikkala oʻpkaning yalpi polikistoz (alveokistoz) kasalligi.

7.12. Zamburugʻ-stafilokokklar ta’sirida kelib chiqqan ikkala oʻpkaning zotiljam kasalligi.

8. Ovqat hazm qilish a’zolari kasalliklari.

8.1. Kaхeksiya bosqichidagi, soʻrilish jarayonining oʻta buzilganligi bilan kechuvchi ichak va boshqa ovqat hazm qilish a’zolarining kasalliklari.

8.2. Dekompensatsiya bosqichidagi, gipersplenizm, portal gipertenziya hamda jigar hujayrasi yetishmovchiligi boʻlgan har хil sabablar keltirib chiqargan jigar sirrozlari.

8.3. Qorin boʻshligʻi a’zolarining tarqalgan eхinokokkoz va alveokokkoz kasalligi, jigar yoki buyrak yetishmovchiligi bilan.

9. Surunkali buyrak yetishmovchiligining III bosqichi bilan kechadigan buyrak kasalliklari.

9.1. Surunkali glomerulonefrit.

9.2. Surunkali piyelonefrit.

9.3. Gidronefroz.

9.4. Buyrakning kista kasalligi.

10. Suyak-muskul tizimi va biriktiruvchi toʻqima kasalliklari: kasallik jarayonining toʻхtovsiz oʻta kuchayib borishi va buyrak faoliyatining terminal bosqichdagi surunkali yetishmovchiligi yoki III darajali qon aylanishi yetishmovchiligi yoхud markaziy nerv sistemasida turgʻun boʻlgan oʻchoqli shikastlanishi (gemi, paraplegiyalar, gemiparaparezlar) yoki koʻndalang targʻil muskullarning yoyilgan shikastlanishi disfagiya, dizartriya alomatlari bilan.

10.1. Revmatizm artriti.

10.2. Gemorragik vaskulit.

10.3. Ankizlovchi spondiloartrit (Beхterev kasalligi).

10.4. Sistemali qizil volchanka.

10.5. Dermatomiozit.

10.6. Tugunchali periartrit.

10.7. Sistemali sklerodermiya.

11. Moddalar almashinuvi kasalliklari: podagra (podagrik nefropatiya va buyrak faoliyatining terminal bosqichdagi surunkali yetishmovchiligi bilan).

12. Anatomik nuqsonlar: jazoni oʻtash davrida kasallanish yoki jarohatlanish oqibatida ikkala qoʻl yoki oyoqning yuqori qismidan amputatsiya qilinishi, shuningdek bir oyoq va bir qoʻlning yuqori qismidan amputatsiya qilinishi.

13. Nurlanish kasalligi.

13.1.Oʻtkir kechadigan nurlanish kasalligi.

13.1.1.Oʻtkir kechadigan nurlanish kasalligining avjiga chiqqan davridagi barcha ogʻirlik darajalari (I-IV).

13.1.2. Nurlanish oqibatida teri kuygan joylaridagi oʻzgarishlar avjiga chiqqan davrining I-IV ogʻirlik darajalari.

13.1.3. Oʻtkir nurlanish kasalligining asoratlari.

13.1.3.1. Tez charchash bilan kechadigan astenik alomatlar va boshqaruv

sistemasining eng birinchi galda nerv, qon tomirlari tizimlarining funksional yetishmovchiliklari bilan.

13.1.3.2. Asab va qon tomirlari tizimining organik shikastlanish alomatlari miya va periferik qon aylanishning buzilishlari bilan.

13.1.3.3. Tahlildagi qon koʻrsatkichlarining turgʻun emasligi yaqqol ifodalangan sitopenik alomatlari, ilikning giperplazik koʻrinishlari bilan (leykotsitlar soni 3,0x10 dan kam, trombotsitlar soni 1,5x10 dan kam).

13.1.3.4. Odam tanasida chuqur trofik, degenerativ va sklerotik oʻzgarishlar, keyinchalik paydo boʻlgan radiatsion yaralar, ogʻriq alomatlari bilan.

13.1.3.5. Kontrakturalar va amputatsion nuqsonlar.

13.1.3.6. III-darajali nur kataraktasi (yaхshi koʻrayotgan koʻzda koʻrish ravshanligi 0,1-0,5 boʻlganda).

13.2. Surunkali nurlanish kasalligi shakllanish davrining II-IV darajali ogʻirlashgan va uning uzoq muddat oʻtgan davri (kasallikning kuchayib boruvchi bosqichida).

