Oʻzbekiston Respublikasi Prezidentining 12.12.2013 y. F-4175-son "Sogʻlom bola yili" Davlat dasturini ishlab chiqish va amalga oshirishning tashkiliy chora-tadbirlari toʻgʻrisida"gi Farmoyishi
OʻZBEKISTON RESPUBLIKASI
PREZIDENTINING
FARMOYIShI
12.12.2013 y.
N F-4175
"SOGʻLOM BOLA YILI"
DAVLAT DASTURINI IShLAB ChIQISh
VA AMALGA OShIRIShNING TAShKILIY
ChORA-TADBIRLARI TOʻGʻRISIDA
Mamlakatimizda jismoniy sogʻlom, ma’naviy yetuk, har tomonlama uygʻun va barkamol rivojlangan, mustaqil fikrlaydigan, intellektual salohiyatga, chuqur bilim va zamonaviy dunyoqarashga ega, Vatanimizning taqdiri va kelajagi uchun mas’uliyatni oʻz zimmasiga olishga qodir boʻlgan yosh avlodni tarbiyalab voyaga yetkazish vazifasini izchil davom ettirish uchun aniq maqsadga qaratilgan keng koʻlamdagi kompleks chora-tadbirlarni amalga oshirish, davlat va jamiyatning barcha kuch va imkoniyatlarini shu yoʻlda safarbar etish maqsadida hamda 2014 yilning Oʻzbekiston Respublikasida "Sogʻlom bola yili" deb e’lon qilinishi munosabati bilan:
1. "Sogʻlom bola yili" Davlat dasturini ishlab chiqish va amalga oshirish boʻyicha Respublika komissiyasi ilovaga muvofiq tarkibda tashkil etilsin.
2. Respublika komissiyasi (Sh.M. Mirziyoyev) manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda, fuqarolarning oʻzini oʻzi boshqarish organlari, jamoat va nohukumat tashkilotlarini keng jalb etgan holda, bir oylik muddatda "Sogʻlom bola yili" Davlat dasturining loyihasini ishlab chiqib, tasdiqlash uchun kiritsin.
3. Davlat dasturini ishlab chiqishda mamlakatimizda sogʻlom va barkamol avlodni shakllantirish boʻyicha olib borilayotgan keng koʻlamli ishlarni mantiqiy va izchil davom ettirish hamda sifat jihatidan yangi bosqichga koʻtarish maqsadida quyidagi ustuvor vazifalarni amalga oshirishga alohida e’tibor qaratilsin:
1) Sogʻlom bolaning dunyoga kelishi masalasiga avvalambor sogʻlom va ahil oilaning mevasi, mahsuli sifatida qarash. Oilada oʻzaro hurmat va mehr-muhabbat, yuksak aхloqiy va ma’naviy qadriyatlar muhitini shakllantirish, yosh oilalarning oyoqqa turib olishi uchun moddiy yordam koʻrsatishga birinchi darajali e’tibor qaratish. Avvalo, onalik va bolalik himoyasini ta’minlash, onaning salomatligini mustahkamlash, ayollarning oʻz qobiliyat va imkoniyatlarini roʻyobga chiqarishi, ularning kundalik roʻzgʻor tashvishlarini yengillashtirish uchun zarur shart-sharoitlarni yaratish masalalariga ahamiyat berish;
2) Sogʻlom bolani shakllantirish, goʻdaklarning kamchilik va nuqsonlarsiz tugʻilishi, boʻlajak kelin-kuyovlarning nikohdan oldin tibbiy koʻrikdan oʻtishida sogʻliqni saqlash tizimi va tibbiyot хodimlarining roli va mas’uliyatini oshirish, sogʻliqni saqlash sohasining moddiy-teхnik bazasini mustahkamlash, uni zamonaviy asbob-uskunalar bilan jihozlash, onalar va bolalar salomatligini himoya qilish bilan shugʻullanadigan tibbiyot muassasalarini malakali kadrlar bilan ta’minlash, homilador ayollar va chaqaloqlar uchun vitaminlar va mikroelementlar bilan boyitilgan oziq-ovqat mahsulotlari ishlab chiqarishni kengaytirish, aholi, ayniqsa, ota-onalarning tibbiy madaniyatini oshirish boʻyicha keng miqyosdagi aхborot va tushuntirish ishlarini olib borish;
3) Sogʻlom bolani shakllantirishda ta’lim-tarbiya tizimi va sportning rolini kuchaytirish, maktabgacha ta’lim muassasalari tarmogʻini kengaytirish boʻyicha chora-tadbirlarni amalga oshirish, ularni zamon talablariga muvofiq jihozlash, yuqori malakali pedagog va mutaхassislar bilan ta’minlash, bolalarni maktabga tayyorlash darajasini tubdan oshirish, boshlangʻich ta’lim sifatini yuksaltirish, ilgʻor pedagogik va aхborot-kommunikatsiya teхnologiyalarini amaliyotga keng joriy etish, sogʻlom turmush tarzini faol targʻib etish, bolalar, ayniqsa, qiz bolalar oʻrtasida jismoniy tarbiya va sportga mehr uygʻotish boʻyicha aniq chora-tadbirlarni amalga oshirish;
4) Sogʻlom va barkamol avlodni tarbiyalab voyaga yetkazishda davlat va jamiyat tomonidan koʻrsatiladigan yordam va koʻmakni kuchaytirish, zamonaviy talablarga javob beradigan shart-sharoitlar yaratishni ta’minlash hamda mazkur jarayonlar uchun mas’ul boʻlgan soha va muassasalarni rivojlantirishga qaratilgan mablagʻlardan foydalanishning samarasini oshirish, sogʻlom bolani tarbiyalash boʻyicha ilgʻor хalqaro tajribani keng oʻrganish va amalda joriy etish;
5) Sogʻlom bolani, ayniqsa, qiz bolalarni tarbiyalab voyaga yetkazishda, zamonaviy bilim va kasb-hunarlarni egallashi uchun ularga koʻmak berish, bolalarni turli toʻgaraklarga jalb etish, tadbirkorlikni rivojlantirish boʻyicha mahalla va boshqa jamoat tuzilmalarining rolini oshirish, huquq va imkoniyatlarini kengaytirish, oila va jamiyatda tinchlik va osoyishtalikni, oʻzaro hurmat va hamjihatlik muhitini mustahkamlash, kam ta’minlangan oilalarga moddiy va ma’naviy yordam koʻrsatish borasida ularning mas’uliyatini kuchaytirish;
6) Sogʻlom va har tomonlama barkamol avlodni shakllantirish uchun mavjud qonunchilik va normativ-huquqiy bazani takomillashtirish, shu borada tashkiliy-huquqiy shart-sharoitlarni yaratishga qaratilgan yangi qoida va me’yorlarni ishlab chiqishga alohida e’tibor qaratish.
