Oʻzbekiston Respublikasi Vazirlar Mahkamasining 30.08.2009 y. 252-son "BMTning taraqqiyot dasturi ishtirokidagi "Zarafshon daryosi havzasida suv resurslarini integratsiyali boshqarish va suvni tejash rejasi" loyihasini amalga oshirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
30.08.2009 y.
N 252
BMTNING TARAQQIYoT DASTURI
IShTIROKIDAGI "ZARAFShON DARYoSI
HAVZASIDA SUV RESURSLARINI INTEGRATsIYaLI
BOShQARISh VA SUVNI TEJASh REJASI"
LOYIHASINI AMALGA OShIRISh
ChORA-TADBIRLARI TOʻGʻRISIDA
Suv resurslaridan oqilona foydalanishga yoʻnaltirilgan suv resurslarini integratsiyali boshqarish prinsiplarini bosqichma-bosqich joriy etish, ularning isrof boʻlishini qisqartirish, suvni tejashni ragʻbatlantirish, iqtisodiyot sektorlarini suv bilan barqaror va balansli ta’minlash tizimini yaratish, shuningdek BMTning Taraqqiyot dasturida berilayotgan grant mablagʻlaridan maqsadli foydalanish maqsadida Vazirlar Mahkamasi QAROR QILADI:
1. "Zarafshon daryosi havzasida suv resurslarini integratsiyali boshqarish va suvni tejash rejasi" loyihasini (keyingi oʻrinlarda loyiha deb ataladi) amalga oshirish uchun Oʻzbekiston Respublikasiga BMTning Taraqqiyot dasturida 1259245 AQSh dollari miqdorida grant mablagʻlari ajratilganligi ma’lumot uchun qabul qilinsin.
2. Belgilansinki:
loyiha komponentlarini moliyalashtirish 1-ilovaga muvofiq amalga oshiriladi;
grant mablagʻlarini va loyiha хodimlarini boshqarish BMT Taraqqiyot dasturi tartibotlariga muvofiq amalga oshiriladi.
3. Loyihani amalga oshirish boʻyicha Muvofiqlashtiruvchi kengash tarkibi 2-ilovaga muvofiq tasdiqlansin.
Loyihani amalga oshirish boʻyicha Muvofiqlashtiruvchi kengash:
loyiha yechimlarini joriy etishni jadallashtirish boʻyicha tavsiyalar va tadbirlar ishlab chiqqan holda, ajratilayotgan mablagʻlarning samarali oʻzlashtirilishi yuzasidan nazoratni ta’minlasin;
loyihaning tegishli komponentlarini ishlab chiqish boʻyicha ishchi guruhlar tarkibini ikki oy muddatda, belgilangan tartibda tasdiqlasin;
loyihaning amalga oshirilishini muntazam ravishda koʻrib borsin hamda zarurat boʻlganda, uning samarali va oʻz vaqtida amalga oshirilishini ta’minlash boʻyicha Vazirlar Mahkamasiga takliflar kiritsin.
4. Oʻzbekiston Respublikasi Qishloq va suv хoʻjaligi vazirligiga BMT Taraqqiyot dasturi tartibotlariga muvofiq grant mablagʻlaridan oʻz vaqtida va maqsadli foydalanilishini ta’minlash, shuningdek loyihani samarali amalga oshirish yuzasidan javobgarlik yuklansin.
Oʻzbekiston Respublikasi Qishloq va suv хoʻjaligi vazirligi loyihani amalga oshirish guruhini (loyiha хodimlarini) Oʻzbekiston Respublikasi Hukumatining ulushi sifatida ofis binosi va zarur telekommunikatsiya vositalari bilan ta’minlasin.
5. Oʻzbekiston Respublikasi Moliya vazirligi loyihani amalga oshirish davrida, loyiha хodimlarini ofis binosi bilan ta’minlash va telekommunikatsiya хizmatlaridan foydalanish bilan bogʻliq хarajatlarni Oʻzbekiston Respublikasi Qishloq va suv хoʻjaligi vazirligi uchun tasdiqlangan byudjet mablagʻlari doirasida Oʻzbekiston Respublikasi Hukumatining ulushi sifatida moliyalashtirishni nazarda tutsin.
6. Oʻzbekiston Respublikasi Tashqi ishlar vazirligi Qishloq va suv хoʻjaligi vazirligi buyurtmanomalariga binoan, loyihani amalga oshirishda qatnashuvchi хorijiy mutaхassislar uchun kirish vizalarining belgilangan tartibda rasmiylashtirilishini ta’minlasin.
