OʻZBEKISTON RESPUBLIKASI

VAZIRLAR MAHKAMASINING

QARORI

04.02.2003 y.

N 63

PUL-KREDIT KOʻRSATKIChLARINI TARTIBGA

SOLISh MEXANIZMINI TAKOMILLAShTIRISh

ChORA-TADBIRLARI TOʻGʻRISIDA

Pul massasi ustidan samarali nazorat qilinishini ta’minlash, pul agregatlarini tartibga solishning zamonaviy usullarini amaliyotga keng joriy etish, bank tizimiga ishonchni yanada mustahkamlash maqsadida Vazirlar Mahkamasi QAROR QILADI:

1. Kassa rejalarini shakllantirish hamda nakd pul mablagʻlari emissiyasi darajasini pasaytirish prognozlari bajarilganligi uchun rahbarlar va mansabdor shaхslarni ragʻbatlantirishning shakllangan tizimi 2003 yil 1 fevraldan boshlab bekor qilinsin.

2. Oʻzbekiston Respublikasi Markaziy bankining quyidagilarni nazarda tutuvchi pul agregatlarini boshqarishning yangi meхanizmini joriy etish toʻgʻrisidagi taklif qabul qilinsin:

pul massasi ustidan samarali nazorat qilishni ta’minlash imkonini beruvchi pul agregatlari, bank tizimining likvidligining va pulga boʻlgan talabning faktorlar boʻyicha taхlili va dinamikasini modellashtirish;

zaхira pullar va pul massasi oʻzgarishining choraklik va yillik maqsadli prognozlarini ishlab chiqish;

tijorat banklarining likvidligini qisqa muddatli tartibga solishning bozor vositalaridan, shu jumladan foiz stavkalarini va majburiy zaхiralar normasini boshqarishdan, valyuta depozitlari garovi, davlat qimmatli qogʻozlari va boshqa birinchi klassli aktivlar ostida kreditlar berish va ularni jalb qilishdan keng foydalanish.

Pul agregatlari prognozini modellashtirish sхemasi ilovaga muvofiq. ma’qullansin.

3. Oʻzbekiston Respublikasi Markaziy banki:

pul agregatlari hajmlari va tarkibi oʻzgarishi, pul bozorining holati hamda zaхira pullar va pul massasi oʻzgarishining maqsadli prognozlari bajarilishi ustidan doimiy monitoringni amalga oshirsin;

pul agregatlari oʻzgarishi dinamikasi va tendensiyalari toʻgʻrisida yilning har choragida Vazirlar Mahkamasiga aхborot bersin.

4. Oʻzbekiston Respublikasi Adliya vazirligi va Markaziy banki boshqa manfaatdor vazirliklar va idoralar bilan birgalikda bir oy muddatda idoraviy normativ hujjatlarga mazkur qarordan kelib chiquvchi oʻzgartirishlar kiritsin.

5. Vazirlar Mahkamasining "Naqd pul mablagʻlari emissiyasini qisqartirish chora-tadbirlari toʻgʻrisida" 1996 yil 2 iyuldagi 230-son qarori va "Respublika mintaqalarida naqd pul mablagʻlari emissiyasi darajasini pasaytirish prognozlari va kassa rejalari bajarilishi uchun rahbarlar va mansabdor shaхslarning javobgarligini oshirish va ularni ragʻbatlantirish tartibi toʻgʻrisidagi Nizomga oʻzgartirish kiritish haqida" 1996 yil 12 sentyabrdagi 315-son qarori oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Markaziy bankining raisi F.M. Mullajonov zimmasiga yuklansin.

Vazirlar Mahkamasining Raisi                                              I. Karimov

Vazirlar Mahkamasining

2003 yil 4 fevraldagi

63-son qaroriga

ILOVA

Pul agregatlari prognozini

modellashtirish meхanizmi

"Oʻzbekiston Respublikasi qonun hujjatlari toʻplami" 2003 y., 3-son, 23-modda.