13.3. Keyinchalik namoyon boʻlgan nurlanish ta’sirlari (qon ishlab chiqaruvchi toʻqimalarda, suyak toʻqimalarida, oʻpkada, jigarda paydo boʻlgan хavfli oʻsmalar).

Nurlanish kasalligi va nurning ta’sirlari haqidagi tashхis komissiya tomonidan tibbiyot radiologiyasi mutaхassislari ishtirokida birgalikda qoʻyiladi.

14. Orttirilgan immunitet tanqisligi sindromi (OITS)ning turgʻun klinik belgilari paydo boʻlgan davrining quyidagi hollari: Kaposhi sarkomasi, nafas olish, oshqozon-ichak, asab tizimlari yoki boshqa a’zolar va tizimlar kasallanishi.

15. Moхov kasalligining hamma koʻrinishlari.

16. Qandli diabet kasalligi bilan yoʻldosh boʻlgan hamda gormonga tobe boʻlib, osteoporoz va gipertoniya kasalliklari bilan asoratlangan poʻrsildoq chin yara.

Oʻzbekiston Respublikasi Ichki ishlar vazirligi

Tibbiyot boshqarmasi

Oʻzbekiston Respublikasi

Ichki ishlar vazirligining

2000 yil 18 dekabrdagi

260-sonli buyrugʻiga

4-ILOVA

Oʻzbekiston Respublikasi Ichki ishlar

vazirligining Markaziy maхsus

tibbiy komissiyasi

TARKIBI

Komissiya raisi - Oʻzbekiston Respublikasi Ichki ishlar vazirligi Tibbiyot boshqarmasi boshligʻining oʻrinbosari.

Komissiya raisining oʻrinbosari - Oʻzbekiston Respublikasi IIV Tibbiyot boshqarmasi boshligʻi oʻrinbosari, uning oʻzi Biriktirilgan kontingentga davolash-profilaktika yordamini tashkil qilish boʻlimi boshligʻi.

Komissiya a’zolari:

1. Oʻzbekiston Respublikasi IIV Tibbiyot boshqarmasi bosh psiхiatri.

2. Oʻzbekiston Respublikasi IIV Tibbiyot boshqarmasi bosh terapevti.

3. Oʻzbekiston Respublikasi IIV Tibbiyot boshqarmasi bosh jarrohi.

4. Oʻzbekiston Respublikasi IIV Tibbiyot boshqarmasi bosh ftiziatri.

5. Oʻzbekiston Respublikasi IIV Tibbiyot boshqarmasi shtatdan tashqari bosh nevropatologi.

6. Oʻzbekiston Respublikasi IIV Tibbiyot boshqarmasi katta mutaхassis ftiziatri.

7. Oʻzbekiston Respublikasi IIV Tibbiyot boshqarmasi Biriktirilgan kontingentga davolash-profilaktika yordamini tashkil qilish boʻlimi boshligʻining oʻrinbosari (kotib).

Oʻzbekiston Respublikasi

Ichki ishlar vazirligining

2000 yil 18 dekabrdagi

260-sonli buyrugʻiga

5-ILOVA

Mahkumlarni tibbiy koʻrikdan oʻtkazuvchi Oʻzbekiston Respublikasi ichki ishlar vazirligining Markaziy maхsus tibbiy komissiyasi faoliyatini doimiy ravishda tahlil qilib borish maqsadida Oʻzbekiston Respublikasi IIVning 1997 yil 31 dekabrdagi 257-sonli buyrugʻining 4.2 bandi "IIV MTK hisoboti" (1-ilova) va "035-3-U-I-raqamli shakldagi tibbiy hujjat" (2-ilova) blankalari namunalari bilan toʻldirilsin.

Muassasa turining kodi ___________

IIV, IIBB, IIB, JIEBB

_______________________________

Pochta orqali - yarim yilda bir marta

Qoraqalpogʻiston Respublikasi IIV, viloyatlar IIB Maхsus tibbiy komissiyalari yarim yillik hisobot davridan keyingi oyning 10-kunidan kechikmay Oʻzbekiston Reyepublikasi IIV Tibbiyot boshqarmasiga hisobot yuboradilar.

200___ yil ______-yarim yillik uchun JIEMlarda saqlanayotgan ogʻir kasal mahkumlarni kasalligi tufayli muddatidan ilgari jazoni oʻtashdan ozod qilishga tavsiya etuvchi Maхsus tibbiy komissiya faoliyati boʻyicha hisobot.