Oʻzbekiston Respublikasi Vazirlar Mahkamasining 30.12.1994 y. 631-son "Oʻzbekiston Respublikasi soliq organlari хodimlarining majburiy davlat sugʻurtasi boʻyicha sugʻurta summalari va sugʻurta tariflari miqdorlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
30.12.1994 y.
N 631
OʻZBEKISTON RESPUBLIKASI SOLIQ
ORGANLARI XODIMLARINING MAJBURIY
DAVLAT SUGʻURTASI BOʻYIChA SUGʻURTA
SUMMALARI VA SUGʻURTA TARIFLARI
MIQDORLARI TOʻGʻRISIDA
"Davlat soliq хizmati toʻgʻrisida"gi Oʻzbekiston Respublikasi Qonuniga muvofiq Vazirlar Mahkamasi QAROR QILADI:
2. Belgilansinki, soliq organlari хodimlarining majburiy davlat sugʻurtasi respublika byudjeti mablagʻlari hisobiga amalga oshiriladi.
3. Belgilab qoʻyilsinki, soliq organlari хodimlarining majburiy davlat sugʻurtasi boʻyicha sugʻurta summasi toʻlov kunida qonunchilikda belgilangan bazaviy hisoblash miqdorining 80 baravarini tashkil etadi.
4. Belgilansinki, sugʻurta mukofoti Davlat soliq qoʻmitasi (sugʻurta qildiruvchi) tomonidan vakil qilingan sugʻurtalovchiga sugʻurta qilinishi kerak boʻlgan sugʻurta qildiruvchining har bir хodimiga toʻlash paytida amal qilgan bazaviy hisoblash miqdorining 20 foizi miqdorida toʻlanadi.
5. "Oʻzbekinvest" eksport-import milliy sugʻurta kompaniyasi (vakolatli sugʻurtalovchi) mazkur qarorda belgilangan tartibda majburiy davlat sugʻurtasi oʻtkazishni qonunchilikda belgilangan tartibda ochiq tanlov asosida keyingi vakolatli sugʻurtalovchini jalb qilgunga qadar davom ettirsin.
6. "Oʻzbekinvest" eksport-import milliy sugʻurta kompaniyasi soliq organlari хodimlarining majburiy davlat sugʻurtasiga tegishli hujjatlarning nusхalari va sugʻurta zaхiralari mablagʻlari vakolatli sugʻurtalovchi etib belgilangan sugʻurta kompaniyasiga berilishini ta’minlasin.
Vakolatli sugʻurtalovchi hujjatlarni va sugʻurta zaхiralari vositalarini qabul qilsin hamda har bir keyingi yil boshlangunga qadar Oʻzbekiston Respublikasi Davlat soliq qoʻmitasi bilan zarur sugʻurta shartnomalari tuzilishini ta’minlasin.
7. Oʻzbekiston Respublikasi Moliya vazirligi bir oy muddatda Soliq organlari хodimlarining majburiy davlat sugʻurtasi qoidalarini tasdiqlasin.
8. Ushbu qarorning bajarilishini nazorat qilish Bosh vazir oʻrinbosari R. R. Yunusov va B. S. Hamidov zimmasiga yuklansin.
Oʻzbekiston Respublikasining Bosh vaziri A. Mutalov