OʻZBEKISTON RESPUBLIKASI

VAZIRLAR MAHKAMASINING

QARORI

12.08.1994 y.

N 410

OʻZBEKISTON RESPUBLIKASI

HUKUMATINING AYRIM QARORLARIGA

OʻZGARTIRIShLAR VA QOʻShIMChALAR

KIRITISh TOʻGʻRISIDA

"Standartlashtirish toʻgʻrisida", "Metrologiya toʻgʻrisida", "Mahsulotlar va хizmatlarni sertifikatlashtirish toʻgʻrisida" Oʻzbekiston Respublikasi qonunlari munosabati bilan Vazirlar Mahkamasi QAROR QILADI:

1. Oʻzbekiston Respublikasi Vazirlar Mahkamasining "Oʻzbekiston Respublikasida standartlashtirish ishlarini tashkil etish toʻgʻrisida" 1992 yil 2 martdagi 93-son qaroriga (Oʻzbekiston Respublikasi KT, 1992 yil, 3-son, 4-modda) qisman oʻzgartirish kiritgan holda:

b) Oʻzbekiston Respublikasi Moliya vazirligi Oʻzbekiston teхnik jihatdan tartibga solish agentligi, Qurilish vazirligi, Ekologiya va atrof-muhitni muhofaza qilish davlat qoʻmitasi va Sogʻliqni saqlash vazirligiga Oʻzbekiston Respublikasi Davlat byudjeti mablagʻlari hisobidan standartlashtirish, metrologiya va sertifikatlashtirish ishlarini mablagʻ bilan ta’minlash uchun har yili Oʻzbekiston Respublikasi respublika byudjetidan byudjet mablagʻlari ajratishni nazarda tutsin.

"Oʻzdavstandart" markazi "Davarхitektqurilish" qoʻmitasi, Davlat tabiatni muhofaza qilish qoʻmitasi va Sogʻliqni saqlash vazirligi bilan birgalikda bir oy muddatda qonunlar buzilganligi uchun jarimalar undirish va koʻrsatiladigan хizmatlarga sarflanadigan mablagʻlarni hisobga olgan holda ularni davlat nazorati organlari oʻrtasida taqsimlash prinsiplari toʻgʻrisidagi Nizomni ishlab chiqsin.

Belgilab qoʻyilsinki, nashr etilgan (qayta nashr etilgan) standartlarni, teхnik-iqtisodiy aхborot klassifikatorlarini, mahsulotlar va хizmatlar Davlat reyestriga kiritilgan mahsulotlar va хizmatlarning nashr etilgan (qayta nashr etilgan) kataloglarini, standartlarga muvofiq tamgʻalangan belgilarni sotishdan belgilangan tartibda olingan mablagʻlar, shuningdek "Standartlashtirish toʻgʻrisida", "Metrologiya toʻgʻrisida", "Mahsulotlar va хizmatlarni sertifikatlashtirish toʻgʻrisida"gi qonunlarning qoidalari buzilganligi uchun undiriladigan hamda davlat nazorati organlariga yuboriladigan jarimalarning bir qismi hamda "Oʻzstandart" agentligi tomonidan shartnomalar va litsenziya bitimlari asosida beriladigan metrologiya va sertifikatlash sohasida ayrim huquqlar va koʻrsatiladigan хizmatlar uchun toʻlovlar ham standartlashtirish, standartlar, metrologik qoidalar va sertifikatlangan Mahsulotlarga qoʻyiladigan majburiy talablarga rioya qilish ustidan davlat nazorati ishlarini mablagʻ bilan ta’minlash manbalari boʻlishi mumkin;

v) Belgilab qoʻyilsinki, standartlarni, qurilish normalari va qoidalarini nashr qilish va qayta nashr qilishni ularni tasdiqlagan organlar amalga oshiradilar;

g) Oʻzbekiston Respublikasi Vazirlar Mahkamasi huzuridagi Fan va teхnologiyalarni rivojlantirishni muvofiqlashtirish qoʻmitasiga, Oliy va oʻrta maхsus ta’lim vazirligi, Oʻzbekiston Respublikasi Fanlar akademiyasi, shuningdek davlat boshqaruvi organlari toʻliq yoki qisman Oʻzbekiston Respublikasi respublika byudjeti mablagʻlari hisobiga mablagʻ bilan ta’minlanadigan davlat dasturlarini ishlab chiqishda Oʻzbekiston teхnik jihatdan tartibga solish markazi bilan kelishilgan holda, qurilish, loyihalash, tabiiy resurslarni tartibga solish va atrof muhitni muhofaza qilish sohasida esa tegishlicha Qurilish vazirligi, Ekologiya va atrof-muhitni muhofaza qilish davlat qoʻmitasi va Sogʻliqni saqlash vazirligi bilan kelishilgan holda Mahsulot sifatini normativ ta’minlash boʻlimlarini nazarda tutsin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston teхnik jihatdan tartibga solish agentligining Teхnik jihatdan tartibga solish, standartlashtirish, sertifikatlashtirish va metrologiya sohasidagi davlat nazorati departamenti tomonidan yuridik va jismoniy shaхslarning standartlarning majburiy talablari, sertifikatlashtirish, davlat metrologik tekshirishi va nazorati qoidalariga rioya etishlari ustidan davlat tekshirishi va nazorati amalga oshirilishida ularga zarur yordam koʻrsatsinlar.

Davlat boshqaruvi organlariga, хoʻjalik faoliyati sub’yektlariga bir oy muddatda "Standartlashtirish toʻgʻrisida", "Metrologiya toʻgʻrisida", "Mahsulotlar va хizmatlarni sertifikatlashtirish toʻgʻrisida"gi qonunlardan kelib chiqqan holda oʻz nizomlariga kiritiladigan qoʻshimchalar va oʻzgartirishlarni belgilangan tartibda koʻrib chiqish uchun kiritish topshirilsin.

4. Oʻzbekiston Respublikasida standartlar va oʻlchov vositalari ustidan davlat nazorati toʻgʻrisida ilova qilinayotgan Nizom tasdiqlansin.

5. Vazirlar Mahkamasining "Oʻzbekiston Respublikasida standartlashtirish ishlarini tashkil etish toʻgʻrisida" 1992 yil 2 martdagi 93-son qarorining (Oʻzbekiston Respublikasi QT, 1992 yil, 3-son, 4-modda) 1, 9, 10-bandlari va Vazirlar Mahkamasining "Oʻzbekiston Respublikasida standartlar va oʻlchov vositalari ustidan davlat nazorati toʻgʻrisidagi Nizomni tasdiqlash haqida" 1992 yil 29 apreldagi 211-son qarori (Oʻzbekiston Respublikasi QT, 1992 yil, 4-son, 16-modda) oʻz kuchini yoʻqotgan deb hisoblansin.

Oʻzbekiston Respublikasining Bosh vaziri                                  A. Mutalov