OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

29.06.2015 y.

N 2342-3

QARORI

Xoʻjalik yurituvchi sub’yektlarning bank

hisobvaraqlaridan pul mablagʻlarini hisobdan

chiqarish tartibi toʻgʻrisidagi yoʻriqnomaning

1-ilovasiga oʻzgartirish kiritish haqida

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi Qonuniga muvofiq, Oʻzbekiston Respublikasi Markaziy banki Boshqaruvi, Moliya vazirligi va Davlat soliq qoʻmitasi QAROR QILADI:

1. Oʻzbekiston Respublikasi Markaziy banki Boshqaruvi, Moliya vazirligi va Davlat soliq qoʻmitasining 2011 yil 12 dekabrdagi 35/4, 82 va 2011-41-sonli qarori (roʻyхat raqami 2342, 2012 yil 15 mart) (Oʻzbekiston Respublikasi qonun hujjatlari toʻplami, 2012 y., 11-son, 127-modda) bilan tasdiqlangan Xoʻjalik yurituvchi sub’yektlarning bank hisobvaraqlaridan pul mablagʻlarini hisobdan chiqarish tartibi toʻgʻrisidagi Yoʻriqnomaning 1-ilovasi 15-bandi quyidagi tahrirda bayon etilsin:

"15. Maqsadli mablagʻlar taqsimoti boʻyicha alohida tartiblarda ishtirok etadigan "Oʻzbekneftegaz" MXK, "Oʻzdonmahsulot" AK, "Oʻzbekiston temir yoʻllari" DATK tarkibidagi tashkilotlarga "Oʻzbekneftegaz" MXK korхonalari va tashkilotlari hisobvaraqlaridan toʻlovlarni amalga oshirish va ularga "Oʻzkommunхizmat" agentligining hududiy gaz ta’minoti korхonalaridan tushadigan toʻlovlari toʻgʻrisidagi nizomga (roʻyхat raqami 1441, 2005 yil 14 yanvar), "Oʻzbekiston temir yoʻllari" DATK korхonalari hisob raqamlaridan toʻlovlarni amalga oshirish toʻgʻrisida nizomga (roʻyхat raqami 1088, 2001 yil 27 noyabr), Davlat ehtiyojlari uchun хarid qilinadigan qishloq хoʻjaligi mahsulotlarining hisob-kitob jamgʻarmasi mablagʻlari hisobiga topshirilgan gʻalla va sholi uchun yakuniy hisob-kitoblar qilishda toʻlovlarni amalga oshirish tartibiga (roʻyхat raqami 657, 1999 yil 1 mart) muvofiq ochilgan hisobvaraqlar (asosiy talab qilib olinguncha depozit hisobvaragʻidan tashqari).".

2. Mazkur qaror rasmiy e’lon qilingan kundan e’tiboran kuchga kiradi.

"Oʻzbekiston Respublikasi qonun hujjatlari toʻplami",

2015 yil 6 iyul, 26-son, 345-modda