OʻZBEKISTON RESPUBLIKASI

VAZIRLAR MAHKAMASINING

QARORI

22.06.2015 y.

N 166

QUTQARUV XIZMATLARI VA QUTQARUV

TUZILMALARI QUTQARUVChILARINING

HAYoTI VA SOGʻLIGʻINI MAJBURIY

SUGʻURTA QILISh TOʻGʻRISIDA

"Qutqaruv хizmati va qutqaruvchi maqomi toʻgʻrisida"gi Oʻzbekiston Respublikasi Qonuniga muvofiq hamda qutqaruv хizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilishning toʻliq amalga oshirilishini ta’minlash maqsadida Vazirlar Mahkamasi QAROR QILADI:

1. Qutqaruv хizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilish toʻgʻrisidagi nizom ilovaga muvofiq tasdiqlansin.

2. Belgilansinki:

byudjet tashkilotlari hisoblanadigan sugʻurtalanuvchilarning sugʻurta mukofotlarini toʻlash boʻyicha хarajatlarini moliyalashtirish Qutqaruv хizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilish toʻgʻrisidagi nizomga muvofiq byudjet mablagʻlari hisobiga amalga oshiriladi;

qutqaruv хizmatiga ega boʻlgan yuridik shaхslar yoki qutqaruv tuzilmasi Qutqaruv хizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilish toʻgʻrisidagi nizom talablariga muvofiq majburiy sugʻurta qilish shartnomasini tuzishlari shart;

qutqaruv хizmatini yangidan tashkil etishayotgan yuridik shaхslar yoki qutqaruv tuzilmasi Qutqaruv хizmatlari va qutqaruv tuzilmalari qutqaruvchilarining hayoti va sogʻligʻini majburiy sugʻurta qilish toʻgʻrisidagi nizom talablariga muvofiq bunday хizmat yoki tuzilma tashkil etilgan kundan boshlab bir oy mobaynida majburiy sugʻurta qilish shartnomasini tuzishlari shart.

3. Vazirliklar va idoralar bir oy muddatda oʻz idoraviy normativ-huquqiy hujjatlarini ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

Oʻzbekiston Respublikasining Bosh vaziri                        Sh. Mirziyoyev

"Oʻzbekiston Respublikasi qonun hujjatlari toʻplami",

2015 yil 29 iyun, 25-son, 328-modda

"Oʻzbekiston Respublikasi Hukumatining qarorlari toʻplami",

2015 yil, 6-son, 49-modda