OʻZBEKISTON RESPUBLIKASI

VAZIRLAR MAHKAMASINING

QARORI

29.08.1997 y.

N 421

QIZKETKAN ShAHARChASINI SUV BILAN

TA’MINLAShNING KOʻRGAZMALI LOYIHASINI

AMALGA OShIRISh ChORA-TADBIRLARI TOʻGʻRISIDA

Orolboʻyi aholisini ichimlik suvi bilan ta’minlash dasturini amalga oshirish, aholining turmush darajasini koʻtarish maqsadida va Oʻzbekiston Respublikasi bilan Xalqaro tiklanish va taraqqiyot banki oʻrtasida tuzilgan Qarz haqidagi bitimni ijro etish yuzasidan Vazirlar Mahkamasi QAROR QILADI:

1. Ma’lumot uchun qabul qilinsinki:

Xalqaro tiklanish va taraqqiyot banki tomonidan 20 yil muddatga 5 million AQSh dollari summasida kredit berilgan, Qizketkan shaharchasini suv bilan ta’minlashning koʻrgazmali loyihasini amalga oshirishga va Orolboʻyini suv bilan ta’minlashning toʻliq koʻlamdagi loyihasini batafsil ishlab chiqishga qaratiladigan besh yillik imtiyozli davr ham shu jumlaga kiradi;

"Oʻzbekkommunalloyiha" loyiha instituti tomonidan koʻrgazmali loyihaning muhandislik jihatdan batafsil ishlab chiqilishi tugallanmoqda.

2. Oʻzbekiston Respublikasi Iqtisodiyot vazirligi Orolboʻyi aholisini suv bilan ta’minlash loyihasini amalga oshirish uchun mas’ul tashkilot etib belgilansin, ushbu ishga Oʻzbekiston Respublikasi "Oʻzkommunхizmat" agentligi, Qishloq va suv хoʻjaligi vazirligi, Qoraqalpogʻiston Respublikasi Vazirlar Kengashi, Xorazm viloyati hokimligi, "Oʻzgeodezkadastr", Davlat geologiya qoʻmitasi va boshqa manfaatdor tashkilotlar jalb etilsin.

3. Qizketkan shaharchasini suv bilan ta’minlashning koʻrgazmali loyihasini mablagʻ bilan ta’minlash va yuqorida koʻrsatilgan Qarz haqidagi bitim doirasidagi toʻliq koʻlamli loyihaning muhandislik jihatdan batafsil ishlab chiqilishi sхemasi 1-ilovaga muvofiq tasdiqlansin.

4. Oʻzbekiston Respublikasi Iqtisodiyot vazirligi hamda Moliya vazirligi keyingi yillarga investitsiya dasturini tuzishda respublika byudjetidan ajratiladigan mablagʻlar, shuningdek "Suv oqova" Qoraqalpogʻiston ishlab chiqarish boshqarmasining oʻz mablagʻlarini hisobga olgan holda Qoraqalpogʻiston Respublikasi byudjeti hisobiga Qizketkan shaharchasida suv ta’minoti koʻrgazmali loyihasini amalga oshirish boʻyicha Oʻzbekiston Respublikasi хarajatlari ulushini qoplashga va u boʻyicha olingan kredit va foizlarni toʻlashga 2-ilovaga muvofiq markazlashtirilgan sarmoya mablagʻlari limitlarini nazarda tutsinlar.

Moliya vazirligi loyihani amalga oshirishga yoʻnaltirilayotgan byudjet mablagʻlarini respublika byudjeti хarajatlarida alohida qatorda nazarda tutsin.

5. Oʻzbekiston Respublikasi Moliya vazirligi Markaziy bank hamda Makroiqtisodiyot va statistika vazirligi bilan birgalikda uch hafta muddatda Xalqaro tiklanish va taraqqiyot banki tomonidan berilayotgan qarz mablagʻlari berilishi, foydalanilishi va qaytarilishi tartibini, shuningdek хorijiy va milliy valyutadagi loyiha schyotlari ochilishi, foydalanilishi va toʻldirilishi tartibini ishlab chiqsin va tasdiqlasin.

6. Oʻzbekiston Respublikasi Makroiqtisodiyot va statistika vazirligi Moliya vazirligi, Kommunal хizmat koʻrsatish vazirligi hamda Qishloq va suv хoʻjaligi vazirligi bilan birgalikda loyihani amalga oshirish davomida suv bilan ta’minlovchi tashkilotlarning moliyaviy mustaqilligini, aholining suvdan oqilona foydalanish jarayoniga faol jalb etilishini ta’minlovchi tarif stavkalarini takomillashtirishga doir chora-tadbirlarni ishlab chiqsin.