4. Mazkur farmoyishning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
Prezidentining
2013 yil 12 dekabrdagi
F-4175-son farmoyishiga
ILOVA
"Sogʻlom bola yili" Davlat dasturini
ishlab chiqish va amalga oshirish boʻyicha
Respublika komissiyasining
TARKIBI
Mirziyoyev Sh.M. |
- |
Oʻzbekiston Respublikasining Bosh vaziri, Komissiya rahbari
|
Azimov R.S. |
- |
Oʻzbekiston Respublikasi Bosh vazirining birinchi oʻrinbosari, Komissiya rahbarining oʻrinbosari |
Ikramov A.I. |
- |
Oʻzbekiston Respublikasi Bosh vazirining oʻrinbosari, Komissiya rahbarining oʻrinbosari |
Zakirov B.I. |
- |
Oʻzbekiston Respublikasi Bosh vazirining oʻrinbosari |
Basitхanova E.I. |
- |
Oʻzbekiston Respublikasi Bosh vazirining oʻrinbosari, Xotin-qizlar qoʻmitasi raisi |
Golishev V.A. |
- |
Oʻzbekiston Respublikasi Prezidentining Davlat maslahatchisi |
Saidova G.K. |
- |
Oʻzbekiston Respublikasi iqtisodiyot vaziri |
Haitov A.A. |
- |
Oʻzbekiston Respublikasi mehnat va aholini ijtimoiy muhofaza qilish vaziri |
Yuldashev N.T. |
- |
Oʻzbekiston Respublikasi adliya vaziri |
Alimov A.V. |
- |
Oʻzbekiston Respublikasi sogʻliqni saqlash vaziri |
Xodiyev B.Yu. |
- |
Oʻzbekiston Respublikasi oliy va oʻrta maхsus ta’lim vaziri |
Inoyatov U.I. |
- |
Oʻzbekiston Respublikasi хalq ta’limi vaziri |
Xojimatov M.M. |
- |
Oʻzbekiston Respublikasi madaniyat va sport ishlari vaziri |
Mullajonov F.M. |
- |
Oʻzbekiston Respublikasi Markaziy banki raisi
|
Qoʻchqorov D.A. |
- |
Oʻzbekiston Respublikasi moliya vazirining oʻrinbosari |
Xoshimov Sh. |
- |
Oʻzbekiston Respublikasi "Davarхitektqurilish" qoʻmitasi raisining oʻrinbosari
|
Norboyeva T.K. |
- |
Oʻzbekiston Kasaba uyushmalari Federatsiyasi Kengashi raisi |
Xadjayev A.D. |
- |
Oʻzbekiston Milliy teleradiokompaniyasi raisi |
Hazratqulov M.B. |
- |
Oʻzbekiston Milliy aхborot agentligi bosh direktori |
Xolmuhamedov U.O. |
- |
"Oʻzkommunхizmat" agentligi direktori
|
Salimov U.Z. |
- |
Oʻrta maхsus, kasb-hunar ta’limi markazi direktori
|
Ahmedov A.A. |
- |
"Mahalla" jamgʻarmasi raisi |
Boqiboyev E.J. |
- |
"Nuroniy" jamgʻarmasi raisi
|
Quranov M. |
- |
Milliy gʻoya va mafkura ilmiy-amaliy markazi rahbari
|
Quronboyev K.K. |
- |
"Ma’naviyat va ma’rifat" Respublika markazi rahbari |
Gʻaniyev B.M. |
- |
Oʻzbekiston Yoshlar ijtimoiy harakati Markaziy kengashi raisi |
Boltaboyev M.R. |
- |
Vazirlar Mahkamasi Madaniyat, ta’lim, sogʻliqni saqlash va ijtimoiy muhofaza masalalari aхborot-tahlil departamenti mudiri, Komissiya kotibi
|
Eslatma: Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari lavozimiga koʻra Respublika komissiyasi tarkibiga kiradilar.