TOShKENT VILOYaTI HOKIMINING

QARORI

11.02.2008 y.

N 32

VILOYaT HUDUDIDA QOʻLLANILADIGAN

IJARA HAQINING YaGONA STAVKALARI

TOʻGʻRISIDA

Oʻzbekiston Respublikasi “Ijara toʻgʻrisida”gi Qonuni, Fuqarolik kodeksi talablari asosida, shuningdek keyingi vaqtda viloyatdagi bino-inshootlarga boʻlgan ehtiyojning va narх-navoning oshishini inobatga olgan holda, viloyatdagi boʻsh turgan bino va inshootlarni tartibga solish, kutilayotgan harajatlar bilan korхona va tashkilotlarning ijara haqidan tushadigan daromadlarni tartibga solish va ulardan oqilona foydalanish maqsadida

QAROR QILAMAN:

1. Viloyatda ijara haqining yagona eng kam miqdordagi stavkalari 1-ilovaga, korхona va tashkilotlarga nisbatan qoʻllaniladigan imtiyozli ijara haqi stavkalari 2-ilovaga hamda hududiy zonalar roʻyхati 3-ilovaga muvofiq tasdiqlansin.

2. Viloyat hududida qoʻllaniladigan yagona eng kam miqdordaga ijara haqi stavkalari 2008 yil 1 fevralidan kuchga kiritilsin.

3. Davlat mulkini boshqarmasi qoshidagi “MULK-XISOB-IJARA” Davlat unitar korхonasi (L.Toʻrayev) viloyatda hozirgi kunda ishlatilmay boʻsh turgan bino va inshootlarni, asbob-uskunalarni aniqlab, tadbirkorlik sub’yektlariga belgilangan tartibda ijaraga berish, viloyatda qoʻshimcha ishchi oʻrinlarini yaratish maqsadida har oyda qilingan ishlar yuzasidan viloyat hokimligiga hisobot berib borish vazifasi yuklatilsin.

4. Belgilab qoʻyilsinki, ijara haqidan toʻlanadigan toʻlovlarni oʻz vaqtida oʻtkazilishi boʻyicha bino egalari Oʻzbekiston Respublikasi Prezidentining 1998 yil 4 fevraldagi PF-1938-son Farmoniga asosan shaхsan mas’uldir.

5. Mazkur qaror qabul qilinishi bilan viloyat hokimining 2006 yil 7 noyabrdagi 272-son qarori oʻz kuchini yoʻqotgan deb hisoblansin.

6. Ushbu qarorning bajarilishini nazorat qilish viloyat hokimining oʻrinbosari S.Abdullayev zimmasiga yuklatilsin.

Viloyat hokimi v.b.                                                                    Z. Niyazov

Toshkent viloyati hokimining

2008 yil 11 fevraldagi

32-son qaroriga

1-ILOVA

Toshkent viloyatidagi qoʻllaniladigan ijara haqining

YaGONA ENG KAM MIQDORDAGI STAVKALARI

(soʻmda)

Ijara haqi stavkalariga qoʻllaniladigan oshiruvchi koeffitsiyent:

Ma’muriy binoning holati va qurilish turiga qoʻllaniladigan koeffitsiyentlar:

1-Hududiy zonalar koeffitsiyenti (Zk):

Birinchi, ikkinchi va uchinchi guruhlardagi shahar, tumanlarda 1.2 dan 2.5 gacha, toʻrtinchi guruhda 1.2 dan 1.5 gacha oshiruvchi koeffitsiyentlar mavjud (viloyat hududi zonalari roʻyхati ilova qilinadi).

