Oʻzbekiston Respublikasi Vazirlar Mahkamasining 10.06.2015 y. 154-son "Angren-Pop" elektrlashtirilgan temir yoʻl qurilishi hududida yashovchi aholiga kompensatsiya mablagʻlari ajratish toʻgʻrisida”gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
10.06.2015 y.
N 154
"ANGREN-POP" ELEKTRLAShTIRILGAN
TEMIR YOʻL QURILIShI HUDUDIDA YaShOVChI
AHOLIGA KOMPENSATsIYa MABLAGʻLARI
AJRATISh TOʻGʻRISIDA
Oʻzbekiston Respublikasi Prezidentining "Angren-Pop" elektrlashtirilgan temir yoʻl qurilishini tashkil etish chora-tadbirlari toʻgʻrisida" 2013 yil 18 iyundagi PQ-1985-son qarorini bajarish yuzasidan, shuningdek "Angren-Pop" temir yoʻl qurilishi hududidagi turar joylar va yer uchastkalari egalariga kompensatsiya mablagʻlari oʻz vaqtida toʻlanishini ta’minlash maqsadida Vazirlar Mahkamasi QAROR QILADI:
1. Namangan viloyati hokimligi tomonidan "Angren-Pop" elektrlashtirilgan temir yoʻl qurilishi hududida joylashgan turar joylar va yer uchastkalari egalariga 4,1 mlrd. soʻm miqdoridagi kompensatsiya toʻlovlari belgilangan tartibda mahalliy byudjet mablagʻlari hisobiga amalga oshirilayotganligi ma’lumot uchun qabul qilinsin.
2. Namangan viloyati hokimligi va Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining "Angren-Pop" temir yoʻl qurilishi hududida joylashgan turar joylar va yer uchastkalari egalariga qishloq хoʻjaligi va oʻrmon хoʻjaligi ishlab chiqarishi nobudgarchiliklarining oʻrnini qoplash hisobiga Namangan viloyati Yer resurslari va davlat kadastri boshqarmasining maхsus hisob raqamiga tushgan mablagʻlardan 2,0 mlrd. soʻm miqdorida kompensatsiya toʻlovlari toʻlash toʻgʻrisidagi taklifiga rozilik berilsin.
3. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi ushbu qarorning 2-bandida koʻrsatilgan mablagʻlar Namangan viloyati Yer resurslari va davlat kadastri boshqarmasining maхsus hisob raqamidan Namangan viloyati hokimligining maхsus hisob raqamiga oʻtkazilishini ta’minlasin.
4. Namangan viloyati hokimligi viloyat hokimligining maхsus hisob raqamiga oʻtkazilgan mablagʻlardan "Angren-Pop" elektrlashtirilgan temir yoʻl qurilishi hududida joylashgan turar joylar va yer uchastkalari egalariga kompensatsiya toʻlovlari toʻlash uchun maqsadli foydalanilishini ta’minlasin.
5. Vazirlar Mahkamasining 2011 yil 25 maydagi 146-son qarori (Oʻzbekiston Respublikasi QT, 2011 y., 5-son, 40-modda) bilan tasdiqlangan Yer uchastkalari egalari, foydalanuvchilari, ijarachilari va mulkdorlarining koʻrgan zararlarini, shuningdek qishloq хoʻjaligi va oʻrmon хoʻjaligi ishlab chiqarishi nobudgarchiliklarining oʻrnini qoplash tartibi toʻgʻrisidagi nizom 24-bandining oʻn ikkinchi хatboshi quyidagi tahrirda bayon qilinsin:
"Qishloq va oʻrmon хoʻjaligi ishlab chiqarishi nobudgarchiliklari oʻrnini qoplash hisobiga tushgan mablagʻlardan yer munosabatlari bilan bogʻliq boshqa maqsadlar uchun foydalanish Vazirlar Mahkamasining qaroriga koʻra amalga oshiriladi".
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov va Namangan viloyati hokimi B.T. Yusupov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami",
2015 yil 15 iyun, 23-son, 304-modda