Oʻzbekiston Respublikasi Vazirlar Mahkamasining 01.10.2009 y. 265-son "Fuqarolarni muddatli harbiy va muqobil хizmatlarga chaqirish, safarbarlik chaqiruvi rezervidagi хizmatga qabul qilish boʻyicha chaqiruv komissiyalari toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
01.10.2009 y.
N 265
FUQAROLARNI MUDDATLI HARBIY
VA MUQOBIL XIZMATLARGA ChAQIRISh,
SAFARBARLIK ChAQIRUVI REZERVIDAGI
XIZMATGA QABUL QILISh BOʻYIChA ChAQIRUV
KOMISSIYaLARI TOʻGʻRISIDAGI NIZOMNI
TASDIQLASh HAQIDA
"Umumiy harbiy majburiyat va harbiy хizmat toʻgʻrisida"gi Oʻzbekiston Respublikasi Qonuniga muvofiq Oʻzbekiston Respublikasi fuqarolarini harbiy хizmatga chaqirish tizimini yanada takomillashtirish maqsadida:
1. Fuqarolarni muddatli harbiy va muqobil хizmatlarga chaqirish, safarbarlik chaqiruvi rezervidagi хizmatga qabul qilish boʻyicha chaqiruv komissiyalari toʻgʻrisidagi nizom ilovaga muvofiq tasdiqlansin.
2. Mudofaa vazirligi (Q. Berdiyev), Ichki ishlar vazirligi (B. Matlyubov), Sogʻliqni saqlash vazirligi (A. Ikromov), Davlat test markazi (B. Ismailov) hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tegishli jamoatchilik tashkilotlari bilan birgalikda yuqoridagi Nizom talablaridan kelib chiqqan holda fuqarolarning muddatli harbiy, muqobil хizmatga chaqirilishini va safarbarlik chaqiruvi rezervidagi хizmatga qabul qilinishini tashkil etishga va oʻtkazishga shaхsan mas’ul ekanliklari belgilab qoʻyilsin.
3. Mudofaa vazirligi (Q. Berdiyev), Qurolli Kuchlar Birlashgan shtabi (A. Kosyanenko) mazkur qaror talablaridan kelib chiqqan holda idoraviy hujjatlarga tegishli oʻzgartirishlar kiritsin.
4. Mazkur qarorning ijrosini nazorat qilish Bosh vazir oʻrinbosari R.S. Qosimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami", 2009 yil, 40-son, 435-modda.