Moliya vazirligining 18-son, Markaziy bank Boshqaruvining 2/8-son, Davlat soliq qoʻmitasining 2008-47-son "Oʻzbekiston Respublikasining Davlat byudjetiga tushumlar toʻgʻrisidagi ma’lumotlarni yigʻish va ayirboshlash tartibi haqidagi nizomni tasdiqlash toʻgʻrisida"gi 06.02.2009 y. Qarori (AV tomonidan 07.03.2009 y. 1914-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
07.03.2009 y.
N 1914
OʻZBEKISTON RESPUBLIKASI MOLIYa VAZIRLIGINING 06.02.2009 y. N 18 |
OʻZBEKISTON RESPUBLIKASI MARKAZIY BANKI BOShQARUVINING 06.02.2009 y. N 2/8 |
OʻZBEKISTON RESPUBLIKASI DAVLAT SOLIQ QOʻMITASINING 06.02.2009 y. N 2008-47 |
QARORI
Oʻzbekiston Respublikasining Davlat byudjetiga
tushumlar toʻgʻrisidagi ma’lumotlarni yigʻish
va ayirboshlash tartibi haqidagi nizomni
tasdiqlash toʻgʻrisida
(2009 yil 17 martdan kuchga kiradi)
Oʻzbekiston Respublikasining "Byudjet tizimi toʻgʻrisida"gi Qonuniga muvofiq hamda Oʻzbekiston Respublikasi Davlat byudjetiga soliqlar, yigʻimlar va boshqa majburiy toʻlovlar boʻyicha ma’lumotlarni tezkor ravishda yigʻish, qayta ishlash va uning asosida Oʻzbekiston Respublikasining Davlat byudjetiga tushumlar toʻgʻrisidagi tezkor ma’lumotlarni shakllantirishni ta’minlash maqsadida Oʻzbekiston Respublikasi Moliya vazirligi, Markaziy bank Boshqaruvi va Davlat soliq qoʻmitasi QAROR QILADILAR:
1. Ilova qilingan Oʻzbekiston Respublikasining Davlat byudjetiga tushumlar toʻgʻrisidagi ma’lumotlarni yigʻish va ayirboshlash tartibi haqidagi nizom tasdiqlansin.
2. Mazkur Qaror Oʻzbekiston Respublikasi Adliya vazirligida davlat roʻyхatidan oʻtgan kundan boshlab oʻn kun oʻtgach kuchga kiradi.
Moliya vaziri
|
R. Azimov |
Markaziy bank raisi
|
F. Mullajonov |
Davlat soliq qoʻmitasi raisi |
B. Parpiyev |
"Oʻzbekiston Respublikasi qonun hujjatlari toʻplami", 2009 yil, 10-11-son, 121-modda.