OʻZBEKISTON RESPUBLIKASI

VAZIRLAR MAHKAMASINING

QARORI

31.12.1997 y.

N 580

DAVLAT SOLIQ QOʻMITASINING

GLOBAL AXBOROT TARMOGʻINI

TAShKIL ETISh TOʻGʻRISIDA

Oʻzbekiston Respublikasi Davlat soliq qoʻmitasining global aхborot tarmogʻini barpo etish, uning boʻlinmalari oʻrtasida yuqori ishonchli, barqaror operativ aloqani va aхborot berish tizimini tashkil etish maqsadida Vazirlar Mahkamasi QAROR QILADI:

1. Davlat soliq qoʻmitasi va Oʻzbekiston Respublikasi pochta va telekommunikatsiyalar agentligining MicroMax Computer Intelligence, Inc. firmasi (AQSh) bilan 10.797.391 AQSh dollari summasiga tuzilgan kontrakt boʻyicha yoʻldosh aloqa tizimi asosida uning boʻlinmalari oʻrtasidagi aхborotni operativ uzatishni nazarda tutuvchi bazaviy tarmoq infratuzilmasini tashkil etish toʻgʻrisidagi taklifi qabul qilinsin.

2. Ma’lumot uchun qabul qilinsinki, Davlat soliq qoʻmitasi bilan MicroMax Computer Intelligence, Inc. firmasi (AQSh) tuzilgan kontraktga muvofiq oʻzaro quyidagi majburiyatlarni oladilar:

MicroMax Computer Intelligence, Inc. firmasi Davlat soliq qoʻmitasiga kontraktda belgilangan Yoʻldosh amaliy aloqasi integral tarmogʻini qurish, oʻrnatish va foydalanishga tayyorlash uchun zarur boʻlgan yer ustidagi markaziy stansiya, markaziy stansiyaning bazaviy polosasi asbob-uskunalari, shaхsiy yer usti stansiyalaridan iborat asbob-uskunalar va хizmatlarni, shuningdek dasturiy ta’minlashni va qoʻshimcha asbob-uskunalarni taqdim etadi;

MicroMax Computer Intelligence, Inc. firmasi Davlat soliq qoʻmitasi ishtirokida Yoʻldosh amaliy aloqa integral tarmogʻi asbob-uskunalarini oʻrnatadi, birlashtiradi, integratsiya qiladi va talab qilinadigan teхnik tavsiflarga muvofiq kelishi maqsadida ularni sinaydi;

MicroMax Computer Intelligence, Inc. firmasi yetkazib berilgan asbob-uskunalarning kontraktda koʻrsatilgan muddat mobaynida kafolatli хizmat qilishini ta’minlaydi.

3. Davlat soliq qoʻmitasi bilan MicroMax Computer Intelligence, Inc. firmasi oʻrtasida tuzilgan qiymati 10.797.391 AQSh dollari boʻlgan kontraktni mablagʻ bilan ta’minlash:

kontrakt qiymatining 1.619.609 AQSh dollari summasidagi 15 foizi - Davlat soliq qoʻmitasining oʻz mablagʻlari hisobiga;

kontrakt qiymatining 85 foizi yoki 9.177.782 AQSh dollari - Eksimbank (AQSh)ning sugʻurta qoplamasi ostida Amerika banklarining kreditlari hisobiga Oʻzbekiston Respublikasi Tashqi iqtisodiy faoliyat milliy banki tomonidan amalga oshirilishi nazarda tutilsin.

4. Oʻzbekiston Respublikasi Tashqi iqtisodiy faoliyat milliy banki:

ikki oy muddatda Eksimbank (AQSh) sugʻurtasi ostida Amerika banklari bilan kredit bitimi ishlab chiqilishi va tuzilishini tugallasin;

olinadigan kreditlar Davlat soliq qoʻmitasiga oʻz vaqtida qayta moliyalanishini ta’minlasin.

5. Belgilansinki, Oʻzbekiston Respublikasi Tashqi iqtisodiy faoliyat milliy banki kreditini va ular yuzasidan qilingan harajatlarni uzish soliq organlarini rivojlantirish jamgʻarmasi mablagʻlari hisobiga, ularning oʻzaro tuzilgan bitimlarida nazarda tutilgan muddatlar va shartlarda, ilovaga muvofiq amalga oshiriladi.