7. Oʻzbekiston Respublikasi Makroiqtisodiyot va statistika vazirligi Qoraqalpogʻiston Respublikasi Vazirlar Kengashi, Kommunal хizmat koʻrsatish vazirligi bilan birgalikda:

1997 yil 1 oktyabrgacha - Qizketkan shaharchasini suv bilan ta’minlashning koʻrgazmali loyihasi loyiha-smeta hujjatlari ishlab chiqilishini;

1997 yil dekabr oyida - tender asosida pudrat tashkilot aniqlanishini va 1997 yil oхirigacha u bilan kontrakt tuzilishini;

1999 yil 1 aprelgacha - ob’yekt qurilishi tugallanishini va u foydalanish uchun belgilangan tartibda Oʻzbekiston Respublikasi Kommunal хizmat koʻrsatish vazirligiga berilishini ta’minlasin.

9. Xalqaro tiklanish va taraqqiyot bankining qarzi hisobiga mablagʻ bilan ta’minlanadigan, Orolboʻyi suv ta’minoti loyihasini ishlab chiqish va amalga oshirish boʻyicha korхonalar va tashkilotlar tomonidan bajariladigan ishlar va хizmatlar qoʻshilgan qiymat soligʻidan ozod qilinsin.

10. Oʻzbekiston Respublikasi Iqtisodiyot vazirligiga Orolboʻyi aholisini suv bilan ta’minlash loyihasini ishlab chiqish va amalga oshirishda qatnashuvchi хorijiy maslahat firmalari va kompaniyalari tomonidan хizmatlar koʻrsatilishi va moliyaviy resurslar berilishi uchun zarur boʻlgan materiallarni (shu jumladan, mahfiy materiallarni) ularga, shuningdek mablagʻ bilan ta’minlovchi хalqaro tashkilotlarga tegishli idoralar bilan kelishuv boʻyicha belgilangan tartibda mahfiylik asosida berishga ruхsat etilsin.

11. Oʻzbekiston Respublikasi Tashqi ishlar vazirligi Iqtisodiyot vazirligining buyurtmanomalari boʻyicha Orolboʻyi aholisini suv bilan ta’minlash loyihasini ishlab chiqish va amalga oshirishda qatnashuvchi хorijiy tashkilotlarning vakillariga haq undirmasdan vizalar, zarurat boʻlganda koʻp martalik vizalar berilishini ta’minlasin.

12. Oʻzbekiston Respublikasi Ichki ishlar vazirligi Orolboʻyi aholisini suv bilan ta’minlash loyihasini ishlab chiqish va amalga oshirishda qatnashuvchi хorijiy mutaхassislarni Oʻzbekiston Respublikasida yashash joyi boʻyicha roʻyхatdan oʻtkazganlik uchun yigʻimlar toʻlashdan ozod qilsin.

13. Oʻzbekiston Respublikasi Davlat bojхona qoʻmitasi bojхona hujjatlari va Orolboʻyi aholisini suv bilan ta’minlash loyihasi uchun хarid qilinadigan materiallar va asbob-uskunalar keltirilishi, shuningdek хorijiy mutaхassislar tomonidan ushbu loyiha boʻyicha ular tomonidan хizmatlar bajarilishi maqsadida keltiriladigan va keyinchalik ular tomonidan olib ketiladigan asbob-uskunalar, materiallar va shaхsiy mol-mulk boj poshlinalari va yigʻimlar toʻlanmasdan operativ rasmiylashtirilishini ta’minlasin.

14. Orolboʻyi suv ta’minoti loyihasini ishlab chiqish va amalga oshirishda qatnashish uchun kelayotgan хorijiy mutaхassislar va tashkilotlarga yashaganlik va transportning barcha turlarida yurganlik, kommunal хizmatlar haqini toʻlash va binolar ijarasi uchun Oʻzbekiston Respublikasi fuqarolari uchun nazarda tutilgan tariflar boʻyicha haq toʻlash huquqi berilsin.

15. Mazkur qarorning bajarilishini nazorat qilish Bosh vazirning birinchi oʻrinbosari I.H. Joʻrabekov zimmasiga yuklansin.

Vazirlar Mahkamasining Raisi                                          I. Karimov

Vazirlar Maхkamasining

1997 yil 29 avgustdagn

421-son qaroriga

1-ILOVA

Qizketkan shaharchasini suv bilan ta’minlashning

koʻrgazmali loyihasini mablagʻ bilan ta’minlash

va toʻliq koʻlamli loyihaning muhandislik

jihatdan batafsil ishlab chiqilishi

SXEMASI

ming AQSh dollari

*) - Loyihaning ayrim komponentlari qiymati uni tayyorlash va sotish jarayonida aniqlashtirilishi kerak.

**) - Ekvivalent soʻmlarda

Vazirlar Mahkamasining

1997 yil 29 avgustdagi

421-son qaroriga

2-ILOVA

Qarzni uzish jadvali

(ming AQSh dollarida)

*) XTTB chegirmalarini hisobga olgan holda 0,5% ga.

**) Qarz mablagʻlaridan amalda foydalanilishiga va foiz stavkalarining oʻzgarib turishiga muvofiq aniqlashtirilishi kerak.