Adliya vazirligining 3-son, Davlat statistika qoʻmitasining 1-mb-son "Yuridik shaхslarning nomiga davlatning rasmiy nomini, shuningdek undan hosila soʻzlarni qoʻshish tartibi toʻgʻrisidagi yoʻriqnomaning 2-bandiga oʻzgartirish kiritish haqida"gi 01.02.2016 y. Qarori (AV tomonidan 03.02.2016 y. 2633-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
03.02.2016 y.
N 2633-1
OʻZBEKISTON RESPUBLIKASI ADLIYa VAZIRLIGINING 01.02.2016 y. N 3 |
OʻZBEKISTON RESPUBLIKASI DAVLAT STATISTIKA QOʻMITASINING 01.02.2016 y. N 1-mb |
QARORI
Yuridik shaхslarning nomiga davlatning rasmiy
nomini, shuningdek undan hosila soʻzlarni qoʻshish
tartibi toʻgʻrisidagi yoʻriqnomaning 2-bandiga
oʻzgartirish kiritish haqida
Oʻzbekiston Respublikasi Prezidentining 2015 yil 28 sentyabrdagi PQ-2412-sonli "Tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish tartibini yanada takomillashtirish chora-tadbirlari toʻgʻrisida"gi qarori hamda Oʻzbekiston Respublikasi Vazirlar Mahkamasining 2015 yil 14 dekabrdagi 358-sonli "Oʻzbekiston Respublikasi Prezidentining "Tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish tartibini yanada takomillashtirish chora-tadbirlari toʻgʻrisida" 2015 yil 28 sentyabrdagi PQ-2412-son qarorini amalga oshirish chora-tadbirlari haqida"gi qaroriga muvofiq, Oʻzbekiston Respublikasi Adliya vazirligi va Davlat statistika qoʻmitasi QAROR QILADI:
1. Oʻzbekiston Respublikasi Adliya vazirligi va Davlat statistika qoʻmitasining 2014 yil 9 dekabrdagi 6 va 5-mb-son qarori (roʻyхat raqami 2633, 2014 yil 10 dekabr) (Oʻzbekiston Respublikasi qonun hujjatlari toʻplami, 2014 y., 50-son, 601-modda) bilan tasdiqlangan Yuridik shaхslarning nomiga davlatning rasmiy nomini, shuningdek undan hosila soʻzlarni qoʻshish tartibi toʻgʻrisidagi yoʻriqnomaning 2-bandidagi "shahar va tuman hokimliklari huzuridagi tadbirkorlik sub’yektlarini roʻyхatdan oʻtkazish inspeksiyalari" degan soʻzlar "tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish yagona markazlari" degan soʻzlar bilan almashtirilsin.
2. Mazkur qaror Oʻzbekiston Respublikasi Markaziy banki, Xususiylashtirish, monopoliyadan chiqarish va raqobatni rivojlantirish davlat qoʻmitasi hamda Savdo-sanoat palatasi bilan kelishilgan.
3. Mazkur qaror rasmiy e’lon qilingan kundan e’tiboran kuchga kiradi.
Adliya vaziri
|
M. Ikramov |
Davlat statistika qoʻmitasi raisi |
B. Toʻrayev |
"Oʻzbekiston Respublikasi qonun hujjatlari toʻplami",
2016 yil 8 fevral, 5-son, 48-modda