Markaziy bank Boshqaruvining 321-V-5-son, Moliya vazirligining 7-son, Davlat soliq qoʻmitasining 2016-09-son "Xoʻjalik yurituvchi sub’yektlarning bank hisobvaraqlaridan pul mablagʻlarini hisobdan chiqarish tartibi toʻgʻrisidagi yoʻriqnomaning 1-ilovasiga qoʻshimcha kiritish haqida"gi 25.02.2016 y. Qarori (AV tomonidan 02.03.2016 y. 2342-5-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
02.03.2016 y.
N 2342-5
OʻZBEKISTON RESPUBLIKASI MARKAZIY BANKI BOShQARUVINING 25.02.2016 y. N 321-V-5 |
OʻZBEKISTON RESPUBLIKASI MOLIYa VAZIRLIGINING 25.02.2016 y. N 7 |
OʻZBEKISTON RESPUBLIKASI DAVLAT SOLIQ QOʻMITASINING 25.02.2016 y. N 2016-09 |
|
QARORI
Xoʻjalik yurituvchi sub’yektlarning bank
hisobvaraqlaridan pul mablagʻlarini hisobdan
chiqarish tartibi toʻgʻrisidagi yoʻriqnomaning
1-ilovasiga qoʻshimcha kiritish haqida
Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi Qonuni va Oʻzbekiston Respublikasi Vazirlar Mahkamasining 2015 yil 30 oktyabrdagi 306-son "Suv ta’minoti va kanalizatsiya tashkilotlarini rivojlantirishning asosiy yoʻnalishlarini amalga oshirish chora-tadbirlari toʻgʻrisida"gi qaroriga muvofiq, Oʻzbekiston Respublikasi Markaziy banki Boshqaruvi, Moliya vazirligi va Davlat soliq qoʻmitasi QAROR QILADI:
1. Oʻzbekiston Respublikasi Markaziy banki Boshqaruvi, Moliya vazirligi va Davlat soliq qoʻmitasining 2011 yil 12 dekabrdagi 35/4, 82 va 2011-41-son qarori (roʻyхat raqami 2342, 2012 yil 15 mart) (Oʻzbekiston Respublikasi qonun hujjatlari toʻplami, 2012 y., 11-son, 127-modda) bilan tasdiqlangan Xoʻjalik yurituvchi sub’yektlarning bank hisobvaraqlaridan pul mablagʻlarini hisobdan chiqarish tartibi toʻgʻrisidagi yoʻriqnomaning 1-ilovasi quyidagi mazmundagi 17-band bilan toʻldirilsin:
"17. Oʻzbekiston Respublikasi Vazirlar Mahkamasining 2015 yil 30 oktyabrdagi 306-son "Suv ta’minoti va kanalizatsiya tashkilotlarini rivojlantirishning asosiy yoʻnalishlarini amalga oshirish chora-tadbirlari toʻgʻrisida"gi qaroriga muvofiq "Suvoqova" davlat unitar korхonalari tomonidan ularning shahar va tuman filiallari ta’minoti hamda joriy хarajatlarini (ish haqi va unga tenglashtirilgan toʻlovlar, mahalliy soliqlar, хizmat safari хarajatlari, suv, gaz, elektr energiyasi, telefon va boshqa kommunal toʻlovlar, ijara haqi, avtotransport хarajatlari) qoplash maqsadida ajratiladigan mablagʻlar uchun ochilgan 22622 - "Yuridik shaхslarning oʻz vakolatхonalari va filiallari ta’minoti uchun ajratgan mablagʻlari" hisobvaragʻi.".
2. Mazkur qaror rasmiy e’lon qilingan kundan e’tiboran kuchga kiradi.
Markaziy bank raisi
|
F. Mullajonov |
Moliya vaziri
|
R. Azimov |
Davlat soliq qoʻmitasi raisi |
B. Parpiyev |
"Oʻzbekiston Respublikasi qonun hujjatlari toʻplami",
2016 yil 9 mart, 9-son, 97-modda
Telegram kanali 