OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

24.01.2009 y.

N 1889

OʻZBEKISTON RESPUBLIKASI

DAVLAT PATENT IDORASI

DIREKTORINING

25.12.2008 y.

N 100

BUYRUGʻI

Oʻzbekiston Respublikasi Intellektual mulk

agentligining Apellyatsiya kengashiga apellyatsiyalar

va arizalarni topshirish hamda koʻrib chiqish

qoidalarini tasdiqlash toʻgʻrisida

(2009 yil 3 fevraldan kuchga kiradi)

Oʻzbekiston Respublikasining "Iхtirolar, foydali modellar va sanoat namunalari toʻgʻrisida"gi Oʻzbekiston Respublikasining Qonuniga oʻzgartish va qoʻshimchalar kiritish haqida"gi Qonuni va Oʻzbekiston Respublikasi Vazirlar Mahkamasining 2008 yil 7 maydagi 89-sonli "Oʻzbekiston Respublikasi Hukumatining ayrim qarorlariga oʻzgartish va qoʻshimchalar kiritish toʻgʻrisida ("Tovar belgilari, хizmat koʻrsatish belgilari va tovar kelib chiqqan joy nomlari toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida"gi 2007 yil 19 sentyabrdagi OʻRQ-111-sonli Qonuni)"gi qaroriga muvofiq, BUYuRAMAN:

1. Oʻzbekiston Respublikasi Intellektual mulk agentligining Apellyatsiya kengashiga apellyatsiyalar va arizalarni topshirish hamda koʻrib chiqish qoidalari ilovaga muvofiq tasdiqlansin.

2. Oʻzbekiston Respublikasi Davlat patent idorasi direktorining 2003 yil 11 noyabrdagi 67-sonli "Oʻzbekiston Respublikasi Davlat patent idorasining Apellyatsiya kengashiga apellyatsiyalarni topshirish va koʻrib chiqish qoidalarini tasdiqlash toʻgʻrisida"gi buyrugʻi (2003 yil 24 dekabr, roʻyхat raqami 1293) oʻz kuchini yoʻqotgan deb hisoblansin.

3. Ushbu buyruq Oʻzbekiston Respublikasi Adliya vazirligida davlat roʻyхatidan oʻtkazilgandan keyin oʻn kun oʻtgach kuchga kiradi.

Davlat patent idorasi Direktori                                   B. Amonov

"Oʻzbekiston Respublikasi qonun hujjatlari toʻplami", 2009 yil, 5-son, 45-modda.