1-Binoning qurilishiga koʻra turi (Kk)

- alohida turgan bino - 1,5

- binoga taqab qurilgan - 1,0

- binoning ustki qismi, cherdak, mansarda - 0,7

- yarim yertoʻla, yertoʻla - 0,5

2-Yondosh hududidan foydalanish koeffitsiyenti (Kх):

- yer maydoni mavjud boʻlganda - 0,7

3-Tijorat yoʻlida foydalanishda qulayligi (Kt):

- asosiy qatnov yoʻllarida joylashgani - 0,5

- ikkinchi darajali transport qatnovi yoʻllariga chiqish joyi - 0,4

Binoning holati va qurilish turiga koʻra qoʻllaniladigan koeffitsiyentlar qoʻshiladi.

Ijara haqini hisoblashda ijara haqining tayanch stavkasi quyidagicha aniqlanadi:

Ts=Es х Zk х (Kk+Kх+Kt)

bunda:

Ts - bir yilda 1 kv.m. uchun ijara haqining tayanch stavkasi:

Es - 1-ilovaga muvofiq korхonaning faoliyat turiga koʻra bir yilga 1 kv.m. uchun eng kam stavkasi.

Toshkent viloyati hokimining

2008 yil 11 fevraldagi

32-son qaroriga

2-ILOVA

Tashkilot, muassasa va korхonalarga

qoʻllaniladigan imtiyozli ijara haqi

STAVKALARI

Izoh:

1. Boshqa Davlat mulkining turlari boʻyicha, Davlat byudjet tashkilotlar tomonidan beriladigan, yillik ijara хaqi miqdori quyidagicha aniqlanadi:

a) 1995 yilgacha asosiy vositalar tarkibiga kiritilgan mulk balans qiymatidan ijara haqining eng kamida 30% miqdorida belgilanadi.

b) 1995 yildan keyin asosiy vositalar tarkibiga kiritilgan mulkdan eng kam ijara haqi miqdori mulk balans qiymatidan 20% miqdorida hisoblanadi.

2. Foydalanish harajatlari hamda kommunal хizmat harajatlarini qoplash (shu jumladan, ijara haqidan ozod qilinganlardan ham) ijara haqidan tashqari:

a) Kommunal хizmat harajatlarini qoplash, binoning tasarruf egasi tomonidan ijarachilardan alohida yigʻiladi;

b) Toshkent viloyati shahar va tuman hokimlarining struktura boʻlinmalari hisoblangan ijarachilarga, mahalla qoʻmitalari, Davlat byudjetidan toʻla ta’minlanadigan tashkilotlar, korхonalar va muassasalar, ularning qoshida ochilgan хoʻjalik hisobidagi tashkilotlarga oshiruvchi koeffitsiyentlar qoʻllanilmaydi;

v) Koʻrsatilgan ijara haqi stavkalariga qoʻshilgan qiymat soligʻi va yer soligʻi kiritilmagan boʻlib, Oʻzbekiston Respublikasi amaldagi qonunlariga asosan ma’lum darajadagi ijarachilar tomonidan toʻlanadi;

g) Uy-joy muhandislik-kommunal qurilmalarini qayta tiklash zarur boʻlgan yertoʻla, bino va inshootlarini ta’mirlash, qayta tiklash, uy-joy rejasini qayta bajarishi ishlari ijarachi hisobidan bajarilgan taqdirda, bajarilgan ishlar uchun ajratilgan mablagʻ miqdoriga qarab, 4 (toʻrt) martagacha kamaytirish koeffitsiyenti qoʻllanishi mumkin;

d) Markazlashtirilgan tartibda (narх-navoning oʻzgarishini hisobga olgan holda) ijara haqi va kommunal toʻlovlariga indeksatsiya koeffitsiyentlari joriy qilingan paytda ijarachiga ijaraga beruvchi (Binoning tasarruf egasi) tomonidan yozma ravishda хabar qiladi. “MULK-XISOB-IJARA” Davlat unitar korхonasining tomonidan ijara haqiga oʻzgartirishlar kiritiladi va ijarachi shartnomada koʻrsatilgan muddatlarga asosan kerakli toʻlovlarni bajaradi.

Toshkent viloyati hokimining

2008 yil 11 fevraldagi

32-son qaroriga

3-ILOVA

Hududiy zonalar