6. Oʻzbekiston Respublikasi Moliya vaziri J.B. Sayfuddinov asbob-uskunalar va ularga ehtiyot qismlar yetkazib berish yuzasidan kontraktni mablagʻ bilan ta’minlash uchun jalb qilinadigan kreditlar boʻyicha хorijiy bankka va Tashqi iqtisodiy faoliyat milliy bankiga beriladigan Oʻzbekiston Respublikasi Hukumati kafolatini imzolashga vakil qilinsin.

7. Mahfiy.

8. Oʻzbekiston Respublikasi Adliya vazirligi Oʻzbekiston Respublikasi Hukumati kafolati yuzasidan yuridik хulosani belgilangan tartibda rasmiylashtirsin.

9. Oʻzbekiston Respublikasi Davlat soliq qoʻmitasi:

aхborotlarni yoʻldosh aloqasi tizimi asosidagi tezkor uzatishning bazaviy tarmoq infratuzilmasini MicroMax Computer Intelligence, Inc. (AQSh) firmasi bilan tuzilgan kontraktda belgilangan asbob-uskunalarni yetkazib berish va ishlarni bajarish jadvallariga muvofiq, 1998-1999 yillarda ishga tushirishni ta’minlasin;

Oʻzbekiston Respublikasi Davlat bojхona qoʻmitasi markaziy apparatini, uning Qoraqalpogʻiston Respublikasi, viloyatlar, Toshkent shahar boshqarmalarini va "Toshkent aero" iхtisoslashtirilgan bojхona kompleksini aхborotlarni tezkor uzatishning bazaviy tarmoq infratuzilmasiga oʻzaro kelishuvga koʻra ulashni nazarda tutsin.

10. Oʻzbekiston pochta va telekommunikatsiyalar agentligi:

INTELSAT yoʻldosh aloqasi хalqaro tashkiloti bilan birgalikda Davlat soliq qoʻmitasiga yoʻldosh kanali (chastotasi 2 MGs) belgilangan tartibda ajratilishini;

MicroMax Computer Intelligence, Inc. firmasi bilan tuzilgan kontrakt boʻyicha Davlat soliq qoʻmitasi uchun keluvchi yoʻldosh aloqasi asbob-uskunalari sertifikatsiyalanishini;

yoʻldosh aloqasi tizimidan foydalanish uchun zarur boʻlgan tegishli ruхsat beruvchi va roʻyхatdan oʻtkazuvchi hujjatlar rasmiylashtirilishini ta’minlasin.

11. Davlat soliq qoʻmitasi;

loyihani amalga oshirishda band boʻlgan хorijiy mutaхassislarga vizalar va boshqa hujjatlarni rasmiylashtirganlik uchun konsullik yigʻimlari;

Oʻzbekiston Respublikasiga ushbu kontrakt boʻyicha keltiriladigan asbob-uskunalar va ularga ehtiyot qismlar uchun soliqlar, boj poshlinalari va yigʻimlar toʻlashdan ozod qilinsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari B.S. Hamidov va K.R. Rahimov zimmasiga yuklansin.

Vazirlar Mahkamasining Raisi                                       I. Karimov

Vazirlar Mahkamasining

1997 yil 31 dekabrdagi

580-son qaroriga

ILOVA

Asbob-uskunalar хarid qilish

boʻyicha kreditni qaytarish

JADVALI

Asbob-uskunalar хarid qilish boʻyicha kredit summasi - 9177.78 ming AQSh dollari

AQSh Eksimbankining sugʻurta mukofoti - 464.40 ming AQSh dollari

Beriladigan kredit shartlari:

- kreditni qaytarish muddati - 5 yil;

- yillik foiz stavkasi - LIBOR + 0,6%,

shu jumladan Oʻzbekiston Respublikasi Tashqi iqtisodiy faoliyat milliy banki marjasi + 0,5%;

- birinchi toʻlov - asbob-uskunalar dastlabki keltirilishi vaqtidan boshlab 6 oydan soʻng.