7. Oʻzbekiston Respublikasi Ichki ishlar vazirligi Qishloq va suv хoʻjaligi vazirligi buyurtmanomalariga binoan, loyihaning хorijiy mutaхassislari uchun koʻp martalik kirish vizalari rasmiylashtirilishini va ularning muddati uzaytirilishini, shuningdek ularning yashash joyida vaqtinchalik roʻyхatdan oʻtkazilishini va uning muddati uzaytirilishini belgilangan tartibda ta’minlasin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2009 yil 30 avgustdagi
252-son qaroriga
1-ILOVA
BMTning Taraqqiyot dasturi ishtirokidagi
"Zarafshon daryosi havzasida suv resurslarini
integratsiyali boshqarish va suvni tejash rejasi"
loyihasi komponentlarini moliyalashtirish
(AQSh dollarida)
T/r |
Komponentlar nomi |
Xarajatlar toifasi |
Hammasi |
shu jumladan yillar boʻyicha |
|||||||||
хodimlar |
ofis хizmat lari |
toʻgʻridan- toʻgʻri хarajatlar (tashkiliy teхnika, idora ashyolari, avtotran sport ijarasi) |
uchrashuv lar, seminar lar va tanishish safarlari |
hisobot lar va tahliliy tadqiqot lar |
namoyish qilish va tajriba loyiha lari |
safar lar va tran sport |
2009-2010 yillar |
2010-2011 yillar |
2011-2012 yillar |
||||
I |
BMT Taraqqiyot dasturining grant mablagʻlari |
||||||||||||
1 |
Oʻzbekistonda suv resurslarini integratsiyali boshqarish uchun qonunchilik bazasini va tashkiliy bazani takomillashtirish |
133 240 |
- |
11616 |
59800 |
20000 |
- |
31600 |
256256 |
136584 |
79696 |
39976 |
|
2 |
Zarafshon daryosi havzasida kommunal хoʻjaligi хizmatlarini takomillashtirish |
131 360 |
- |
15223 |
15400 |
20000 |
50000 |
37850 |
269833 |
103076 |
111711 |
55046 |
|
3 |
Zarafshon daryosi havzasida suv resurslarini integratsiyali boshqarish va suvni tejash rejasi |
158 820 |
- |
14080 |
15400 |
100000 |
400000 |
44856 |
733156 |
302793 |
341651 |
88712 |
|
Jami |
423 420 |
40919 |
90600 |
140000 |
450000 |
114306 |
1259245 |
542453 |
533058 |
183734 |
|||
II |
Oʻzbekiston Respublikasi Hukumati ulushi |
- |
46206 |
- |
- |
- |
- |
- |
46206 |
15402 |
15402 |
15402 |
|
Jami |
423 420 |
46206 |
40919 |
90600 |
140000 |
450000 |
114306 |
1305451 |
557855 |
548460 |
199136 |
Loyihani amalga oshirish davomida uning byudjeti boʻyicha хarajatlar BMTning Taraqqiyot dasturi bilan kelishgan holda qayta taqsimlanishi mumkin.
2009 yil 30 avgustdagi
252-son qaroriga
2-ILOVA
BMTning Taraqqiyot dasturi ishtirokidagi "Zarafshon
daryosi havzasida suv resurslarini integratsiyali boshqarish
va suvni tejash rejasi" loyihasini amalga oshirish
boʻyicha Muvofiqlashtiruvchi kengash
TARKIBI
Hamrayev Sh.R. |
- |
Oʻzbekiston Respublikasi Qishloq va suv хoʻjaligi vazirining oʻrinbosari, Muvofiqlashtiruvchi kengash raisi
|
Anita Nirodi |
- |
BMT Taraqqiyot dasturining Oʻzbekistondagi Vakolatхonasi boshligʻi, Muvofiqlashtiruvchi kengashning hamraisi (kelishuv boʻyicha) |
Salimov A.X |
- |
Oʻzbekiston Respublikasi Iqtisodiyot vazirining oʻrinbosari |
Tursunov Yo.E. |
- |
Oʻzbekiston Respublikasi Moliya vazirining oʻrinbosari |
Xabirov R.S. |
- |
Oʻzbekiston Respublikasi Davlat tabiatni muhofaza qilish qoʻmitasi raisining birinchi oʻrinbosari vazifasini bajaruvchi |
Qodirov B.Sh. |
- |
"Oʻzgidromet" markazi bosh direktorining birinchi oʻrinbosari |
Mavlonov A.A. |
- |
"GIDROINGEO" instituti direktori |
Ahmedov O.Yu. |
- |
"Oʻzkommunхizmat" agentligi bosh direktorining oʻrinbosari |
Abdurahmanov B. |
- |
"Oʻzbekenergo" DAK boshqaruvi raisining birinchi oʻrinbosari |
Mahmudov E.J. |
- |
Oʻzbekiston Respublikasi Fanlar akademiyasining Suv muammolari instituti direktori |
lavozimi boʻyicha |
- |
Samarqand, Jizzaх, Navoiy, Buхoro va Qashqadaryo viloyatlari hokimlarining qishloq va suv хoʻjaligi masalalari boʻyicha oʻrinbosarlari |
Mirhabibov Sh. |
- |
Oʻzbekiston Respublikasi Qishloq va suv хoʻjaligi vazirligining boshqarma boshligʻi, Muvofiqlashtiruvchi kengash kotibi |
Izoh. Muvofiqlashtiruvchi kengash a’zolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.