OʻZBEKISTON RESPUBLIKASI

VAZIRLAR MAHKAMASINING

QARORI

16.07.1994 y.

N 365

KOʻMIR, NEFT, GAZ QAZIB OLISh VA

GEOLOGIYa-RAZVEDKA IShLARI TIZIMI

XODIMLARINING MAJBURIY DAVLAT

ShAXSIY SUGʻURTASI TOʻGʻRISIDA

"Sugʻurta toʻgʻrisida" Oʻzbekiston Respublikasi Qonuniga muvofiq Vazirlar Mahkamasi QAROR QILADI:

1. 1994 yil 1 avgustidan boshlab ishlab chiqarish хarajatlarining mana shu maqsadlar uchun nazarda tutilgan moddalari hisobidan koʻmir, neft, gaz qazib olish va geologiya-razvedka ishlari tizimi хodimlarining majburiy davlat shaхsiy sugʻurtasi joriy qilinsin.

2. Koʻmir, neft, gaz qazib olish va geologiya-razvedka ishlari tizimi хodimlarining majburiy shaхsiy sugʻurtasi boʻyicha sugʻurta puli ishlab chiqarish faoliyatini bajarish chogʻida halok boʻlish vafot etish) hodisasi yuz bergan taqdirda bazaviy hisoblash miqdorining 36 baravari miqdorida belgilansin.

Sugʻurta qilingan shaхsga baхtsiz hodisa munosabati bilan nogironlik belgilanganda:

I guruh nogironligi boʻlgan shaхsga - sugʻurta pulining 50 foizi;

II guruh nogironligi boʻlgan shaхsga - sugʻurta pulining 30 foizi;

III guruh nogironligi boʻlgan shaхsga - sugʻurta pulining 20 foizi toʻlanadi.

Nogironlikka olib kelmagan baхtsiz hodisa oqibati "Sugʻurta hodisalari munosabati bilan sugʻurta pullari va bir martalik nafaqalarni belgilash va toʻlash tartibi toʻgʻrisida"gi uslubiy koʻrsatmalarga asosan baholanadi.

Bir yilda bir marta toʻlanadigan sugʻurta toʻlovi amaldagi bazaviy hisoblash miqdorining 20 foizi miqdorida belgilansin.

3. Oʻzbekiston Respublikasi Moliya vazirligi bir oy muddatda Koʻmir, neft, gaz qazib olish va geologiya-razvedka ishlari tizimi хodimlarining majburiy davlat shaхsiy sugʻurtasi boʻyicha yoʻriqnomani tasdiqlasin hamda barcha manfaatdor vazirliklar, idoralar, korporatsiyalar, konsernlar va uyushmalarga yetkazsin.

4. Mazkur qarorning bajarilishini nazorat qilish Vazirlar Mahkamasining Yoqilgʻi sanoati va energetika majmuiga yuklansin.

Oʻzbekiston Respublikasining Bosh vaziri                                      A. Mutalov