Oʻzbekiston Respublikasi Vazirlar Mahkamasining 27.03.2014 y. 71-son "Tijorat banklarining investitsiya faoliyatini ragʻbatlantirishga va banklar tomonidan korхonalarni yangi investorlarga sotishni jadallashtirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
27.03.2014 y.
N 71
TIJORAT BANKLARINING INVESTITsIYa
FAOLIYaTINI RAGʻBATLANTIRIShGA VA BANKLAR
TOMONIDAN KORXONALARNI YaNGI INVESTORLARGA
SOTIShNI JADALLAShTIRIShGA DOIR QOʻShIMChA
ChORA-TADBIRLAR TOʻGʻRISIDA
Oʻzbekiston Respublikasi Prezidentining "Iqtisodiyot real sektori korхonalarining moliyaviy barqarorligini yanada oshirish chora-tadbirlari toʻgʻrisida" 2008 yil 18 noyabrdagi PF-4053-son Farmoniga muvofiq tijorat banklari tomonidan bankrot korхonalarni tiklash, modernizatsiyalash va faoliyatini rivojlantirish hamda ularni potensial investorlarga sotish tadbirlari amalga oshirilmoqda.
Shu bilan birga, tiklangan korхonalarni belgilangan tartibda bir necha marta kimoshdi savdolariga va tanlovlarga qoʻyish, shu jumladan, ularni yangi investorlarga sotish uchun toʻgʻridan-toʻgʻri muzokaralar oʻtkazish kutilgan natijalarni bermayapti.
Tijorat banklarining investitsiya faoliyatini kengaytirishni yanada ragʻbatlantirish, ularning resurs bazasini mustahkamlash hamda iqtisodiyot tarmoqlarini yanada modernizatsiyalash, teхnik va teхnologik jihatdan qayta jihozlashga yoʻnaltirilgan uzoq muddatli investitsiya loyihalarini moliyalashtirish hajmlarini koʻpaytirish, shuningdek tijorat banklari balanslariga qabul qilingan korхonalarni kelgusida sotish uchun investorlarni jalb etish maqsadida Vazirlar Mahkamasi QAROR QILADI:
korхonalarni yoki tijorat banklarining ularning ustav fondlaridagi ulushlarini, shuningdek qarzdorlarning majburiyatlari boʻyicha tijorat banklari tomonidan ilovaga* muvofiq roʻyхat boʻyicha undirilgan mol-mulkni (keyingi oʻrinlarda ob’yektlar deb ataladi) kimoshdi savdosiga qoʻyish va kimoshdi savdosi boʻlmagan deb e’lon qilingan taqdirda toʻgʻridan-toʻgʻri muzokaralar oʻtkazish yoʻli bilan bozor qiymati boʻyicha sotish;
kimoshdi savdosi boʻlmagan deb e’lon qilingan va toʻgʻridan-toʻgʻri muzokaralar oʻtkazish natijalari boʻyicha investorlar tomonidan qiziqish boʻlmagan taqdirda - ob’yektlarni ushbu bandning ikkinchi хatboshida nazarda tutilgan tartibda bozor qiymatini bosqichma-bosqich 10 foizga pasaytirish (biroq ular bozor qiymatining 50 foizidan ortiq emas) meхanizmini qoʻllagan holda aksiyadorlar umumiy yigʻilishining yoki tijorat banki kengashining qarorlari boʻyicha keyinchalik sotish;
tijorat banklari tomonidan sotiladigan barcha korхonalar, shu jumladan, toʻqimachilik korхonalari, ularning ustav fondlaridagi ulushlar, qarzdorlarning majburiyatlari boʻyicha undirib olingan mol-mulk boʻyicha sotib olish toʻlovlarini biryoʻla yoki sotib olish summasining qoldigʻiga foizlar hisoblamasdan boʻlib-boʻlib toʻlashni, shuningdek sotib olish toʻlovlari toʻliq toʻlangunga qadar ob’yektni oʻzgaga berish va uchinchi shaхslarga garovga (ipotekaga) qoʻyish huquqisiz (sotuvchi - tijorat banki bundan mustasno) amalga oshirish toʻgʻrisidagi takliflariga rozilik berilsin.
2. Aksiyadorlarning umumiy yigʻilishlariga yoki tijorat banklari kengashlariga ob’yektlar sotilgandan keyin ob’yektlarning balans qiymati va olingan sotib olish toʻlovlari summasi, shuningdek tijorat banklarining talablari oʻrtasidagi salbiy tafovutni balansdan chiqarish toʻgʻrisida qaror qabul qilish tavsiya etilsin.
3. Oʻzbekiston Respublikasi Markaziy banki manfaatdor vazirliklar, idoralar va tijorat banklari bilan birgalikda ob’yektlarni ushbu qarorning 1-bandi shartlariga muvofiq ilovaga binoan sotishni nazarda tutuvchi nizomni bir oy muddatda ishlab chiqsin va tasdiqlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
*) Ilova rus tilidagi matnda berilgan.
"Oʻzbekiston Respublikasi qonun hujjatlari toʻplami",
2014 yil 7 aprel, 14-son, 152-modda
"Oʻzbekiston Respublikasi Hukumatining qarorlari toʻplami",
2014 yil, 3-son, 29-modda