Oʻzbekiston Respublikasi Prezidentining 30.07.1998 y. PF-2062-son "Hisob-kitob meхanizmini takomillashtirish hamda respublika byudjeti va mahalliy byudjetlarga toʻlovlar tushishini ragʻbatlantirish choralari toʻgʻrisida" 1998 yil 4 fevraldagi PF-1923-son Farmonga qisman oʻzgartish va qoʻshimchalar kiritish haqida"gi Farmoni
OʻZBEKISTON RESPUBLIKASI
PREZIDENTINING
FARMONI
30.07.1998 y.
N PF-2062
"HISOB-KITOB MEXANIZMINI
TAKOMILLAShTIRISh HAMDA RESPUBLIKA
BYuDJETI VA MAHALLIY BYuDJETLARGA
TOʻLOVLAR TUShIShINI RAGʻBATLANTIRISh
ChORALARI TOʻGʻRISIDA" 1998 YIL 4 FEVRALDAGI
PF-1923-SON FARMONGA QISMAN OʻZGARTISh
VA QOʻShIMChALAR KIRITISh HAQIDA
Soliq va toʻlov intizomini mustahkamlash boʻyicha Hukumat komissiyasi tugatilishi hamda hisob-kitoblar meхanizmini takomillashtirish va byudjetga toʻlovlar intizomini mustahkamlash boʻyicha hukumat komissiyasi tuzilishi munosabati bilan "Hisob-kitob meхanizmini takomillashtirish hamda respublika byudjeti va mahalliy byudjetlarga toʻlovlar tushishini ragʻbatlantirish choralari toʻgʻrisida" 1998 yil 4 fevraldagi PF-1923-son Farmonga quyidagi oʻzgartish va qoʻshimchalar kiritilsin:
1. Farmonning 5-bandi quyidagi tahrirda bayon etilsin:
"Xisob-kitoblar meхanizmini takomillashtirish va byudjetga toʻlovlar intizomini mustahkamlash boʻyicha Hukumat komissiyasi yilning har choragi yakunlari boʻyicha hisobot choragidan keyiingi oyning 15-kunidan kechiktirmay byudjetga taalluqli barcha soliqlar va toʻlovlar toʻliq tushishiga doir ishlarning ahvolini, hududlar boʻyicha qarzlarning kamaytirilishini koʻrib chiqib, soliq, moliya va bank organlari rahbarlari hamda mansabdor shaхslarini ragʻbatlantirish va ularning moddiy javobgarligi toʻgʻrisidagi takliflarini Oʻzbekiston Respublikasi Vazirlar Mahkamasiga taqdim etsin."
2. Byudjetga toʻlovlarning tushishi hamda byudjetga toʻlovlar boʻyicha qarzlarning kamaytirilishiga doir belgilangan koʻrsatgichlarning bajarilishi uchun rahbarlar va mansabdor shaхslarni ragʻbatlantirish va ularning moddiy javobgarligini oshirish tartibi toʻgʻrisida Farmonga ilova qilingan Nizomning barcha moddalaridagi "soliq va toʻlov intizomini mustahkamlash boʻyicha Hukumat komissiyasi" soʻzlari "hisob-kitoblar meхanizmini takomillashtirish va byudjetga toʻlovlar intizomini mustahkamlash boʻyicha Hukumat komissiyasi" soʻzlari bilan almashtirilsin.
3. Mazkur Farmonning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.
Oʻzbekiston Respublikasi Prezidenti I. Karimov